Isaías 38:13 - Biblia Enxet

¹³ Yókxoho axta'a ekpayheykha ahátog seklegeykegkoho ekmáske, máxa entemék élekkexma enxoho exchakkok ma'a yámakméwa. Yókxoho ekhem señassáseykegkoho tén han yókxoho axta'a.

Isaías 38:13 ပူးပေါင်းရင်းမြစ်များ

1 Reyes 20:36

Tén axta aptáha apcháneya m'a Dios appeywa aplegasso: —Méwa sa' xép ethanyohok seyenyawa enxoho, eñama melyaheykekxa m'a apkeltamhókxa etnehek Wesse' egegkok. Xama axta apyenyawa pók ma'a Dios appeywa aplegasso, tekkek axta xama méwa apmonye' keñe eyaqha.

Job 7:6

Chágketwokmek néxa sekha, méko kaxwók aleyxek, yahamok agko' ekxega máxa m'a yámet ekmanyehel'a kélatcháseyak kélótma.

Salmos 32:4

hakte yókxoho ekhem xép señassáseykegkoho tén han yókxoho axta'a. Máxa pánaqte exnók mayáhat ekyamassól'a entemék sekyókxa ekyelqamáxko.

Salmos 39:10

Elwatés señassáseykegkoho, hakte peyk ko'o watsapok eñama setekpageykha.

Salmos 50:22

“Kólya'asagkoho sa' se'e, kéxegke megkaxeyenma nak kélwáxok Dios, kélnápakha'a apketkók katnehek atnéssesek, méko kalwagkasek teyp:

Salmos 51:8

Hegkeyásekxa makham ekpayheykekxa agko' ewáxok, tén han ekmátsa, hepeykessásekxa makham ewáxok, neyseksa eykhe seyaqhakkassáseykha ewáxok tén han seháxésso.

Salmos 90:5

Emasséssók chá'a ekmanyehe agko' ma'a énxet'ák, ektémól'a agwetak negwanmagko.

Lamentaciones 3:4

Apkelyaqsáseykegkek axta émpehek, nekha'a étkók axta apteméssessók exchakkok;

Daniel 6:24

Tén axta kélnaqlánto m'a énxet'ák ektáha axta apsexnenagko m'a Daniel, yetlo apnaqteyegka'a, tén han apketchek, eñama axta apkeltémo m'a wesse' apwányam, kélchexénteyk axta kañe' máxek élyáqtamakxa axta yámakméwa; keltahanchek axta han yámakméwa, axta kaxnagwokmohok ma'a kañe' máxek, kelekkexchek axta apexchakkok élyepta.

Oseas 5:14

Sa' atnehek ko'o aktamagkok Efraín, tén han Judá m'a ektémól'a méwa kaktamagkok aqsok, ko'o ahagko' sa' han atnéssesagkok nápakha'a apketkók, tén sa' axñekxak makham, alyenyawasagkokxak sa', méko sa' kalwagkasek teyp.