Isaías 42:14 - Biblia Enxet

¹⁴ Aptáhak Wesse' egegkok se'e: “Ahóxek agko' sekwanmeyeykha aqsa, ekwanmagkamchek aqsa, mapaqméteykha xama enxoho; awhesha sa' kaxwo', máxa sa' atnehek ma'a ektémól'a kelán'a káskok awáxok kamáwhok katnehek naqláwa, wápentegmakha sa', atekkesha sa' nahan sénnama.

Isaías 42:14 ပူးပေါင်းရင်းမြစ်များ

Job 32:18

Xámok ko'o yaqwánxa atnehek sekpeywa, massék seyewagko peya amágwakxa';

Job 32:20

Apaqmétek sa' yaqwayam enxoho alánegwók ektáhakxa ewáxok, wátegmowagkok sa'.

Salmos 50:2

Kelyenmeyk Dios élseyéxma apagkok ma'a ekpayho nak Sión, tegma apwányam aptaqmalma meyke ekhémo.

Salmos 50:21

Cháxa kéltémakxa kéxegke xa ektáha nak, ekwanmagkamchek eyke aqsa ko'o; ¡kélanagkamchek axnémók ko'o kéxegke! Kélnápaqta'awók sa' ko'o alxénchásekxohok kéltémakxa, ¡ayaqmagkásekxak sa' mók kéltémakxa!

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 57:11

“¿Yaqsa xa aqsok kéláyókxa kéláya nak chá'a kéxegke tén han kéláyo nak chá'a, yaqwayam enxoho hélyensók ko'o sélyetleykha tén han kamassegwomhok agko' ekxeyenma kélwáxok ko'o? Ekwanmagkamchek axta aqsa ko'o mehéláyo axta, máxa malweteya axta ektemék.

Isaías 64:12

Wesse', ¿Melañeya sa' aqsok xép apwet'a enxoho ektáha xa ektáha nak? ¿Ewanmaya sa' aqsa? ¿Eyánchessamhoya sa' aqsa sẽllegassáseykegkoho?

Isaías 65:6

Táxésamaxcheyk eyke sekhakxa ko'o ekyókxoho xa, mawanmeyha sa' aqsa nahan ko'o; atnéssesek sa' ekpayhawo nak atnéssesek;

Jeremías 15:6

Eyamasmeyk xép, massegkek sélányo. Ko'o sekxeyenma xa, sektáha nak Wesse'. Cháxa keñamak séleklágweykmo nak séláneykha aqsa, ekya'ássek néten émek peya añássesagkoho', keñe sekmasséssekmo.

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Jeremías 44:22

Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.