Isaías 4:3 - Biblia Enxet

³ Eltamhakpok sa' “apkelpagkanchásamap Wesse' egegkok ma'a” énxet'ák apkeleymomap nak meletsapma m'a Sión, cham'a apkelwayam nak teyp ma'a Jerusalén apkelxawéyak nak yaqwayam exmakha m'a.

Isaías 4:3 ပူးပေါင်းရင်းမြစ်များ

Salmos 69:28

¡Emassés apkelwesey m'a weykcha'áhak eknaqtáxésamaxchexa nak apkelwesey m'a élyennaqte nak apnegya'ák! ¡Ná enaqtáxéssesák apkelwesey m'a ekheykegkaxa nak apkelwesey m'a énxet'ák apkelpéwomo!

Salmos 87:6

Apnaqtáxésagkek sa' agkok Wesse' egegkok weykcha'áhak ekheykegkaxa nak chá'a apkelwesey énxet'ák. Sa' etnehek chá'a s'e: “Keso apkeleñamakxa s'e.”

Isaías 1:27

Alwagkasek sa' ko'o teyp énxet'ák apheykha nak Sión sey'eykekta nak ko'o yetlo ekpéwomo sélánéseykekxa apheykha;

Isaías 28:5

Etnehek sa' ekho kélháxaqxo élyenma ektaqmalma Wesse' ekha nak apyennaqte xa ekhem nak, ekho kélnatanma ektaqmalma apagkok ma'a énxet'ák apagkok apkeleymomap nak,

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Isaías 46:3

“Jacob aptawán'ák neptámen, kóleyxho sekpeywa, kélyókxoho kéleymomáxche nak Israel énxet'ák apagkok: Élpatmeykha axta ko'o kéxegke kélheykegkaxa axta kélchána awáxok; élqeyneykha axta,

Isaías 52:1

Sión, exatakha', énnákxoho; Jerusalén, tegma apwányam aptaqmalma, elántaxnekxa apkelnaqta apkeltaqmalma apagko' nak, hakte melántexek sa' chá'a kaxwók kañe' apwáxok ma'a énxet'ák melya'áseyak nak Dios, tén han ma'a élmanyása nak apyempe'ék.

Isaías 6:13

Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Isaías 62:12

Eltamhakpok sa' israelitas “Énxet'ák apkelpagkanamap”, “Wesse' egegkok apkelwagkasso teyp”, keñe sa' Jerusalén eltamhakpok, “Tegma apwányam kélmámenyého”, “Tegma apwányam metaqmópéyak”.

Ezequiel 13:9

Allegássesagkohok sa' ko'o m'a apkellegasso nak chá'a amya'a ekmowána amya'a, cham'a apkelwete nak chá'a aqsok megkamámnaqsoho, ekmowána amya'a nak chá'a m'a apkelxeyenma yaqwánxa katnehek egmonye'. Mopwanchek sa' elántaxnegwók epasmok apchaqneykekxa m'a énxet'ák ahagkok Israel; megkanaqtáxésaxcheyk sa' apkelwesey nepyeseksa m'a israelitas, melántexek sa' ma'a kañe' xapop Israel. Keñe sa' kólya'ásegwók kéxegke, sektáha ko'o Wesse'.’

Ezequiel 43:12

Keso segánamakxa apagkok tegma appagkanamap se'e: Katnehek sa' ekpagkanamaxchexa m'a xapop ekwakhaya nak nepyáwa m'a tegma appagkanamap, cham'a néten egkexe nak.”

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Abdías 1:17

Ekpagkanamaxche sa' eyke katnehek ma'a egkexe ahagkok nak Sión, cham'a yaqwánxa sa' elyexánegwók nápakha énxet'ák. Emekxak sa' makham xapop apagkok ma'a Jacob aptawán'ák neptámen;

Zacarías 14:2

Yánchásekxak sa' apyókxoho pók aptémakxa énxet'ák Wesse' egegkok xa ekhem nak, yaqwayam sa' ektámegmak elnapakpok ma'a Jerusalén. Emok sa' nahan ma'a tegma apwányam nak, esawhaksohok sa' nahan elmagkok aqsok apagkok ma'a apxanák nak, elyennaqtések sa' apyempe'ék elteméssessamhok exma m'a kelán'ák nak. Nápakha sa' nahan elmakpok énxet'ák apheykha nak xa tegma apwányam. Apkeleymomap sa' aqsa elhekxak ma'a.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)