Isaías 41:18 - Biblia Enxet

¹⁸ Wának sa' katyapok yegmen ényé m'a neyseksa egkexe meykexa nak énxet tén han ekteyapmakxa chá'a yegmen ma'a neyseksa nak élyapwátegweykenxa xapop; ekyetnamakxa yegmen sa' atnessásekxak ma'a meykexa nak énxet, wának sa' kanyehek yegmen ma'a ekyamáyekxa nak xapop.

Isaías 41:18 ပူးပေါင်းရင်းမြစ်များ

Salmos 104:10

Aptekkessegkek xép yegmen ma'a élánteyapmakxa nak yegmen, apkelya'áseykekxo m'a wátsam, ényahama nak neyseksa meteymog élekhahéyak.

Salmos 105:41

Appáxqatmeyk axta meteymog, keñe axta ekteyapma yegmen, máxa wátsam axta temék ényahama m'a yókxexma meykexa nak énxet.

Salmos 107:35

ságe chá'a etnessásekxak ma'a yókxexma meykexa nak énxet, keñe chá'a ekteyapmakxa yegmen ma'a ekyamáyekxa nak xapop;

Salmos 126:4

¡Wesse', henteméssásekxa makham negko'o m'a sentémakxa axta, ektémól'a ekmámeye kayaqmagkasek ektémakxa m'a ekyamáyekxa nak xapop!

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Isaías 12:3

Kélwanchek sa' kéxegkáxa kólmahagkok kólyenagkok yegmen yetlo ekpayheykekxa kélwáxok xa ekteyapmakxa nak nélwagkásamáxche teyp,

Isaías 30:25

Wokmek sa' agkok ekhem yaqwánxa keytek nentekyawa ekyawe, appallakmo sa' ma'a tegma apkelyennaqte nak, kaxek sa' wátsam tén han yegmen ényé ekyókxoho m'a meteymog élekhahéyak netna'awo nak tén han ma'a egkexe élwenaqte nak.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Isaías 33:21

Cha'a senxekmóssamakxa negko'o apcheymákpoho Wesse' egegkok ma'a. Xama yókxexma ekxámokmakxa nak ma'a wátsam, yegmen ényé ekyawe nak ekpayhakxa, melántexek sa' eyke sẽlenmexma yetlo yántakpayhe étkok apagkok ma'a, tén han ma'a yántakpayhe élyawe apagkok nak.

Isaías 35:1

Kapayhekxa awáxok yókxexma meykexa nak énxet, ekyamáyekxa nak exma xapop, kapayhekxoho agko' awáxok kalyapwekxa' makham,

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 48:21

Apkelya'assegkek axta eykhe m'a yókxexma meykexa nak énxet, axta eyke kalnapmak ekhem; appáxqatmeyk axta meteymog aptekkessama ekyawe agko' ma'a yegmen.

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Isaías 65:13

Cháxa keñamak aptáha nak appeywa Wesse' egegkok se'e: “Yetneyk sa' chá'a katnehek aptéyak ma'a séláneykha; keñe sa' kéxegke kóllegagkohok meyk élnapma; yetneyk sa' katnehek ma'a apyenéyak, keñe sa' kéxegke kóllegagkohok hem élnapma; kalpayhekxak sa' apkelwáxok ma'a, keñe sa' kéxegke kólmegqe';

Joel 3:18

Máxa yegmen ényé sa' katnehek kalpexyewenták vino m'a egkexe nak, tén han weyke nagkeygmenek, awanhek sa' katnehek yegmen ma'a alwáta étkók nak Judá. Katyapok sa' yegmen ma'a tegma appagkanamap ahagkok, kayássesek sa' ma'a yókxexma Sitim.

Zacarías 14:8

Keñe sa' katyapok yegmen megkeymaye m'a Jerusalén, yaqwayam sa' kanyehek ma'a ekhem apmopsamágexal'a tén han ma'a ekmexanmakxal'a exma, nekha sa' kamhagkok ma'a ekpayho nak Wátsam Ekwányam Étsapma tén sa' mók nekha kamhagkok ma'a ekpayho nak Wátsam Ekwányam Mediterráneo.

Jueces 15:19

Tén axta apmeykesa máxek Dios ekyetnama nak ma'a Lehi, apyenchek axta yegmen Sansón ekteyapma axta m'a máxek nak, kellókók axta han apyempehek. Cháxa keñamak éltamhomaxko nak ekwesey En-hacoré m'a ekteyapmakxa yegmen, ekyetna nak makham Lehi.