Isaías 41:11 - Biblia Enxet

¹¹ Elmegqágwakxohok sa' apyókxoho m'a aptaqnagko nak chá'a, melya'asagkek sa' aptamhágkaxa; esawhakpohok apagko' sa' ma'a apkelnápomákpo nak chá'a exchep.

Isaías 41:11 ပူးပေါင်းရင်းမြစ်များ

Éxodo 11:8

Tén sa' elxegmak hey'áwak ko'o apyókxoho apkeláneykha nak xép se'e, eltekxeyagkok sa' aptapnák etnehek heyának se'e: ‘Kólxeg, xép tén han ma'a apyókxoho énxet'ák ektáha nak chá'a exchep apkelyetleykha.’ Sa' agkok katnahak xa, maxñehek sa' makham. Aplókók apagko' axta Moisés aptepa m'a aphakxa faraón.

Éxodo 12:29

Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso.

Éxodo 23:22

Naqsók agkok xeyep mey'ássekmo tén han apkelana enxoho ekyókxoho m'a séltamhókxa axta etnehek, etnehek sa' ko'o sélenmexma m'a apkelenmexma nak xeyep, wanmexmakha sa' nahan ko'o m'a ektáha nak chá'a exchep apkenmexeykha.

Isaías 17:13

Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Isaías 29:5

Katlakkasek sa' eyke aqsa ellegássesagkohok ekmanyehe agko' Wesse' ekha nak apyennaqte m'a apkelenmexma nak, yetlo takha' aplo, xóp ekyawheykha, tén han éxtegyawà ekyennaqte, éxchahayam ekyennaqte, tén han yaphope néten ekmaso yetlo eyáléwe ekmassesseykmohol'a aqsok. Xapop ánek agko' sa' etnekxak ma'a apkelenmexma apxámokma nak, máxa pa'at apák élchampe sa' kólteméssesek ma'a apyaqmáseykha apxámokma nak.

Isaías 29:7

Máxa negwanmagko sa' etnahagkok emassegwók apyókxoho m'a énxet'ák apxámokma apkempakhaya nak chá'a m'a Ariel, apketámeykegko nak chá'a m'a tegma apkelyennaqte apagkok, ekhawo nahan ma'a apnaqtawáseykegkoho nak chá'a; máxa sa' etnahagkok ma'a ektémól'a agwetak xama aqsok negwanmagko m'a axta'a.

Isaías 29:8

Máxa sa' etnahagkok ma'a ektémól'a meyk áto' kawanmaksek etwok ma'a apto, keñe apxatakha'a enxoho méko katnehek apto m'a apwáxok; essenhan ma'a ektémól'a hem áto' kawanmaksek ének ma'a apyá, keñe apxatakha'a enxoho hem egkaqhek keymeyk nahan apyespok. Sa' katnehek apyókxoho xa énxet'ák apxámokma nak apketámeykegko nak ma'a egkexe Sión.

Isaías 34:12

Mexnekxók sa' chá'a xama wesse' apwányam apagkok yaqwayam eltaqmelchesek; elmassegwók sa' apyókxoho m'a kelwesse'e apagkok.

Isaías 40:17

Mékoho apancha'awók nápaqtók Dios ma'a apyókxoho pók aptémakxa nak chá'a énxet'ák; apkelyelqákpók elano'.

Isaías 40:2

kólpaqhetchesha yetlo éltaqmeleykha kélwáxok ma'a énxet'ák Jerusalén, kóltennés ekmassegwokmo kaxwo' ma'a ektémakxa nak kélásenneykha naqsa ekyentaxno, kóltennés appenchesa apyaqmagkáseykekxa mók ma'a aqsok melaqhémo, tén han sekyeykhássekmoho ko'o séllegassáseykegkoho ekyókxoho m'a melya'assáxma.”

Isaías 41:24

¡Mékoho kélancha'awók eyke kéxegke, megkólwanchek kóllának ma'a aqsok! Eltaqnaweykpohok apagko' nahan chá'a m'a ektáha nak chá'a apkelpeykessamo kéxegke.

Isaías 41:29

¡Mékcha'awo agko' ekyókxoho m'a! Méko xama aqsok kalanagkok; kéleykmássesso aqsa, meyke nak ekyennaqte.

Isaías 45:24

Sa' etnehek elpaqmétek se'e: ‘Wesse' egegkok aqsa yetnók ma'a negmallane nak tén han negyennaqte.’ Elmegqágwakxohok sa' apyókxoho m'a setaqnagko nak chá'a ko'o.

Isaías 49:25

Apxénchek Wesse' egegkok kélwanchek kólyementók: “Kólyementemekxak sa' apkelma axta m'a énxet apyennaqte nak, kólyementemekxak sa' aqsok ekxámokma axta apkelma m'a wesse' aplo nak. Ko'o sa' alátegmoweyxchek chá'a m'a apmáheyo nak chá'a elátegmoweykpok; ko'o ahagko' sa' nahan alwagkasek teyp ma'a étchek nak xeye'.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 54:15

Apketamokmek sa' agkok chá'a énxet háwe sa' ko'o eñama séltémo, emenxenek sa' chá'a exchep ma'a apketámeyam nak chá'a.

Isaías 54:17

méko axta eyke éláneya xama enxoho m'a kélmeykha ekmowána enxoho kamasséssók xép. Elwanmeyásekxak sa' apyókxoho m'a ektáha nak apxéneykha. Keso sekméssamo nak chá'a ko'o ektáha nak sétleykha s'e: negwayam teyp.” Wesse' egegkok xa ektáha nak apxeyenma.

Jeremías 12:17

Keñe sa' ma'a énxet'ák mehelyeheykekxohok nak ko'o, asawhohok sa' alántekkesek, amasséssók sa' nahan. Ko'o sekxeyenma xa, sektáha nak Wesse'.”

Jeremías 2:3

Élpagkanchessegkek axta ko'o m'a énxet'ák Israel, axta aptamhéyak aqsok séneykekxa éltaqmalma m'a. Asagkek axta agkok chá'a apteméssesakxa xama énxet, añássesagkohok axta chá'a ko'o wahak apkellegeykegkoho ekmaso. Ko'o sekxeyenma xa, sektáha nak Wesse' kélagkok.”

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Zacarías 12:3

“Atnessásekxak sa' ko'o meteymog ekyentaxno agko' Jerusalén xa ekhem nak, megyexyawaksek sa' chá'a m'a pók aptémakxa nak énxet'ák. Kapexyekhak sa' chá'a m'a apmáheyo nak chá'a éxnések néten. Épetchekxak sa' pók apyókxoho pók aptémakxa énxet'ák yenmexek ma'a Jerusalén,