Isaías 41:4 - Biblia Enxet

⁴ ¿Yaqsa axta élane xa aqsok nak? ¿Yaqsa axta éltémo chá'a katnehek ekyókxoho aqsok ektéma axta chá'a m'a sekxók eyeynamókxa axta keso nélwanmégkaxa? Ko'o sekwánxa ahagkok sekteme exakko' Wesse' Dios, eyeynókxa tén han ektemegwánxa néxa.

Isaías 41:4 ပူးပေါင်းရင်းမြစ်များ

Salmos 102:27

Meyaqmagkassemek eyke chá'a aptémakxa exchep, megkatnégwomek néxa apha.

Salmos 102:28

Egkések sa' meyke ektáhakxa apheykha m'a apkeláneykha aptawán'ák neptámen nak; eltaqmelchesek sa' chá'a m'a egketchek nentámen.

Isaías 40:12

¿Yaqsa élyetsáteykegko awáxok ámek ekwánxa ekyawe m'a wátsam ekwányam nak? ¿Yaqsa élyetsáteykegko aphék ekwánxa ekpayhe m'a néten? ¿Yaqsa ekxátama xama kelyetsáteyak ekyókxoho yagkamex nak keso náxop? ¿Yaqsa nahan élyetsáteykegko xama kelyetsáteyak ma'a egkexe tén han ma'a meteymog élekhahéyak nak?

Isaías 40:26

Kólsekhekxoho néten, kóllano: ¿Yaqsa axta élane xa ekyókxoho nak? Cham'a apkexpánchesso axta chá'a xama xama m'a yaw'a tén han apnegkenchesso axta chá'a apkelwesey m'a apyókxoho nak. Awanhók agko' ma'a apmopwána tén han apyennaqte, méko xama enxoho apkeymomap.

Isaías 41:20

yaqwayam sa' elwetak apyókxoho énxet tén han elya'asagkoho', tén han etaqmelcheshok apkelányo, tén han elyekpelkoho' ektáha ko'o sélane yetlo sekmowána xa, ko'o sektáha nak Wesse', tén han ektáha sélántekkesso ko'o sektáha nak Dios Sektaqmalma m'a Israel.”

Isaías 41:26

¿Yaqsa axta eklegassama sekxók eyeynókxa axta xa yaqwayam enxoho agya'asagkoho'? ¿Yaqsa axta éltenneykencha'a sekxók axta, yaqwayam enxoho anxének ekpayhawo ektémakxa? Méko kélxama kéxegke kélxeyenma xa, méko eklegaya xama enxoho kélpeywa.

Isaías 41:3

¿Yaqsa axta éltémo emenxenek chá'a yetlo meyke ektamheykha apwáxok, ektémól'a ónyehek meyke ekyetno xama aqsok ma'a egmonye'?

Isaías 42:24

¿Yaqsa axta éltémo elmenyexakpok ma'a énxet'ák Israel tén han elmakpok ma'a Jacob énxet'ák apagkok nak? ¿Háweya axta Wesse' egegkok? Apkeláneykegkek melya'assáxma apkenmexma m'a, megkalyaqwámeykegkok elyetlók ma'a ámay apxekmóssamakxa axta, melyeheykekxohok nahan ma'a segánamakxa apagkok nak.

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Isaías 43:13

Ko'o sekteme Dios eyeynamo m'a sekxók axta. Méko xama aqsok hexyánegkesek ko'o. Méko kamasséssók ma'a aqsok sélane nak chá'a.”

Isaías 46:10

Ekxeyenmeyk axta ko'o yaqwánxa katnehek ektemegwánxa néxa m'a sekxók eyeynókxa axta; ekxeyenmeyk axta yaqwánxa katnehek egmonye' m'a sekxók megkatnamakxa axta makham. Axta ektemék ko'o s'e: Kalanaxchek sa' ma'a aqsok sekmáheyo nak alána'; alának sa' ko'o ekyókxoho m'a sekxeyenma nak alána'.

Isaías 48:12

“Israel, yeyxho sekpeywa, Jacob, sekwóneykha axta: Ko'o sekteme wánxa xama Dios, ko'o sekteme eyeynókxa tén han ektemegwánxa néxa.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!