Isaías 40:29 - Biblia Enxet

²⁹ Cha'a apwasqakkáseykekxoho chá'a énxet apyampágwayam nak chá'a m'a, apmeyáseykekxa chá'a apyennaqte m'a énxet apyelqamák nak chá'a.

Isaías 40:29 ပူးပေါင်းရင်းမြစ်များ

Génesis 49:24

apmeyhek eyke m'a José, meyawhesha chá'a yágke apagkok; ¡Jacob Dios apagkok apyennaqte keñamak apteméssesso!, ¡apkeláneykha nepkések apwesey keñamak, cham'a apmasma nak ma'a Israel!

Nehemías 6:9

Apkeltamhók axta hẽlyegwakkasek, ekxéna apwáxok hẽlháxexchássók mampenaksek ma'a néltamheykha, ekyánchessekmók axta eyke aqsa ko'o sekwasqapma sektamheykha.

Salmos 29:11

Wesse' egegkok apkelyennaqtésso énxet'ák apagkok, Wesse' egegkok apmésso ektaqmalma apheykha m'a énxet'ák apagkok nak.

Salmos 68:10

Apkelheykmek axta énxet'ák apagkok ma'a, oh Dios, apkelméssegkek axta eyke exchep eyeyméxchexa aqsok ma'a meyke nak aqsok apagkok, eñama ektaqmeleykha apwáxok.

Salmos 68:35

Yeykpok chá'a Dios, aphama nak ma'a tegma appagkanamap apagkok; Elmések chá'a apkelmopwancha'a, tén han apkelyennaqte énxet'ák apagkok ma'a Dios apagkok nak Israel. ¡Tásek sa' chá'a katnehek apxénamap ma'a Dios!

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Isaías 50:4

Élxekmóssek ko'o Wesse' egegkok sekmowána sekpeywa yaqwayam enxoho alpeykessásekxak apkelwáxok ma'a apkelyampayo nak. Yókxoho axto'ók chá'a apkeltémo aleyxmakha yaqwayam enxoho weyxhok aptémól'a m'a ekmátsal'a kólxekmósek.

Jeremías 31:25

Hakte alagkok sa' ko'o aptéyak tén han apyenéyak ekyawe agko' yegmen ma'a apkelyampayo nak, tén han meyke nak apkelyennaqte.”

Zacarías 10:12

Agkések sa' ko'o apkelyennaqte m'a, yetlo apkelxeyenma sekwesey sa' nahan elxog. Ekxénchek ko'o xa, sektáha nak Wesse'.”

Deuteronomio 33:25

Sawo sa' katnehek kélápeykekxexa m'a atña'ák apagkok nak tén han ma'a sawo élyexwase, kawegqohok sa' nahan apyennaqte, kaxhok sa' ekwánxa apha keso náxop.

Jueces 15:19

Tén axta apmeykesa máxek Dios ekyetnama nak ma'a Lehi, apyenchek axta yegmen Sansón ekteyapma axta m'a máxek nak, kellókók axta han apyempehek. Cháxa keñamak éltamhomaxko nak ekwesey En-hacoré m'a ekteyapmakxa yegmen, ekyetna nak makham Lehi.

1 Samuel 2:4

Cha'a apkelekkexchesso chá'a yágke apagkok ma'a kempakhakma yapmeyk apkelyennaqte nak, tén han apmésso apkelyennaqte m'a apkelyelqamákpoho nak;