Isaías 41:10 - Biblia Enxet

¹⁰ Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Isaías 41:10 ပူးပေါင်းရင်းမြစ်များ

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

Génesis 26:24

Apxekmowáseykpek axta han Wesse' egegkok xa axta'a nak. Aptáhak axta apcháneya s'e: “Ko'o sekteme Dios apagkok ma'a apyáp axta Abraham. Nágye aqsa, ekheyk ko'o xamo' xép. Apasmok sa', axámássesagkok sa' han aptawán'ák neptámen, eñama m'a séláneykha Abraham.”

Génesis 31:5

aptáhak axta apkeláneya s'e: —Ekyekpelchágwokmek ko'o kélyáp nak kéxegke ekmassama ektaqmeleykha apwáxok sélányo, ektéma axta m'a nanók axta; sekxegexma eyke chá'a ko'o ektemék ma'a Dios apagkok nak táta.

Génesis 49:24

apmeyhek eyke m'a José, meyawhesha chá'a yágke apagkok; ¡Jacob Dios apagkok apyennaqte keñamak apteméssesso!, ¡apkeláneykha nepkések apwesey keñamak, cham'a apmasma nak ma'a Israel!

2 Samuel 22:19

Étámeykmek axta ko'o m'a neyseksa ekyentaxno sekha, epasmomchek axta eyke m'a Wesse' egegkok:

1 Crónicas 12:18

Keñe axta aptaxna apwáxok espíritu m'a Amasai, apteme axta apkemha apmonye' nepyeseksa m'a treinta énxet'ák. Aptáhak axta s'e: “¡Meyke ektáhakxa apwáxok sa' keytek xép David, Jesé apketche! ¡Keytek sa' xép aphakxa meyke ektáhakxa apwáxok! ¡Méko sa' katnehek ektáhakxa apwáxok xép tén han ma'a ektáha nak appasmo, hakte appasmomchek xép ma'a Dios apagkok!” Apkelmeyk axta takha' m'a David keñe aptemessásegko han apkelámha apmonye'e m'a nepyeseksa nak sẽlpextétamo apagkok.

2 Crónicas 20:17

Háwe sa' kéxegke yaqwayam kólnapaxchek xa kempakhakma nak. Kóllánekxa sa' kéltáhakxa, nágkóltaqheykha aqsa, kólwetak sa' yaqwánxa etnehek elmallahanchesek ma'a Wesse' egegkok. ¡Énxet'ák kélheykha nak Jerusalén, tén han ekyókxoho nak Judá, nágkóle aqsa, nágkólyegwe han; kólya'am sa' saka m'a énxet'ák nak, hakte Wesse' egegkok kéxegke aphak kélnepyeseksa!’”

2 Crónicas 32:8

Énxet apkelyennaqte apchásenneykekxak ma'a, keñe negko'o apheyk Dios Wesse' egegkok yaqwayam hempasmok némpakhe.” Xama axta eklegáxko appeywa m'a wesse' apwányam Ezequías, apkelyennákxók axta m'a énxet'ák.

Salmos 144:8

aptamheykegko nak chá'a apkelmopwancha'a amya'a, megkahaxanma nak chá'a etnahagkok apkelmopwancha'a amya'a elya'aksek néten apmek apkelya'assamakxa etnéssesek naqso' apkelpeywa.

Salmos 145:14

Elchampásekxak chá'a néten Wesse' egegkok ma'a énxet'ák appalleyam nak, keñe elmagkok chá'a m'a apkelyelqamákpoho nak.

Salmos 147:12

Jerusalén, elpeykesho Wesse' egegkok; Sión, elpeykesho Dios apagkok.

Salmos 18:36

Eyaxñássessegkek chá'a sekmaheykegkaxa', megkaltáxñek chá'a emagkok.

Salmos 27:1

Wesse' egegkok apteme ko'o sélsássessóxma, tén han sewagkasso teyp, ¿yaqsa aqsok ko'o wé'? Wesse' egegkok apteme semasma, ¿yaqsa awanchek ko'o hégwakkasek?

Salmos 29:11

Wesse' egegkok apkelyennaqtésso énxet'ák apagkok, Wesse' egegkok apmésso ektaqmalma apheykha m'a énxet'ák apagkok nak.

