Isaías 37:32 - Biblia Enxet

³² hakte yetneyk sa' apkelheykekxa apqántawók ma'a Jerusalén; yetneyk sa' meletsapma m'a egkexe Sión. Elának sa' eñama ekyawe apkelásekhayo Wesse' ekha nak apyennaqte xa.

Isaías 37:32 ပူးပေါင်းရင်းမြစ်များ

2 Reyes 19:31

Hakte yetneyk sa' apkelheykekxa apqántawók ma'a Jerusalén; yetneyk sa' meletsapma m'a egkexe Sión. Elának sa' eñama ekyawe apkelásekhayo Wesse' ekha nak apyennaqte xa.

Isaías 10:20

Kamaskok sa' etnehek apkeláyo ektáha nak apmassésseyam, apkeleymomap nak apqántawók kañe' Israel xa ekhem nak, cham'a Jacob énxet'ák apagkok meletsapma nak, Wesse' egegkok sa' aqsa elyennaqtések apteme apkeláyo, cham'a Dios aptaqmalma apagko' nak ma'a Israel.

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Isaías 4:2

Tásek sa' katnehek aqsok apkeltémo nak kaltektépekxak Wesse' egegkok xa ekhem nak, kalyenmok sa' nahan; sa' etnehek apagkok ma'a énxet'ák Israel apkeleymomap nak meletsapma; sa' katnéssesek eyaqheykha chá'a kélwáxok ma'a aqsok ekyexna eknakxamáxche ektekkesso nak xapop tén han katnéssesek ekha kéláyo.

Isaías 42:13

Máxa xama énxet apyennaqte sa' etnehek etyapok ma'a Wesse' egegkok; elnapakpok sa' yetlo apwasqapma aptémól'a m'a kempakhakma yáp; epaqmétek sa' ekyennaqte, elpáxamha sa' yempakha', emenxenek sa' nahan ma'a apkelenmexma.

Isaías 59:17

Apcháhakkásekpek axta m'a aptémakxa ekpéwomo, ektémól'a m'a negákkásamáxchel'a, apketchessek axta apqátek ma'a nélwagkásamáxche teyp, ektémól'a m'a sẽlpextétamo apketchesso apqátek, aptaxnékxeyk axta m'a negyaqmagkáseykekxa nak sẽlteméssesakxa ektémól'a m'a nentaxno apwenaqtél'a, apchaqlákpek axta m'a aplo ektémól'a agaqlaxchek ma'a yát'apáwa.

Isaías 63:15

Wesse', yenmexentámho aphamakxa nak néten, cham'a aphamakxa ekpagkanamaxchexa eyeymáxkoho nak. ¿Háxko ekmahágkaxa m'a segásekhayo ekyawe axta tén han apyennaqte? ¿Háxko ekmahágkaxa m'a ekyetnakhassamo nak apwáxok negko'o? ¿Masseya nélmayóseka senlano negko'o?

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Joel 2:18

Tén axta Wesse' egegkok apchásekhákxoho m'a apchókxa' nak; apyósekak axta apkelano énxet'ák apagkok,

Zacarías 1:14

tén axta natámen Dios apchásenneykha apkeltamho atnehek añeksek se'e: “Keso aptáhakxa nak appeywa Wesse' ekha nak apyennaqte s'e: ‘Awanhók agko' ko'o seyásekhayo m'a Jerusalén tén han ma'a Sión.