Isaías 40:19 - Biblia Enxet

¹⁹ Elának chá'a xama aqsok kéleykmássesso m'a énxet apkeleykmassáseykencha'awo nak chá'a ektémakxa xama aqsok, keñe m'a apkelane nak chá'a aqsok étkók éltaqmalma, elyepetchesek chá'a émpehek ma'a sawo ekyátekto ekmomnáwa, elanaksek nahan chá'a eknatanma m'a sawo ekmope ekmomnáwa nak.

Isaías 40:19 ပူးပေါင်းရင်းမြစ်များ

Salmos 135:15

Sawo ekyátekto ekmomnáwa, tén han sawo ekmope ekmomnáwa kéleykmássesso apagkok ma'a pók énxet'ák nak, aqsok apkelane apagko' nak chá'a m'a énxet.

Salmos 135:18

Elxohok sa' chá'a apyókxoho ektáha nak chá'a apkeláneyak xa kéleykmássesso nak, tén han apkeláyo nak chá'a.

Isaías 2:20

Ekxakkasek sa' aqsok kéleykmássesso apagkok énxet'ák pomo'o tén han mépop xa ekhem nak, cham'a kéleykmássesso sawo ekyátekto élmomnáwa tén han ma'a sawo ekmope élmomnáwa nak apkelánéyák apancha'awók axta chá'a yaqwayam elpeykesho',

Isaías 2:8

¡Sawheykekxók eyke nahan aqsok kéleykmássesso m'a apchókxa! Apkelpeykessamók énxet'ák ma'a aqsok apcháyókxa apkelánéyák apagko' nak, eñama nak apmék apkelánéyák.

Isaías 30:22

Máxa aqsok ekmanyása sa' kóltemeykha kólwanyaha m'a kéleykmássesso kélagkok sawo ekmope ekmomnáwa nak tén han ma'a aqsok kéláyókxa kélyepetchesso nak émpe'ék ma'a sawo ekyátekto ekmomnáwa. Máxa aqsok ekmanyása sa' kólteméssesek kóltaqnók, máxa aqsok apák kélchexakha sa' kólteméssesek.

Jeremías 10:9

Sawo ekmope ekmomnáwa aqsa m'a kéleykmássesso apagkok nak, éleñama nak kélseykenta m'a Tarsis, tén han sawo ekyátekto ekmomnáwa, éleñama nak kélseykenta m'a Ufaz; aqsok apkelane nak chá'a m'a énxet apkeleykmassáseykha nak chá'a aqsok, tén han ma'a apkelane nak chá'a sawo ekyátekto élmomnáwa, kéltaxneyáseykekxa nak chá'a m'a apáwa hómáyok, tén han ma'a apyexwase, énxet apmopwána apkeleykmassáseykha apkelane ekyókxoho xa.

Daniel 5:4

Apyókxoho axta apyenágkok vino, apkelpeykásawók axta m'a aqsok apkeláyókxa nak, élánamáxche nak sawo ekyátekto ekmomnáwa, tén sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog.

Oseas 8:6

israelitas? ¡Háwe Dios ma'a weyke étkok kennawók eñama nak Samaria! Apmopwána apkeleykmassáseykha apkelane xa, nekha'a étkók sa' kóltemessásekxa'.

Jueces 17:4

Xama axta apkelmeyásekxo selyaqye egken ma'a Micaías, keñe élmésa doscientos sawok selyaqye aktek élmope m'a apkeláneyo nak chá'a sawo ekmope ekmomnáwa, yaqwayam enxoho elának xama kéleykmássesso kélyepetchesso nak émpehek sawo ekmope ekmomnáwa, tén axta ekpekkenchesa apxagkok ma'a Micaías.