Isaías 40:22 - Biblia Enxet

²² Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Isaías 40:22 ပူးပေါင်းရင်းမြစ်များ

Génesis 1:6

Aptáhak axta makham Dios se'e: “Katyep xama ekméyak neyseksa yegmen, yaqwayam keytek ánet ekyetnamakxa yegmen.” Temék axta han xa.

Job 26:7

Appeykessegkek axta néten Dios meykexa axta makham aqsok, apkexanmeyk axta xapop meykexa aqsok.

Job 36:29

¿Yaqsa ekya'áseykegkoho? ¿Yaqsa ektéma élxegama chá'a m'a yaphope? ¿Yaqsa ektéma appáweykencha'a chá'a takha' m'a néten?

Job 37:18

¿Apwancheya exchep epasmok Dios appékesso néten, tén han énnaqtések ektémól'a sawo éláxñe?

Job 9:8

Meyke ekpasmo axta appeykessók ma'a néten, tén han apkelteyammeykencha'a m'a yegmen askok ekyawe ekyetnama nak wátsam ekwányam.

Salmos 104:2

apchaqlamakpek élseyéxma, ektémól'a negaqlamaxche'. ¡Appeykessegkek xép néten ektémól'a apáwa kélapmal'a!

Salmos 18:11

Apmeykha axta apyexanmoma m'a ekyáqtessóxma ekyentaxno ekwakhaya axta, apmeykha axta aptéma appakxanma m'a yaphope ekpésyam ekláneyo m'a yegmen.

Salmos 19:4

kasawhekxohok eyke ekyókxoho nélwanmeygkaxa m'a élpeywa, ekweykmoho m'a néxa xóp nak nélwanmeygkaxa. Cha'a appekkenchessamakxa Dios ekyetnamakxa ekhem ma'a,

Salmos 2:4

Apkesméssek Wesse' egegkok apteme nak wesse' apwányam ma'a néten;

Salmos 29:10

Wesse' egegkok apteme wesse' agkok ma'a ekmámeye; ¡Wesse' egegkok apteme wesse' apwányam memassegwayam!

Salmos 68:33

cham'a apxegamo nak chá'a netno' nak, néten nanók ekyetnamakxa nak! Kóleyxho ektáhakxa éxtegyawà appeywa, cham'a appeywa ekyennaqte nak.

Proverbios 8:27

Ekhegkek axta ko'o m'a apkeláneya axta néten, appeykessama axta néten ma'a wátsam ekwányam,

Isaías 19:1

Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

Isaías 37:16

“Wesse' ekha apyennaqte, Israel Dios apagkok, apteme nak Wesse' étseksa'ák ma'a apkelásenneykha ekha nak apxempenák apheykha néten, xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

Isaías 40:15

Máxa xama eksekkenmal'a yegmen entemék apkelányo énxet'ák ma'a Dios, ektémól'a m'a xóp ánek ekheykegkokxal'a m'a kañe' kelyetsátéyak; hawók apkelányo yagkamex keyetsék la'a m'a apkelókxa egkexe étkók ekhéyak nak neyseksa wátsam ekwányam.

Isaías 40:17

Mékoho apancha'awók nápaqtók Dios ma'a apyókxoho pók aptémakxa nak chá'a énxet'ák; apkelyelqákpók elano'.

Isaías 42:4

Mellókasek sa' apyampé, meyelqakpek sa' nahan, ekwokmoho aptaqmelchessásekxo apheykha énxet'ák keso náxop. Eleyxmakha sa' chá'a nélxekmowásamáxche' apagkok ma'a énxet'ák apheykha nak neyáwa wátsam ekwányam.”

Isaías 42:5

Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 51:13

¿Péya kalwagqamagkok ma'a Wesse' kélagkok, ektáha axta apkelane, ektáha axta nahan appeykesso néten ma'a yaphope tén han apkelane m'a xapop? ¿Péya kólpexyennók aqsa chá'a kélaye yókxoho ekhem eñama apkeltaqnawéyak ma'a ektáha nak chá'a apnaqtawáseykegkoho, appencheséyak nak aptamhágkaxa yaqwayam emasséssók? ¿Háxko eyke ekyetnakxa xa apkello nak?

Isaías 66:1

Aptáhak Wesse' egegkok se'e: “Néten ekteme sekhamakxa ko'o keñe xapop sélteyeykemxa. ¿Háxko kélwanchek héllanaksek ko'o xama tegma? ¿Háxko sa' kélwanchek héllanaksek ko'o séllókassamakxa sekyampe?

Jeremías 10:12

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:

Números 13:33

Negwet'ak axta han énxet apkelwenaqte, Anac aptawán'ák neptámen. Xénche nak la'a egwáxok anxohok séta anchaqnágwók ma'a ekpayhókxa apchaqnágkaxa, cha'a katnehek nahan henlanok negko'o m'a.