Isaías 40:2 - Biblia Enxet

² kólpaqhetchesha yetlo éltaqmeleykha kélwáxok ma'a énxet'ák Jerusalén, kóltennés ekmassegwokmo kaxwo' ma'a ektémakxa nak kélásenneykha naqsa ekyentaxno, kóltennés appenchesa apyaqmagkáseykekxa mók ma'a aqsok melaqhémo, tén han sekyeykhássekmoho ko'o séllegassáseykegkoho ekyókxoho m'a melya'assáxma.”

Isaías 40:2 ပူးပေါင်းရင်းမြစ်များ

Génesis 34:3

Apmenyeyk apagko' axta m'a, apkeltamhók axta kataqmalmakha awáxok kalano'.

2 Crónicas 30:22

Apkeltennássek axta Ezequías ekleyawo apwáxok aptamhágkaxa m'a levitas, eñama apxekmósso ektaqmalma apkeltemessáseykha m'a Wesse' egegkok. Aptókagkek axta natámen apkelmésso m'a aqsok ektekyawa segwetassamo nak sẽlásekheykekxoho ekweykmoho siete ekhem, tén han natámen apkelpeykessamo m'a Wesse' egegkok, Dios apagkok axta m'a apyapmeyk nano',

Salmos 32:1

Apkeleñémo énxet megkólyaqmagkáseykekxa nak apsexnánémap, tén han mey'assáxma.

Salmos 85:3

Apkelwátessamók agko' aplo, tén han apkeltaqnawéyak énxet'ák apagkok.

Éxodo 22:3

Eyke m'a ekhem agko' enxoho ekteme xa ektáha nak, exénakpok sa' ektáha apmatñà. “Eyánmagkasek sa' nahan ekwánxa enxoho ekyánmaga apmeñexma m'a ektáha nak apmenyexma. Méko sa' agkok selyaqye apagkok ma'a, eyenyawakpohok sa' apagko' yaqwayam eyánmagkasek ma'a aqsok apmeñexma.

Eclesiastés 3:4

Yetneyk ekhem nenlekxagweykegkaxa', tén han néktegmeykegkaxa'. Yetneyk ekhem senlapweykenxa', tén han ekpayheykekxexa egwáxok.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 14:3

Énxet'ák Israel, apkellókassessek sa' agkok kéxegke kélyampe Wesse' egegkok eñama m'a ektémakxa nak kéllegeykegkoho, tén han ekyentaxnamo kélwáxok tén han kélmésso ekyentaxno agko' kélteme m'a kélásenneykha naqsa,

Isaías 27:9

Meyaqmagkásekxeyk sa' eyke aptémakxa mey'assáxma m'a Jacob, emasséssesek sa' aqsok megyaqhémo aptemessásekxo enxoho ánek ma'a meteymog apwatnéssamakxa nak chá'a aqsok ma'a kéleykmássesso, apteméssesa enxoho m'a ektémól'a kóltepelchekxak ma'a meteymog lamhatánek, tén han megkeyméxko enxoho xama m'a yámet kéláncháséyak élpagkanamaxche nak tén han ma'a meteymog kélwatnamakxa nak chá'a aqsok ekmátsa nak ekpaqneyam éten agkok, kélmésso m'a aqsok kéláyókxa.

Isaías 33:24

Méko sa' xama énxet etnehek appeywa s'e: “Ekháxexcheyk ko'o.” Meyaqmagkásekxeyk sa' mók Dios melya'assáxma m'a énxet'ák apheykha nak Sión.

Isaías 35:4

kólteme kólának énxet'ák eyeye nak chá'a apkelwáxok se'e: “¡Kólwasqápekxoho, nágkólé'! ¡Keso Dios kélagkok se'e yaqwayam elwagkasek teyp, ellegássesagkohok sa' ma'a kélenmexma ekpayhawo nak yaqwayam ellegássesagkoho'!”

