Isaías 40:31 - Biblia Enxet

³¹ elxawagkok sa' eyke chá'a axnagkok apkelyennaqte m'a énxet'ák apcháyo nak chá'a Wesse' egegkok, apwanchek sa' elchampa' ektémól'a m'a náta élyawe; apwanchek sa' yenyahagkok chá'a meyke apkelennamágwayam, apwanchek sa' elxog chá'a meyke apkelyampágwayam.

Isaías 40:31 ပူးပေါင်းရင်းမြစ်များ

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Salmos 103:5

apteme nahan sélmésso chá'a ekyókxoho aqsok ektaqmela, tén han setnessáseykekxa chá'a étkok, tén han segkeyáseykekxa chá'a sekyennaqte, ektémól'a náta ekyawe.

Salmos 123:2

Nélenmexawók negko'o aphakxa exchep negwóneyncha'a Wesse', Dios egagkok, aptémól'a elanha apmék wesse' apagkok ma'a apkeláneykha, ektémól'a kalanha ámek wesse' agkok ma'a éláneykha, nélhaxanma negko'o kapyóshok henlano'.

Salmos 138:3

Ekwóneyha axta, eyátegmowágkek axta, egkeyásekxeyk axta makham mók sekyennaqte.

Salmos 20:9

¡Wesse', emallahanches xép ma'a wesse' apwányam nak! ¡Hegátegmowák chá'a negko'o negwóneyncha'a enxoho!

Salmos 25:21

Sektémakxa ektaqmela sa' hetaqmelchesek, tén han ekpéwomo sektémakxa, hakte may'ásseykmok ko'o exchep.

Salmos 25:3

¡Nágyoho elmegqeyk xama enxoho m'a ektáha nak xép apcháyo! ¡Eyke yána elmegqeyk ektáha nak xép apkenmexeykekxa meykexho apteméssessamakxa!

Salmos 25:5

Hepékessesák, hélxekmós ma'a ektáha nak ekmámnaqsoho, hakte xép apteme Dios ahagkok, tén han Sewagkasso Teyp. ¡May'ásseykmok chá'a ko'o exchep yókxoho ekhem!

Salmos 37:34

Nágkólya'ássem kéxegke Wesse' egegkok, kólyahakxoho nahan, hakte sa' etnéssesek ekha kéláyo kéxegke m'a, tén han egkések yaqwayam kóltéhek kélagkok apchókxa. ¡Kéxegke kélagko' sa' han kólwetagkohok kólmasséssók ma'a élmasagcha'a nak apkeltémakxa!

Salmos 40:1

Élhaxanmeyk axta aqsa ko'o m'a Wesse' egegkok, ey'eykekteyk axta yaqwayam yeyxhok sekwóneykha séltémo hepasmok;

Salmos 84:7

kántagkok sa' aqsa apkelyennaqte neyseksa apkelxega, elwetágwók sa' Dios meyke ekhémo m'a Sión.

Salmos 84:8

Wesse', Dios ekha nak apyennaqte, Jacob Dios apagkok, ¡yeyxho sélmaxnagko!

Salmos 92:1

Wesse' egegkok, Meyke nak Ekhémo, ¡tásók agko' nak la'a exchep agmések ekxeyenma egwáxok, tén han agmeneykmássesek negmeneykmasso!

Salmos 92:13

máxa yámet kélcheneykekxa sa' etnahagkok ma'a Wesse' egegkok nak tegma appagkanamap apagkok, élyapwéyak la'a m'a kañe' apwáxok nak Dios tegma appagkanamap apagkok,

Éxodo 19:4

‘Kélweteyak kéxegke sekteméssessamakxa axta ko'o m'a egipcios, tén han ma'a ektémakxa axta seknaqleykento ko'o kéxegke m'a sekhakxa nak, máxa axta kéltemék kélxegeykmo m'a ektémól'a náta ekyawe kaxnésha néten axempenák ma'a étkók.

Proverbios 30:19

náta ekyawe ámay agkok ma'a néten, yéwa ámay agkok ma'a neyseksa nak meteymog élyawe, yántakpayhe ámay agkok ma'a neyseksa nak wátsam ekwányam, keñe énxet elának chá'a m'a kelán'a.

Cantares 8:5

¿Yaqsa ekxegakmo nak yókxexma meykexa énxet, ekyepetchesakmo nak akqátek ekpathetakmo m'a ekpagkanma? Kóneg yámet manzano axta exche ekxátekhássék: eklegeykegkaxa axta ekmáske m'a egken; ektémakxa axta naqláwa egken ektegkessama exche'.

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Isaías 30:15

Aptáhak Wesse' egegkok se'e, cham'a Dios Aptaqmalma nak Israel: “Kólchexyem, kóllánekxa kélheykha keñe sa' kólwagkasaxchek teyp. Sa' kañék kélyennaqte kéxegke m'a ektaqmalma nak kélheykha tén han megkólya'ásseyam.” Makke kólmakók kéxegke,

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 41:1

“Kólwanmeyák nahaqtók ko'o, kéxegke kélheykha nak apkelókxa neyáwa wátsam ekwányam. Énxet'ák, kólyennákxoho sa'. Kólxegma sa' yaqwayam anxének se'e aqsok nak; agaqnekxak sa' yaqwayam ólpaqmétek.

Isaías 64:4

Axta kañamaxchek xama enxoho amya'a; axta nahan kóteyamaxchek xama enxoho mók aqsok kéláyókxa élane xa ektéma nak aqsok, élánésso m'a ektáha nak chá'a apcháyo.

Isaías 8:17

Massegkek eykhe apkelányo Dios ma'a Jacob énxet'ák apagkok, aleyxek sa' eyke aqsa ko'o. Hakte seyásenneykekxa ko'o ektemék ma'a.

Jeremías 48:15

Kólmasséssók sa' ma'a Moab, yetlo tegma apkelyawe apagkok; etekyók sa' ma'a wokma'ák apagkok apkelyennaqte nak. Apxénchek Wesse' Apwányam xa, apwesey nak Wesse' ekha apyennaqte.

Zacarías 10:12

Agkések sa' ko'o apkelyennaqte m'a, yetlo apkelxeyenma sekwesey sa' nahan elxog. Ekxénchek ko'o xa, sektáha nak Wesse'.”

Deuteronomio 32:11

Axta aptemék Wesse' egegkok apkelpeykessama apmék tén han apkelmoma tén han apkelpatmeykekxo m'a ektémól'a náta ekyawe kampaha m'a ekpayhókxa ekyetnakxa axagkok tén han kalxekmósek élchampe m'a étkók.

Deuteronomio 33:25

Sawo sa' katnehek kélápeykekxexa m'a atña'ák apagkok nak tén han ma'a sawo élyexwase, kawegqohok sa' nahan apyennaqte, kaxhok sa' ekwánxa apha keso náxop.

Josué 14:11

émeyhek eyke makham, hawók makham sekyennaqte m'a seyáphassama axta Moisés alanok xapop, ewanchek makham aweynchamha, tén han wampakha'.

Jueces 16:28

Tén axta Sansón apwóneyncha'a Wesse' egegkok. Aptáhak axta apcháneya s'e: “Wesse' egegkok, éltamhók eykhe kaxénwakxohok sekxók makham apwáxok ko'o, hegkeyásekxa makham sekyennaqte, yaqwayam enxoho axnéssekxohok ko'o mók setnéssesakxa filisteos apkelhaxyawasa ahaqta'ák.”