Isaías 4:5 - Biblia Enxet

⁵ Etekkesek sa' yaphope néten ekyáqtessóxma ekhem Wesse' egegkok takháxet ekyókxoho m'a egkexe Sión, tén han takhapxet ma'a énxet'ák apchaqneykekxa nak ma'a, keñe sa' axta'a élseyéxma tén han táxa eyáléwe. Keytek sa' Wesse' egegkok élseyéxma apagkok takhapxet apyókxoho énxet,

Isaías 4:5 ပူးပေါင်းရင်းမြစ်များ

Nehemías 9:12

Apxegkessessegkek axta chá'a apmonye'e yaphope yaqwayam kapékessesagkok ámay, keñe axta axta'a xama táxa eyáléwe émha, yaqwayam enxoho kaltátchessesek chá'a m'a ámay yaqwánxa enxoho chá'a elyetlók.

Salmos 105:39

Appeykessegkek axta yaphope Dios yaqwayam kápok, tén han táxa yaqwayam kalsássesek exma axta'a.

Salmos 111:1

¡Aleluya! Alpeykeshok sa' chá'a ko'o Wesse' egegkok ekweykmoho kañók agko' ewáxok, apchaqnákxexa enxoho chá'a m'a énxet'ák meyke nak apkeltémakxa, cham'a apyókxoho énxet'ák nak.

Salmos 78:14

Yaphope axta chá'a apxegkessessók apmonye'e ekhem, keñe axta chá'a axta'a táxa eyápogwate.

Salmos 85:9

Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Salmos 89:7

Yeykpohok chá'a Dios nepyeseksa m'a apkelásenneykha apheykha nak néten, apwányam apagko' nepyeseksa m'a apheykha nak nepyáwa'.

Éxodo 14:24

amonye' élseye axta nahan apkelmexantámho Wesse' egegkok ekpayhókxa aphágkaxa m'a sẽlpextétamo Egipto, neyseksa apha axta m'a neyseksa táxa émha tén han ma'a yaphope, tén axta aptegkesa nepyeseksa m'a magya'áseyak nak yaqwánxa antéhek.

Éxodo 24:16

Wéweynteyk axta nahan Wesse' egegkok élseyéxma apagkok, ekyetna'a m'a néten egkexe nak Sinaí, seis ekhem axta nahan wokmohok eyapma yaphope m'a. Siete ekhem axta entáhak apwónéncha'a Wesse' egegkok Moisés ma'a kañe' yaphope nak.

Éxodo 26:1

“Elána sa' diez apáwa napwe'ék apkeláxñe apkelyaqséyak kélpakxanma appagkanamap, cham'a apáwa apyápaqmate, hómáyok tén han ma'a apyexwase nak; yót sa' nahan chá'a eleykmássesha apqánet sélásenneykha ekha apxempenák ma'a nápakhaw'ék nak.

Éxodo 26:7

“Elána sa' nahan once apyepetcháseykekxa mók apchótma yát'ay apwa' yaqwayam sa' kóltéhek kélpakxanma, kélapma m'a kélpakxanma appagkanamap nak.

Isaías 32:18

Exmakha sa' énxet'ák ahagkok ma'a meykexa nak ektemegweykmohóxma, kañe' ektaqmelakxa nak negha, ekyetnamakxa nak meyke ektemegweykmohóxma negha,

Isaías 33:20

Elano m'a Sión, tegma apwányam nenláneykxa nak chá'a nélsawássessamo; yenmexho m'a Jerusalén, tegma apwányam meyke nak negakakxa xama aqsok; exhok sa' ma'a kélpakxanma apyennaqtél'a kéllane, megkólmowánal'a kólhaxyawaksek ma'a yámet apagkok kélatchesso kañe' xóp, megkalyetyapmal'a m'a apxát'ák nak.

Isaías 37:35

Amyók sa' ko'o s'e tegma apwányam nak, awagkasek sa' nahan teyp, eñama seyásekhayo m'a séláneykha David tén han seyásekhamaxchekxoho ahagko' ko'óxa.’”

Isaías 46:13

Eyágketchessa'ak ko'o m'a sektamheykha segwagkassamo nak teyp; yahamók agko' ko'o kawak ma'a nélwagkásamáxche teyp ahagkok nak, megkeytnók makhawo'. Awagkasek sa' ko'o teyp ma'a Sión agkések sa' Israel ma'a ektémakxa nak seyeymáxkoho.

Isaías 60:1

Kólchaqnekxa néten, énxet'ák Jerusalén, kólaqlaxche apkelyenma, hakte wa'ak élseyéxma kélagkok, kelyenmeyk Wesse' egegkok apcheymákpoho kélyetseksa'ák.

Isaías 60:2

Chapchek ekyaqtéssóxma náxop, apkelaqlákpek ekyaqtéssóxma m'a apyókxoho énxet'ák, elsaksek sa' eyke exma kélyetseksa'ák kéxegke m'a Wesse' egegkok, keytnak sa' kélnepyeseksa m'a apcheymákpoho.