Isaías 39:1 - Biblia Enxet

¹ Aplegayak axta amya'a wesse' apwányam Babilonia Merodac-baladán, Baladán axta apketche, apháxamákpo Ezequías xa ekhem nak, apyenneykekxeyk axta eyke makham, apcháphássessegkek axta weykcha'áhak tén han xama aqsok apmésso naqsa, axta eyke apsókasso m'a énxet'ák ektáha axta chá'a apkelápháseykha.

Isaías 39:1 ပူးပေါင်းရင်းမြစ်များ

2 Samuel 10:2

Tén axta David ekxéna apwáxok etnéssesek Hanún, Nahas axta apketche, ekhawo apteméssessamakxa axta aptaqmelchessama m'a apyáp axta, apkeláphássek axta nápakha apkeláneykha yaqwayam enxoho eltennaksek han Hanún eyaqha apwáxok apketsapa m'a apyáp. Xama axta apkelwokmo David apkeláneykha m'a amonitas apchókxa',

2 Samuel 8:10

keñe axta apcháphassama m'a apketche apwesey axta Joram yetlo aqsok élmomnáwa, élánamáxche nak sawo ekmope ekmomnáwa, tén han sawo ekyátekto ekmomnáwa, tén han sawo ekyexwase, yaqwayam egkések ekxeyenma apwáxok elsawásseshok ma'a wesse' apwányam David, eñama apkelnápomap ma'a Hadad-ézer tén han apyaqmassama, hakte apkempakhayak axta han Toi ma'a Hadad-ézer.

2 Crónicas 32:23

Apxámok axta énxet apkelseykenta Jerusalén aqsok apkelmésso naqsa Wesse' egegkok, tén han aqsok apkelmésso naqsa élmomnáwa m'a Ezequías, wesse' apwányam nak Judá. Cháxa eyeynókxa axta apxénamap ektaqmela ekyókxoho apheykegkaxa énxet'ák.

2 Crónicas 32:25

Axta eyke egkéssók ekxeyenma apwáxok Ezequías ma'a Wesse' egegkok, eñama ektaqmalma apteméssessamakxa', apmomchek axta aqsa ekyawe agko' eyeymáxkoho apwáxok, axta keñamak aptaqnagkama m'a Wesse' egegkok, keñe han apkeltaqnaweykegko m'a énxet'ák nak Judá tén han Jerusalén.

2 Crónicas 32:31

Apyenyeykekxeyk axta apxakkók Dios ma'a Ezequías yaqwayam enxoho épkónek, tén han ékpelkohok ektémakxa élchetamso apwáxok, cham'a apkeláphassama axta nápakha apkelásenneykha m'a apkelwesse'e nak Babilonia, yaqwayam enxoho ey'ammok tén han eltennaksek ma'a aqsok sempelakkasso nak agweta', ekteyapma axta m'a apchókxa nak.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Isaías 13:19

Keñe sa' ma'a Babilonia, apchókxa ektaqmalma nak ma'a énxet'ák, eyaqheykencha'a nak chá'a apkelwáxok ma'a caldeos, kaxnágwakxohok sa' ma'a Sodoma tén han Gomorra, cham'a sekmassesseykmo axta ko'o.

Isaías 14:4

kólyetsetek sa' se'e eknaqtáxésamaxche nak amya'a yaqwayam sa' kólwanyaha m'a wesse' apwányam Babilonia: “¡Kóllano ektáhakxa wesse' aplo! ¡Kóllano ektáhakxa ekmassegwokmo m'a apcheymákpoho!

Isaías 23:13

Kóllano s'e xapop nak, xapop ekhagweyktamxa axta chá'a m'a yántakpayhe élyawe. Apnaqxétekháseykegkek axta tegma apkelwenaqte m'a caldeos keñe aptepelcheykekxo m'a tegma apkelyawe apkeltaqmalma nak ma'a Sidón, tegma aphopák axta aptemessáseykekxa'. Aptamhéyak apagkók axta nahan ma'a, háwe m'a énxet'ák Asiria.