Isaías 42:16 - Biblia Enxet

¹⁶ Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.

Isaías 42:16 ပူးပေါင်းရင်းမြစ်များ

Salmos 94:14

Mekxáyhek sa' chá'a Wesse' egegkok ma'a énxet'ák apagkok, mekxáyhek sa' chá'a apxakcha'awok ma'a ektáha nak apagkok.

Eclesiastés 1:15

¡Méko kawának kapékásekxak ma'a kéltaqhesso nak, megkólwanchek nahan kólyetsetek ma'a méko nak!

Eclesiastés 7:13

Etaqmelchesho hana apkelányo aqsok apkelane nak Dios: ¿yaqsa awanchek kapékásekxak aptaqhesso nak ma'a?

Isaías 26:7

Péwók ámay apagkok ma'a énxet'ák apkelpéwomo nak; Wesse', xép apteméssesso meyke élyapwátéyak ma'a ámay apagkok nak.

Isaías 29:18

Ellegak sa' meyke nak apeyk'ák apkelyetsetchesa sa' weykcha'áhak xama énxet xa ekhem nak, keñe sa' ma'a meyke nak apaqta'ák elwetekxaxma, kamaskok sa' elweynchamha ekyáqtésakxaxma.

Isaías 29:24

Kaltámeyagkok sa' aptamhéyak ekha apkelmopwancha'a m'a énxet'ák melya'áseyak nak aptamhágkaxa, emok sa' nahan takha' kélxekmósso m'a énxet'ák apkelpaqméteykha nak chá'a ekmaso exének pók.”

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 30:21

Kélyetnakhágwokmek sa' agkok chá'a kélxega, kóllegak sa' chá'a xama kélpeywa kélnentámen katnehek se'e: “Payhók ámay se'e, kólmeyenta s'e.”

Isaías 32:3

Megkalyampeyk sa' chá'a apaqta'ák apkeláneykha, yeyxhok sa' nahan chá'a meyke aptawásseyo m'a ektáhakxa enxoho apkellege;

Isaías 35:5

Keñe sa' ma'a meyke nak apaqta'ák elwetekxaxma tén sa' ma'a meyke nak apeyk'ák ellegekxaxma;

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Isaías 40:4

Kólapagkokxa ekyókxoho m'a xóp élyapwátéyak nak, kólpeykásekxa m'a egkexe nak tén han ma'a egkexe étkók nak, kóltemessásekxa éláxñeyo agko' xapop ma'a yókxexma élekhahéyak nak xapop tén han ma'a ekxámokmakxa nak meteymog élwenaqte.

Isaías 41:17

“Aptegyágkek yegmen ma'a énxet'ák meyke nak aqsok apagkok tén han ma'a apmopyóseka nak chá'a, makke elwet'ak. Kelyamakak apaxkok élnapma ekhem; apasmok sa' eyke ko'o, ko'o sektáha nak Wesse', makxayhek sa' chá'a, ko'o sektáha nak Israel Dios apagkok.

Isaías 41:3

¿Yaqsa axta éltémo emenxenek chá'a yetlo meyke ektamheykha apwáxok, ektémól'a ónyehek meyke ekyetno xama aqsok ma'a egmonye'?

Isaías 45:2

“Axog sa' ko'o apmonye' exchep, alpeykásekxak sa' ma'a egkexe élekhahéyak nak alpáxqátek sa' ma'a átog sawo élyexwase élyenma nak nekha'a étkók sa' atnessásekxak ma'a sawo kélápeykekxexa nak chá'a átog.

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Isaías 48:17

Aptáhak Wesse' egegkok se'e, apwagkasso nak chá'a teyp, Dios aptaqmalma nak ma'a Israel: “Ko'o sekteme Dios Wesse' apagkok; élxekmóssegkek axta ko'o exchep aqsok yaqwayam nak kapasmok, ekxekmóssegkek axta m'a ámay eyeyméxchexa nak étlók.

Isaías 52:12

Megkólpekhesha sa' eyke kólántépok, megkólenyahagkek sa' nahan, hakte elanha sa' ma'a Wesse' Israel Dios apagkok nak.

Isaías 54:13

Alxekmósek sa' ko'o apyókxoho m'a énxet'ák apagkok; awanhók agko' sa' katnehek ektaqmalma apheykha m'a apyókxoho nak.

Isaías 58:10

kélmésa enxoho chá'a aptéyak ma'a meyk át'ák nak, kélpasma enxoho chá'a aqsok apkelmopmenyého m'a énxet'ák élyaqhápeykha nak apkelwáxok eñama ekyentaxnamo apheykha, kápogwátek sa' cháléwasso kélagkok ma'a ekyáqtésakxaxma nak, élseyéxma sa' katnekxak ma'a ekyaqtéssóxma kélagkok, kaxhok sa' ma'a ektémól'a élseyéxma yetseksók ekhem.

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Ezequiel 14:23

Kaltaqmelekxak sa' kélwáxok kélwet'a sa' apkeltémakxa m'a tén han ma'a aqsok apkelánéyak. Keñe sa' kólya'ásegwók kéxegke megkatnaha eyaqhémo yaqwayam alának ekyókxoho m'a sekteméssesakxa enxoho m'a Jerusalén. Ko'o sekxeyenma xa, sektáha nak Wesse'.”

Oseas 2:14

“Wának sa' kamekxak makham awáxok ko'o: ay'aksek sa' yókxexma meykexa nak énxet, kataqmalmakha sa' sekpeywa alána'.

Oseas 2:6

“Cháxa keñamak peya nak ko'o wáhakkásekxak am'ák ma'a ámay agkok nak, wahaxtegkesek sa' ma'a neyáwa', yaqwayam sa' megkótyehek ámay agkok.

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.

Josué 3:4

Sa' kólya'ásegwomhok yaqwánxa kólmahagkok ma'a, hakte méko makham apmahéyak kélxama kéxegke m'a ámay nak. Nágkólyepetchegwomho aqsa xa yántéseksek nak, makhawók sa' aqsa chá'a kólxog natámen xa, ekhawo nak ma'a xama kilómetro eyátépexa'.”