Isaías 41:17 - Biblia Enxet

¹⁷ “Aptegyágkek yegmen ma'a énxet'ák meyke nak aqsok apagkok tén han ma'a apmopyóseka nak chá'a, makke elwet'ak. Kelyamakak apaxkok élnapma ekhem; apasmok sa' eyke ko'o, ko'o sektáha nak Wesse', makxayhek sa' chá'a, ko'o sektáha nak Israel Dios apagkok.

Isaías 41:17 ပူးပေါင်းရင်းမြစ်များ

Génesis 28:15

Sekxegexma ko'o exchep, ataqmelchesek sa' chá'a m'a apmakókxa enxoho chá'a emhagkok, eyntementák sa' makham se'e xapop nak. Mayenyewek sa' aqsa chá'a meyke sélane m'a séltennassama nak chá'a alána'.”

1 Reyes 17:8

Keñe axta Wesse' egegkok aptáha apcháneya Elías se'e:

2 Crónicas 6:17

Wesse' egegkok, Dios nak Israel, yána sa' katyapok ekyókxoho m'a apkeltennassama axta m'a táta axta ko'o David, apteme axta apkeláneykha.

Salmos 22:15

Yamáyak ahátog, máxa ektémól'a yelpa' ekyamaye; yepetcheykekxeyk ahaxkok epaqpehek. ¡Epekkenmeyk náxop, máxa sétsapma etnéssessók!

Salmos 34:6

Ekwóneyha axta ko'o Wesse' egegkok, ko'o sektáha nak sekmayósa, ehaxnawók axta han, emallahanchessek axta han ekyókxoho ektémakxa ekmaso sekha.

Salmos 37:25

Étkok axta ko'o, sekwányamók eyke kaxwók ektáhak, makke ateyk makham meyke ekpasmo m'a énxet meyke nak aptémakxa, mateyk nahan elmaxneyha aqsok énxet'ák ma'a apketchek.

Salmos 42:2

Awanhek ko'o étamso ewáxok Dios, Dios memassegwayam nak. ¿Yaqsa sa' kexa ekhem awakxak aphakxa Dios yaqwayam alpeykesho'?

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 74:21

Nágyoho kóltemessásekxak mékoho m'a kélnaqtawáseykegkoho nak; ¡yána elpeykeshok ma'a meyke nak aqsok apagkok, tén han ma'a apkelmopyóseka nak!

Salmos 94:14

Mekxáyhek sa' chá'a Wesse' egegkok ma'a énxet'ák apagkok, mekxáyhek sa' chá'a apxakcha'awok ma'a ektáha nak apagkok.

Éxodo 17:3

Hem axta eyke kelnápak ma'a énxet'ák, apkelpaqméteyha axta makham apxéna ekmaso m'a Moisés. Axta aptáhak apcháneya s'e: —¿Yaqsa axta ektéma sẽlántekkessama m'a Egipto? ¿Apkeltémok enxeykel'a exchep hẽlnápok hem sẽlnapma, yetlo egketchek tén han ma'a aqsok nennaqtósso nak?

Éxodo 17:6

Axek sa' eyke ko'o aleyxek ma'a néten egkexe Horeb. Aptekpogkek sa' agkok ma'a meteymog, katyapok sa' yegmen eñama m'a kañe' nak, yaqwayam enxoho énagkok ma'a énxet'ák. Aptemék axta nahan Moisés xa ektáha nak, nápaqta'awók ma'a apkelámha apmonye'e Israel.

Isaías 30:19

Énxet'ák Sión, kélheykha nak Jerusalén: megkóllekxagwaha sa' kaxwók kéxegke. Kélyósekak sa' elanok kéxegke Dios apleg'a enxoho kélpáxameykha ekyennaqte kólmaxnak yaqwayam epasmok, ketse' aplege sa' katnehek kélpeywa, yohók sa' chá'a yátegmowagkok.

Isaías 42:16

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.

Isaías 43:20

Heyáwhok sa' ma'a aqsok nawha'ák élleykha nak naxma, cham'a semheg nawha'ák nak tén han ma'a xápen, hakte atekkesek sa' yegmen ma'a yókxexma meykexa nak énxet, tén han wátsam ma'a xapop megkatyapmakxa nak xama aqsok, yaqwayam sa' agkések apyenéyak ma'a énxet'ák ahagkok sélyéseykha axta,

Isaías 44:3

hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 48:21

Apkelya'assegkek axta eykhe m'a yókxexma meykexa nak énxet, axta eyke kalnapmak ekhem; appáxqatmeyk axta meteymog aptekkessama ekyawe agko' ma'a yegmen.

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Isaías 55:1

“Kólchexyem kélyókxoho hem élnapma nak, kólyahagwata yegmen; meyke nak selyaqye kélagkok kólchexyem, kóltegyágwata hótáhap apaktek meyke ekyánmaga, tén sa' kóltawagkok; kóltegyágwata vino meyke kélyánmagkasso ketse' enxoho tén han weyke nagkeygmenek.

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Isaías 65:13

Cháxa keñamak aptáha nak appeywa Wesse' egegkok se'e: “Yetneyk sa' chá'a katnehek aptéyak ma'a séláneykha; keñe sa' kéxegke kóllegagkohok meyk élnapma; yetneyk sa' katnehek ma'a apyenéyak, keñe sa' kéxegke kóllegagkohok hem élnapma; kalpayhekxak sa' apkelwáxok ma'a, keñe sa' kéxegke kólmegqe';

Isaías 65:24

Wátegmowagkok sa' chá'a ko'o, amonye' sewóneykha xa énxet'ák nak; añak sa' nahan chá'a aptáhakxa apkelpeywa, amonye' apsawhéyak apkelpaqmeyesma.

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Jeremías 31:25

Hakte alagkok sa' ko'o aptéyak tén han apyenéyak ekyawe agko' yegmen ma'a apkelyampayo nak, tén han meyke nak apkelyennaqte.”

Lamentaciones 4:4

Hem egkelnapmak ma'a sakcha'a megkalyamasma nak makham neme, kelyamáyak axkok. Kaltemeykha chá'a ektéyak sakcha'a, méko eyke xama enxoho yaqwayam chá'a egkések.

Ezequiel 47:8

Tén axta aptáha seyáneya s'e: “Yókxexma teyapmakxa ekhem keñamak ényé xa yegmen nak, weykekxók ma'a wátsam Jordán, cham'a yaqwánxa sa' kataxnegwakxak ma'a Wátsam Ekwányam Étsapma nak. Wákxeyk sa' agkok ma'a, kátsekxak sa' yegmen ma'a wátsam ekwányam nak.