Isaías 40:7 - Biblia Enxet

⁷ Katsapok chá'a áwa' pa'at ekwátekhapa enxoho m'a Wesse' egegkok apkennama, kalyameyk nahan ma'a exnamok. Naqsók máxa pa'at ma'a énxet.

Isaías 40:7 ပူးပေါင်းရင်းမြစ်များ

Job 14:2

Máxa m'a ektémól'a pánaqte exnók kaxwe élánteyapmal'a, keñe kalyameygkok; neghawók ma'a ektémól'a pessesse kaxog keñe kamassegwók.

Job 4:9

Apwátekhapchek agkok Dios yetlo aplo nepyeseksa m'a, emasséssók chá'a m'a apyókxoho nak.

Job 41:21

Énnama nahan kaláléwásekxak ma'a átex, kalántépok chá'a táxa eyáléwe aweyhek.

Salmos 102:4

yelqáxcheyk ko'o ewáxok, ektémól'a pa'at élyamaye; ¡massegwokmek han ekmátsa sekmáyhe sekto!

Salmos 103:15

Hawók ektémakxa apyennaqte énxet ma'a pa'at; etyapok chá'a ektémól'a pánaqte exnók naxma:

Salmos 103:16

wátekhapchek agkok chá'a éxchahayam, kamassegwók chá'a, kamassegwók han chá'a ekwetamaxche'.

Salmos 90:5

Emasséssók chá'a ekmanyehe agko' ma'a énxet'ák, ektémól'a agwetak negwanmagko.

Salmos 90:6

Máxa m'a pa'at ekteyapmal'a, kalyapwak axto'o, keñe taxnám kalayósek kaletsapok han.

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Isaías 37:27

Méko aqsok elanagkok ma'a apheykha nak kañe', elmeneygkohok apagko' nahan, elmegqáwhok nahan, máxa aptamheykegkok ma'a pa'at élámha nak yókxexma, ektémól'a m'a pa'at ektaqmalmal'a áwa', máxa m'a pa'at ekteyapwayam la'a néten tegma élyamágwayam la'a áwa' amonye' yaqwayam kawana'.

Isaías 40:24

Máxa m'a aqsok kélcheneykekxa megkalyennaqtél'a, kaxwe kélcheneykekxal'a, kaxwe élatchessól'a kepmenák ma'a xapop. Apwátekhapchek agkok nepyeseksa m'a Dios, elapyósek, keñe kalsók ma'a éxchahayam ekyennaqte, ektémól'a m'a yámet áwa' apák.

Isaías 51:12

“Ko'o ahagko' sélwasqakkáseykekxoho chá'a kéxegke. ¿Yaqsa kéláya chá'a kéxegke? ¿Énxet ya? ¿Keya kélayeyk chá'a kéxegke m'a énxet'ák apkeletsapmo nak chá'a, aphémo nak pa'at?

Hageo 1:9

Kólleyxek chá'a kéxegke kólwetak ekxámokma agko' aqsok, ántawók eyke chá'a kólweta'; keñe m'a aqsok kéltaqmelchesso nak kélxanák, alchempaksek chá'a ko'o awátekhápok. ¿Yaqsa ektéma sektéma ko'o xa? Exagkok apmopso keñamak, keñe kéxegke wánxa aqsa ekyetnakhassamo kélwáxok ma'a kélxanák nak. Ko'o sekxeyenma xa, sektáha nak Wesse'.