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Isaías 49:25

Apxénchek Wesse' egegkok kélwanchek kólyementók: “Kólyementemekxak sa' apkelma axta m'a énxet apyennaqte nak, kólyementemekxak sa' aqsok ekxámokma axta apkelma m'a wesse' aplo nak. Ko'o sa' alátegmoweyxchek chá'a m'a apmáheyo nak chá'a elátegmoweykpok; ko'o ahagko' sa' nahan alwagkasek teyp ma'a étchek nak xeye'.

Isaías 51:17

Kaxatakha Jerusalén, kaxatakha', kampekxa néten. Legágkók xe' Wesse' egegkok aplo, máxa entáhak ma'a ekyena enxoho xama egheykok kélyeta m'a vino, yamásawók ekyena ekwokmoho eyaqha.

Isaías 53:5

Nentémakxa ekmaso neykékhel'a keñamak kélyensáseykencha'a, nentémakxa élmasagcha'a neykékhel'a keñamak aplegeykegkoho ekmáske; egméssek meyke ektáhakxa egwáxok ma'a ektémakxa axta kéllegassáseykegkoho, apkelyense keñamak néltaqmelwokmo.

Isaías 53:6

Nélxegáneykmek negko'o negyókxoho, máxa nepkések nentamheykegkok, nentamheykegkek chá'a enxama m'a negmáheyókxa egagko' nak chá'a antéhek. Apmeyáseykekxeyk eyke Wesse' egegkok ekyókxoho m'a nentémakxa élmasagcha'a nak negko'o.

Isaías 54:15

Apketamokmek sa' agkok chá'a énxet háwe sa' ko'o eñama séltémo, emenxenek sa' chá'a exchep ma'a apketámeyam nak chá'a.

Isaías 54:17

méko axta eyke éláneya xama enxoho m'a kélmeykha ekmowána enxoho kamasséssók xép. Elwanmeyásekxak sa' apyókxoho m'a ektáha nak apxéneykha. Keso sekméssamo nak chá'a ko'o ektáha nak sétleykha s'e: negwayam teyp.” Wesse' egegkok xa ektáha nak apxeyenma.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 6:7

épetchessessek axta ahátog, aptáhak axta seyáneya s'e: “Elano, yepetcha'ak xép apátog se'e átex nak. Kélyenyókassek aptémakxa ekmaso, megkólyaqmagkásekxak ma'a aptémakxa mey'assáxma.”

Isaías 61:7

Kayeykhágwomhok sa' apkelxawéyak ekxámokma aqsok apkelókxa m'a énxet'ák ahagkok, hakte yeykhágweykmók axta apkellegeykegkoho apkelmegqakto tén han kélwanyeykha, megkamassegwomek sa' élpayheykekxa apkelwáxok.

Isaías 66:13

Sa' atnéssesek ko'o kéxegke alpeykessásekxak kélwáxok ma'a ektémól'a xama egken kapeykessásekxak apwáxok ma'a étche, kólwetágwók sa' ekpayhegwayam kélwáxok ma'a Jerusalén.”

Jeremías 16:18

Ayeykhássamhok sa' ko'o sekxók sekyaqmagkáseykekxa m'a apkeltémakxa ekmaso tén han melya'assáxma, hakte apkenyetséssegkek xapop ahagkok apnegkenma m'a aqsok kéleykmássesso apák nak, apkeláneykegkek nahan aqsok sektaqnagkamo nak chá'a ko'o m'a ekyókxoho xapop sekmeyáseykekxa axta ko'o.”

Jeremías 17:18

Yána' elmegqeyk ma'a sénmexeykha nak chá'a ko'o, ko'o eyke ná hetnésses; yána elyegweyk ma'a, ko'o eyke ná hégwakkas. Yána káhapwak ekmaso apheykha m'a, emasséssem ekmanyehe agko'.

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Jeremías 51:10

Entaqmelchessáseykxeyk axta negheykha m'a Wesse' egegkok. Kólchexyem, óltennágwakxak Sión ma'a aqsok apkelane axta Dios Wesse' egagkok.