Salmos 33:12

Apkeleñémo énxet apteme nak Dios apagkok ma'a Wesse' egegkok, cham'a énxet'ák apkelyéseykha nak yaqwayam etnehek énxet'ák apagkok.

Salmos 37:17

Emasséssesek sa' apkelyennaqte Wesse' egegkok ma'a énxet'ák élmaso nak apkeltémakxa, epasmok sa' eyke chá'a m'a éltaqmalma nak apkeltémakxa.

Salmos 37:24

apyaqnenchek agkok chá'a, yempekxak chá'a néten, hakte Wesse' egegkok apméyak ma'a apmek.

Salmos 41:12

Ko'o eyke hepásem, eñama eyáxñeyo sektémakxa, hexnés chá'a m'a aphakxa nak.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 63:8

Yepetcheyak ko'o exchep sekyókxa; meheyenyeykekxak semeykegko apmek apkelya'assamakxa.

Salmos 65:5

Dios, Sẽlwagkasso nak teyp negko'o, egátegmowágkek negko'o exchep, yetlo ekyawe apkelane aqsok sentaqmelchessáseykekxo nak negheykha; megkólya'ásseykmok xép ekyókxoho keso náxop, ekweykmoho m'a énxet'ák apheykha nak makhawók agko', teyp wátsam ekwányam;

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Éxodo 20:20

Keñe axta Moisés apchátegmowágkokxo. Aptáhak axta apkeláneya s'e: —Nágkóle'. Apwa'ak Dios yaqwayam elyepkeynek tén han kóltéhek chá'a kélaye, yaqwayam enxoho megkóllanyek chá'a m'a megkólya'assáxma.

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Isaías 35:4

kólteme kólának énxet'ák eyeye nak chá'a apkelwáxok se'e: “¡Kólwasqápekxoho, nágkólé'! ¡Keso Dios kélagkok se'e yaqwayam elwagkasek teyp, ellegássesagkohok sa' ma'a kélenmexma ekpayhawo nak yaqwayam ellegássesagkoho'!”

Isaías 37:6

tén axta Isaías apkeltamho etnehek elátegmowagkokxak wesse' apagkok se'e: “Aptáhak Wesse' egegkok se'e: ‘Nágye aqsa xa amya'a apleg'a nak, cham'a aptáhakxa nak ko'o seyáneya sénmexeyncha'a m'a wesse' apwányam Asiria apkeláneykha nak.

Isaías 43:5

Nágye' aqsa, ekheyk ko'o xamók xép. Wának sa' ko'o elchexyók énxet'ák apagkok yaqwayam ewakhegwata', sa' elenyenták ma'a teyapmakxa ekhem nak tén han ma'a taxnegwánxa ekhem.

Isaías 44:2

Ko'o sekteme Wesse' apagkok, ektáha axta apkelane, séláneya axta m'a sekxók apyetnamakxa axta kañe' egken awáxok, tén han sekpasmoma nak chá'a. Jesurún, séláneykha Jacob apteme axta sélyéseykha, nágye aqsa,

Isaías 49:8

Aptáhak Wesse' egegkok se'e: “Wokmek yaqwánxa axekmósek seyásekhayo, eyátegmowágkokxeyk nahan; wokmek ekhem nélwagkásamáxchexa teyp, ekpasmeyk nahan. Ektaqmelchessegkek ko'o exchep yaqwayam sa' elánekxak makham ekhémo mók sélpaqhetchásamáxkoho m'a énxet'ák, yaqwayam sa' elánekxak makham ma'a apchókxa, tén han etnehek apagkok ma'a xapop kélsawhomo axta aqsok ekhéyak ma'a kañe',

Isaías 50:9

Wesse' egegkok chá'a ko'o sepasmo; ¿Yaqsa awanchek kának héllegássesagkohok ko'o? Elmassegwók sa' apyókxoho m'a sélenmexma nak ko'o, máxa sa' etnahagkok ma'a apáwa nentaxno askok ektól'a.

