Isaías 40:9 - Biblia Enxet

⁹ Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 40:9 ပူးပေါင်းရင်းမြစ်များ

2 Crónicas 13:4

Apkenegwokmek axta Abiam ma'a néten egkexe nak Semaraim, émhakxa nak ma'a egkexe Efraín. Aptáhak axta apyennaqtésawo appeywa s'e: “¡Jeroboam tén han apyókxoho énxet'ák nak Israel, kóleyxho sekpeywa!

Isaías 1:1

Aqsok apwete axta m'a Isaías, eñama kélxekmósso, ektémakxa axta m'a tegma apwányam Judá tén han ma'a Jerusalén, cham'a Amós apketche nak, neyseksa aptamhéyak axta kelwesse'e apkelwányam Judá m'a Ozías, Jotam, Ahaz, tén han ma'a Ezequías.

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Isaías 41:27

Ko'o axta seklegasso sekxók eyeynókxa axta m'a Sión, ko'o axta nahan seyáphasso xama apseykha amya'a m'a Jerusalén séltémo eltennaksek peya elwaták makham ma'a énxet'ák apagkok.

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Isaías 51:12

“Ko'o ahagko' sélwasqakkáseykekxoho chá'a kéxegke. ¿Yaqsa kéláya chá'a kéxegke? ¿Énxet ya? ¿Keya kélayeyk chá'a kéxegke m'a énxet'ák apkeletsapmo nak chá'a, aphémo nak pa'at?

Isaías 51:7

“Kóleyxho sekpeywa, kéxegke kélya'áseykegkoho nak aqsok ekpéwomo, kélpekkenma nak chá'a kélwáxok ma'a nélxekmowásamáxche ahagkok. Nágkóle apkelxéneykha ekmaso nak chá'a m'a énxet'ák, nágkólho kalyélaqtések ma'a apkelya'ásseyam ekmaso nak,

Isaías 52:6

Kammok sa' eyke ekhem yaqwánxa elyekpelchágwók tén han elya'ásegwók énxet'ák ahagkok sektéma ko'o sélanagkama s'e: ko'o Wesse' kélagkok.”

Isaías 58:4

kélátegmómaxchexa chá'a kéltemessáseykekxak ma'a ekhem mantamakxa nak nento tén han kélnápomáxchexa, kóltekpagaxchek chá'a ekyennaqte agko'. Magweyxók ko'o kélmaxnagko kéltáha enxoho chá'a kélláneyak ekhem megkólteykegkaxa kéltéyak xa ektáha nak.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Jeremías 22:20

“¡Énxet'ák Judá, kólchenát sa' néten egkexe Líbano, tén sa' kólyennaqtések kélpeywa! ¡Kólpáxamha sa' ma'a ekpayho nak élámhakxa meteymog Basán! Kólwónches sa' ma'a ekpayho nak naw'ék egkexe Abarim, hakte apmenxenákpek ma'a appasmeykekxa axta kéxegke!

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Nahúm 1:15

¡Kóllano! ¡Apxegakmek apseykha nak amya'a meyke ektáhakxa egwáxok ma'a néten nak egkexe! Énxet'ák Judá, kóllána kélessawassamo; kóllána m'a kélxeyenma axta chá'a kóllána'. Wánxa sa' kaxwók apkelántaxno xapop kélagkok ma'a énxet'ák élmasagcha'a nak apkeltémakxa; hakte apmassegwokmek apyókxoho m'a.

Jueces 9:7

Xama axta apleg'a amya'a Jotam, apkenátwekxeyk axta m'a egkexe Guerizim. Apyennaqtéssakxeyk axta han appeywa m'a néten nak, yaqwayam enxoho ellegak apyókxoho énxet'ák. Aptáhak axta s'e: “¡Kóltaqmelchesho sa' kélháxenmo sekpeywa énxet'ák Siquem! ¡Eñohok sa' han kélpeywa kéxegke m'a Dios!