Isaías 39:8 - Biblia Enxet

⁸ Aptáhak axta Ezequías apchátegmowágkokxo Isaías se'e: Tásók agko' nak la'a Wesse' egegkok appeywa seseykentegkesso exchek. Hakte xeyenmeyk axta apwáxok keytek meyke ektáhakxa egwáxok tén han ektaqmalma negha neyseksók apha makham ma'a.

Isaías 39:8 ပူးပေါင်းရင်းမြစ်များ

2 Samuel 15:26

Agkok kalchak apwáxok sélano, tásek hetnéssesek ekxénakxa enxoho apwáxok etnéssesek.

2 Crónicas 32:26

Chaqhegkek axta apwáxok aptémakxa eyeymáxkoho apwáxok nápaqtók Dios ma'a Ezequías, aptamhágkek axta han ma'a apyókxoho apheykha nak Jerusalén. Massegkek axta apkeltaqnawéyak, neyseksa apha makham ma'a Ezequías.

2 Crónicas 34:28

Wohok sa' ko'o exchep yetsapok meyke ektáhakxa, epáxaqwakxak sa' ma'a apyapmeyk nano', metagkehek sa' aqsok ekmaso peya nak ko'o wahak se'e yókxexma nak, tén han nepyeseksa énxet'ák apheykha nak kañe'.’ Apkeltaqháwok axta m'a wesse' apwányam apkeláneykha, yaqwayam esakxések xa amya'a nak.

Job 1:21

Aptáhak axta s'e: —Méko axta xama aqsok sekseykha sekwaya s'e nélwanmeygkaxa', méko sa' han xama aqsok asakxak ataqhoho'. Wesse' egegkok axta sélmésso ekyókxoho, keñe sélyementamákxo makham; ¡eyeymáxkoho sa' kólteméssesek apwesey Wesse' egegkok!

Salmos 39:9

“Ekwanmagkamchek aqsa ko'o, mapaqmeyesmak, hakte xép axta setnéssesso xa ektáha nak.

Lamentaciones 3:22

Méko néxa segásekhayo m'a Wesse' egegkok, megkamassegwomek nahan ektémakxa ektaqmeleykha apwáxok henlano'.

Lamentaciones 3:39

Kaqhok ampaqmeyesmakha sẽllegassásegkoho enxoho eñama nentémakxa magya'assáxma.

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.

Zacarías 8:16

Keso eyeyméxko nak chá'a kéxegke kóltéhek se'e: Kólpékessesho chá'a kéltennáseykha kélmók, kóllánekxés nahan chá'a yetlo ekpéwomo agko' amya'a énxet'ák, kóllenxánem nahan chá'a kóltekkesek meyke ektáhakxa negha m'a kañe' sẽlyekpelchémókxa nak;

Zacarías 8:19

“Manto nento, élánamáxche nak chá'a pelten cuatro, cinco, siete tén han diez, katnekxak sa' ekpayheykekxexa egwáxok, apkelsawássessamókxa apkelátseykegkaxa chá'a m'a Judá aptawán'ák neptámen. ¡Kólásekhoho chá'a kéxegke m'a ektáha nak ekmámnaqsoho tén han meyke ektáhakxa negha!”

1 Samuel 3:18

Apkeltennáseyha axta Samuel ekyókxoho m'a aptáhakxa axta apcháneya, meyke appósso xama enxoho, keñe axta Elí aptáha s'e: —¡Wesse' egegkok ma'a! ¡Tásek elának ma'a apmakókxa enxoho elána'!