Isaías 41:13 - Biblia Enxet

¹³ Hakte amagkok sa' ko'o exchep ma'a apmék, ko'o sektáha nak Dios Wesse' apagkok, ektemék xeyk ko'o seyáneya exchep se'e: ‘Nágyé aqsa, apasmok sa'.’”

Isaías 41:13 ပူးပေါင်းရင်းမြစ်များ

Salmos 109:31

Hakte apmasmeyk ma'a meyke nak aqsok apagkok, apwagkassegkek teyp nepyeseksa m'a apmáheyo nak yaqhek.

Salmos 118:7

Wesse' egegkok apteme ko'o sekxegexma; cha'a sepasmo chá'a m'a. ¡Atagkohok sa' ko'o emenxenakpok ma'a aptáha nak chá'a setaqnagko!

Salmos 63:8

Yepetcheyak ko'o exchep sekyókxa; meheyenyeykekxak semeykegko apmek apkelya'assamakxa.

Salmos 73:23

Ekhegkek axta eyke aqsa chá'a ko'o xamo' xép, apmeykegkek axta émek apkelya'assamakxa,

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Éxodo 20:20

Keñe axta Moisés apchátegmowágkokxo. Aptáhak axta apkeláneya s'e: —Nágkóle'. Apwa'ak Dios yaqwayam elyepkeynek tén han kóltéhek chá'a kélaye, yaqwayam enxoho megkóllanyek chá'a m'a megkólya'assáxma.

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Isaías 42:6

“Ekwóneykha axta ko'o exchep, ko'o sektáha nak Wesse', ekmeyk axta apmek, yaqwayam enxoho etnehek apkelwagkasso teyp énxet'ák; éláneyak axta ko'o exchep, hakte émenyeyk axta etnehek magkenatchesso ekhémo mók sélpaqhetchásamáxkoho ko'o m'a énxet'ák, tén han élseyéxma apagkok ma'a pók aptémakxa nak chá'a énxet'ák,

Isaías 43:6

Sa' atnehek wának nexcheyha s'e: ‘Hélmeyásekxa’ sa', keñe sa' nepyeyam atnehek wának se'e: ‘Ná elmeyow aqsa. Kólnaqlanta sa' étchek apkelennay'a tén han kelwán'ák apheykha nak ma'a makhawo', néxa xapop nak keso nélwanmeygkaxa,

Isaías 45:1

Apteméssessek axta Wesse' egegkok wesse' apwányam ma'a Ciro, apmeyk axta apmek apkelya'assamakxa yaqwayam enxoho etnehek apkeláneykha apyókxoho énxet'ák keso náxop tén han yaqwayam elyementók chá'a apkelmeykha apkenchesso kempakhakma m'a kelwesse'e apkelwányam nak. Apkeltamhók axta nahan kólmeykessesek chá'a átog tegma apkelyawe apmonye' Ciro m'a Wesse' egegkok meyke enxoho xama énxet apmopwána yápekxa'. Tén axta aptáha apcháneya s'e:

Isaías 51:18

Méko xama enxoho étchek xe' yaqwayam enxoho éntamha chá'a; méko xama enxoho étchek xe' éktegkesso nak yaqwayam emha chá'a ámek.

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 46:27

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Hageo 2:5

Apheyk kélnepyeseksa kéxegke espíritu ahagkok, ekhawo séltennassama axta kéxegke kélánteyapma axta Egipto. Nágkóle'.