Isaías 40:18 - Biblia Enxet

¹⁸ ¿Yaqsa sa' kólhéshok kéxegke m'a Dios? ¿Yaqsa sa' aqsok kólyetchásekxoho'?

Isaías 40:18 ပူးပေါင်းရင်းမြစ်များ

Job 40:9

¿Apmeyhek enxeykel'a exchep, sektéma nak ko'o? ¿Kaxtegyawhoya exchep xa appeywa ektéma nak ko'o?

Salmos 113:5

Méko ekhawo m'a Dios, Wesse' egegkok, aptéma nak Wesse' apwányam ma'a aphakxa nak néten;

Salmos 89:6

Wesse', méko xama enxoho aqsok kéláyókxa negmowána aghéshok xép, méko han xama aqsok enxoho ekhawo exchep ma'a ekhéyak nak néten!

Salmos 89:7

Yeykpohok chá'a Dios nepyeseksa m'a apkelásenneykha apheykha nak néten, apwányam apagko' nepyeseksa m'a apheykha nak nepyáwa'.

Salmos 89:8

Wesse', Dios ekha nak apyennaqte, apagkok xép ma'a ekyókxoho nak apmopwána, wakhayak ma'a aptémakxa ekmámnaqsoho nak; ¡méko ekhawo exchep!

Éxodo 15:11

“Wesse' egegkok, ¡méko pók dios egwanchek aghéshok xép! ¡Méko apwányam aphawo nak xeyep! ¡Xeyep apkelane chá'a m'a aqsok ekpelakkasso nak agweta' tén han ma'a ekpexchessamo nak egyempehek agweta'! ¡Payhawók xeyep kólteméssesek apcheymákpoho!

Éxodo 20:4

“Ná elána aqsok kéleykmássesso aqsok ekhéyak nak néten, essenhan ma'a ekhéyak nak keso xapop, essenhan ma'a aqsok ekhéyak nak wátsam ekwányam, cham'a kañe' xapop nak.

Éxodo 8:10

—Saka sa' —axta aptáhak faraón. Tén axta Moisés aptáha apchátegmowágkokxo s'e: —Hoy, sa' katnehek ma'a, yaqwayam sa' ey'asagkohok méko ekhawo xama enxoho m'a Dios Wesse' egegkok.

Éxodo 9:14

hakte keso kaxwo nak, aláphaksek sa' ko'o ekyókxoho mók ektémakxa aqsok nenlegeykegkoho aphakxa exchep, tén han ma'a apkeláneykha, ekweykekxoho m'a énxet'ák apagkok, yaqwayam sa' ey'asagkohok xép, méko pók sekhawo ko'o ekyókxoho nak keso náxop.

Isaías 40:25

Aptáhak apkelmaxneyáncha'a Dios Aptaqmalma s'e: “¿Yaqsa sa' hélhéshok ko'o kéxegke? ¿Yaqsa sa' axhok ko'o?”

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Isaías 46:5

“¿Yaqsa kélwanchek hélhéshok ko'o kéxegke? ¿Yaqsa kaxének kélwáxok axhok ko'o héllano'?

Isaías 46:9

kaxénwakxoho kélwáxok ma'a ektémakxa axta nentámen cham'a nanók agko' axta. Ko'o sekteme Dios, méko pók; ko'o Dios, méko pók sekhawo ko'o.

Jeremías 10:1

Énxet'ák Israel, kóleyxho s'e amya'a nak, apkeltennasso nak kéxegke m'a Wesse' egegkok.

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 10:6

Wesse', méko ekhawo exchep, xép apteme apwányam apagko', ekwányam ma'a apwesey, tén han ekteme ekyennaqte.

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

Deuteronomio 33:26

“Méko aphawo m'a Dios apagkok nak Jesurún, apkexyeykmoho nak néten neyseksa yaphope yetlo apcheymákpoho yaqwayam epásegwata'.

Deuteronomio 4:15

“Axta kólweteyk kéxegke xama enxoho apyókxa Wesse' egegkok ma'a apkelpaqhetchessama axta neyseksa táxa eyáléwe, néten egkexe nak Horeb. Kóllanagkoho kéltáhakxa,

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!