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”

Isaías 60:19

“Kamaskok sa' kólámenyéhok ekhem yaqwayam kalsássesexma m'a ekhem, kamaskok sa' nahan kólámenyéhok pelten yaqwayam elsássesexma m'a axta'a, hakte ko'o sa' atnehek, cháléwasso kélagkok meyke néxa, sektáha nak Wesse'; ko'o sa' atnehek élseyéxma kélagkok sektáha nak Dios kélagkok.

Lamentaciones 3:57

Ey'awekteyk axta exchep ma'a sekwóneyncha'a axta, keñe aptáha seyáneya s'e: “Nágkatneykha aqsa apwáxok.”

Daniel 10:12

Aptáhak axta seyáneya s'e: ‘Daniel, nágye aqsa, hakte aplegayak axta apkelmaxnagko Dios sekxók axta apkeltémo ey'asagkohok ma'a aqsok ekmáske nak agya'asagkoho', tén han aptemessásamákpo axta mékoho nápaqtók ma'a Dios apagkok. Cháxa keñamak sekxegakmo nak ko'o.

Daniel 6:16

Tén axta wesse' apwányam apkeltamho kólyentementák ma'a Daniel, keñe kólyenyók ma'a máxek élyáqtamakxa nak yámakméwa. Aptáhak axta wesse' apwányam apcháneya Daniel se'e: —¡Dios apagkok sa' ewagkasek teyp, meyenseykmo nak apyetleykha exchep!

Oseas 1:9

Keñe axta Wesse' egegkok aptáha apcháneya Oseas se'e: “Etnésses apwesey sakcha'a Lo-amí, hakte háwe ko'o kaxwók kéxegke énxet'ák ahagkok, háwe han ko'o kaxwók Dios kélagkok.”

Hageo 1:13

Tén axta Hageo apteme axta Wesse' egegkok apchásenneykha, apkeltennasa m'a aptáhakxa axta appeywa Dios. Axta aptáhak apkeláneya s'e: “Aptáhak Wesse' egegkok se'e: ‘Ekheyk ko'o kélnepyeseksa kéxegke, ko'o sekxeyenma xa sektáha nak Wesse'.’”

Hageo 2:5

Apheyk kélnepyeseksa kéxegke espíritu ahagkok, ekhawo séltennassama axta kéxegke kélánteyapma axta Egipto. Nágkóle'.

Zacarías 10:12

Agkések sa' ko'o apkelyennaqte m'a, yetlo apkelxeyenma sekwesey sa' nahan elxog. Ekxénchek ko'o xa, sektáha nak Wesse'.”

Zacarías 10:6

Aptáhak Wesse' egegkok se'e: “Agkések sa' ko'o apkelyennaqte m'a Judá aptawán'ák neptámen, alwagkasek sa' teyp ma'a José aptawán'ák neptámen. Anaqlakxak sa' makham ma'a apkelókxa apagko' nak, hakte apyósekak ko'o sélányo m'a. Etnahagkokxak sa' makham ma'a ektémakxa axta maltaqnaweykegko axta chá'a ko'o, hakte ko'o sekteme Dios Wesse' apagkok, sekháxenmo nak chá'a m'a apkelmaxneyéyak.

Deuteronomio 20:1

“Kélántekkek agkok kéxegke yaqwayam kólempakhak ma'a kélenmexma nak, kólwetak ma'a apkelchánte nak yátnáxeg tén han ma'a yátnáxeg apkelyenyawasso kélanchesso nak kempakhakma, tén han sẽlpextétamo apxámokma apagko' megkólhawo nak kéxegke, nágkóle aqsa, hakte apheyk kélnepyeseksa kéxegke m'a Dios Wesse' kélagkok, ektáha axta apkelántekkesso m'a Egipto.

Josué 1:9

Ko'o neykhe sektáha sekmésso yaqwayam ewasqápekxoho tén han énnaqtéshok apwáxok. Nágye aqsa hakte ko'o sektáha xeyep Wesse' apagkok, keñe han Dios apagkok. Atnehek sa' sekxegexma apmakókxa enxoho chá'a emhagkok.”

Jueces 6:16

Apchátegmowágkek axta Wesse' egegkok: —Apwanchek elwagkasek teyp, hakte ko'o sa' atnehek sekxegexma. Emenxenek sa' ma'a énxet'ák Madián, máxa sa' etnéssesek emenxenek ma'a aptémól'a eyaqmaksek xama énxet.