Lamentaciones 4:22

Sión, massegwokmek kaxwók xeye' eklegeykegkoho; metekkesek sa' kaxwók Wesse' egegkok ey'aksek megkatnahakxa eyókxa'. Keñe sa' xeye' Edom, eñássesagkohok sa' ektémakxa ekmaso, yáxña'akxoho sa' epekkenchásekxak ektémakxa megkay'assáxma.

Ezequiel 16:42

Keñe sa' kamaskok ko'o sektaqnagko exche', kamaskok sa' ma'a ektémakxa nak sénmexeykha; awanmeyekxak sa', kamaskok sa' seklawa.

Daniel 11:35

Etekyók sa' han nápakha m'a apkelxekmowáseyak axta apnámakkok, yaqwayam enxoho kóllanok aptamhéyak éláxñeyo apkeltémakxa, tén han kólteméssesek éláxñeyo agko' apkeltémakxa, ekwokmoho ektemegwánxa néxa ekxénamaxchexa nak katnehek.

Daniel 12:4

“Xép akke Daniel, ekpós sa' xép xa aqsok nak, épetches sa' apkelqahasso xa weykcha'áhak nak ekwokmoho ektemegwánxa néxa ekhem. Eyaqmagakpok sa' pók énxet etegyagkok apkelya'ásegwayam.’

Daniel 12:9

Aptáhak axta seyátegmowágko: ‘Daniel, exeg aqsa exchep, hakte kakpósaxchek sa' xa aqsok nak, ekwokmoho ektemegwánxa néxa ekhem.

Daniel 9:12

Apkeláneyak xeyep ma'a apxeyenmakxa axta henteméssesek, segaphássesa m'a néllegeykegkoho ekmaso agko', ekweykekxoho m'a senláneykha nak chá'a negko'o; hakte axta kótémaxchek chá'a katnehek xama enxoho ekhawo ektémakxa axta kéllegassásegkoho eyáhapwe m'a Jerusalén.

Daniel 9:2

Ko'o Daniel, élányók axta ko'o weykcha'áhak apagkok axta m'a Dios appeywa aplegasso Jeremías, ekxeyenma axta yaqwayam kawomhok setenta apyeyam kélmassésseyam ma'a Jerusalén, apkeltennassama axta Wesse' egegkok ma'a aplegasso appeywa Jeremías.

Oseas 2:14

“Wának sa' kamekxak makham awáxok ko'o: ay'aksek sa' yókxexma meykexa nak énxet, kataqmalmakha sa' sekpeywa alána'.

Oseas 2:16

Keñe sa' héltemhek ‘Etáwa'’, meheltéhek sa' ‘Baal ahagkok’ Ekxénchek ko'o xa, sektáha nak Wesse'.

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.

Sofonías 3:15

Apkelwátessekmek Wesse' egegkok yaqwánxa axta etnéssesek kéxegke, apkelántekkessek nahan ma'a kélenmexma nak. Apheyk kélnepyeseksa kéxegke m'a Wesse', Wesse' apwányam nak ma'a Israel: megkólakyek sa' kaxwók xama enxoho m'a aqsok ekmaso.

Zacarías 1:13

Apchátegmowágkokxeyk axta Wesse' egegkok yetlo ektaqmeleykha appeywa m'a apchásenneykha ektáha axta ko'o sepaqhetchesso, yaqwayam etaqmelchessásekxak apwáxok,

Zacarías 1:15

Cháxa keñamak séltaqnaweygko ahagko' nak ko'o m'a pók aptémakxa nak chá'a énxet'ák, meyke nak élyetnakhayo apkelwáxok, hakte cham'a ekmasextexa axta ko'o seklo, apyáncheseykegkok axta aqsa apkellegassáseykegkoho m'a énxet'ák ahagkok.

Zacarías 9:12

Kéxegke, kélmomaxche nak, megkólwatésseyam nak kélhaxanma yaqwayam kólmeyekxak makham ma'a kélxagkok apyennaqte. ¡Kólchexyem makham! Éltennássek ko'o peya ayeykhássamhok sekmeyáseykekxa ektaqmalma kélheykha m'a ekwánxa axta kéllegeykegkoho.