Isaías 37:16 - Biblia Enxet

¹⁶ “Wesse' ekha apyennaqte, Israel Dios apagkok, apteme nak Wesse' étseksa'ák ma'a apkelásenneykha ekha nak apxempenák apheykha néten, xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.

Isaías 37:16 ပူးပေါင်းရင်းမြစ်များ

Génesis 1:1

Apkelanak axta sekxók amonye' Dios néten tén han náxop.

2 Samuel 7:26

¡Kólteméssesek sa' chá'a eyeymáxkoho apwesey, exénakpok sa' chá'a Wesse' ekha apyennaqte, apteme Israel Dios apagkok! ¡Megkamassegwomek sa' aptamhéyak apkelwesse'e m'a aptawán'ák neptámen nak David, ko'o sektáha nak apkeláneykha, eñama exchep apkelmasma!

1 Reyes 18:32

cháxa apkelánésa axta han ekwatnamáxchexa aqsok ma'a Wesse' egegkok; apmétegkessek axta han nekhaw'ék nak ekwatnamáxchexa aqsok, ekhémo axta kólxatmok ma'a veinte kilos aqsok aktek,

1 Reyes 8:6

Apchaqxegkessákxeyk axta tegma appagkanamap apkelmaxnéssesso Dios énxet'ák apagkok ma'a Wesse' egegkok yántéseksek apagkok ekhémo mók nélpaqhetchásamáxkoho, ekweykekxoho m'a kañe' Ekpagkanamaxchexa agko' nak, kóneg nak apxempenák ma'a Dios apkelásenneykha,

2 Reyes 5:15

Keñe axta apxega yetlo apyókxoho apkelxegexma'a apya'aweykxo m'a Eliseo. Xama axta apwákxo makham ma'a aphakxa, aptáhak axta Naamán se'e: —¡Ekya'ásegwokmek ko'o kaxwók méko Dios ma'a ekyókxoho apheykegkaxa nak, wánxa aqsa m'a Israel! Éltamhók ko'o elmok takha' s'e aqsok sélmésso naqsa nak, ko'o sektáha nak apkeláneykha.

Esdras 1:3

Kélyókxoho kéltáha nak Wesse' egegkok énxet'ák apagkok, epasmok sa' ma'a Dios Wesse' kélagkok, kólmohok sa' ma'a Jerusalén, apyetnama nak Judá, yaqwayam sa' kóllanaksek tegma appagkanamap apagkok Wesse' egegkok, Israel nak Dios apagkok, cham'a Dios apha nak Jerusalén.

Salmos 146:6

apkelane nak néten, xapop, wátsam ekwányam, tén han ekyókxoho aqsok ekhéyak nak kañe'. Mepeynchámekxeyk appeywa m'a.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 80:1

Apkeláneykha nak chá'a Israel, apyentameykha nak chá'a José aptémól'a nepkések, apteme nak wesse' apha néten apyetseksa'ák ma'a apkeláneykha ekha nak apxempenák. ¡Hegeyxho negko'o! ¡Kataqmalmakha apwáxok elanok Efraín,

Salmos 86:10

Hakte xép apwánxa apagkok apteme Dios; ¡xép apteme apwányam, tén han apkelane chá'a aqsok sempelakkasso nak agweta'!

Salmos 99:1

¡Wesse' egegkok apteme Wesse' Apwányam! ¡Yetnegkek aptaháno m'a apyetseksa'ák nak apkeláneykha ekha nak apxempenák! Énxet'ák kólpexyennem, tén han ekyókxoho xapop nak.

Éxodo 25:22

Sa' ótak chá'a exchep ma'a, néten nak ma'a átog, nepyeseksa nak ma'a apqánet kéleykmássesso sélásenneykha ekha apxempenák, cham'a apheykha nak ma'a néten yántéseksek ekhémo mók nélpaqhetchásamáxkoho ahagkok nak, altennaksek sa' chá'a m'a ekyókxoho séltamhókxa enxoho chá'a etnahagkok ma'a israelitas.

Isaías 37:15

axta aptáhak apkelmaxneya s'e:

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Isaías 40:28

¿Yagkólya'ásegkok? ¿Yagkóllegeyk nahan? Wesse' egegkok apteme Dios memassegwayam, apkelane ekyókxoho keso nélwanmeygkaxa, meyelqamap tén han meyampé, méko néxa m'a ektémakxa nak apmopwána aqsok.

Isaías 42:5

Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Isaías 45:12

Éláneyak axta ko'o m'a xapop tén han énxet yaqwayam exmakha m'a kañe', émek axta ektemék sekpeykessama m'a néten tén axta séltémo kalántépok ekyókxoho m'a élápogwátéyak nak.

Isaías 45:22

“Énxet'ák, kélheykha nak ekyókxoho apkelókxa keso náxop hélyo'óta ko'o, ko'o sa' alwagkasek teyp, hakte ko'o sekteme Dios, méko pók.

Isaías 54:5

hakte sa' emok etnehek aptáwa' m'a ektáha axta apkelane. Wesse' ekha apyennaqte apwesey m'a; cha'a apwagkasso teyp xeye' m'a Dios Aptaqmalma nak Israel, apteme nak Dios ekyókxoho keso náxop.

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”

Isaías 8:13

Eyke tásek chá'a kólteméssesek aptaqmalma m'a Wesse' ekha nak apyennaqte; eyke payhawok chá'a kóláwhok ma'a; kóláwhok chá'a nápaqto'.

Deuteronomio 10:17

hakte cham'a Dios Wesse' kélagkok nak kéxegke apteme Dios Wesse' agkok ma'a ekyókxoho aqsok kéláyókxa nak tén han apteme Wesse' apagkok ma'a apyókxoho kelwesse'e apkelwányam nak keso náxop; apteme nahan Dios apwányam apagko', ekha apyennaqte tén han mageysso agè', metnéssesso nak han apyeykhamap pók elanok énxet tén han memà nak exkak ma'a aqsok kélmésso naqsa yaqwayam mexének ektemegweykmohoxma;

1 Samuel 4:4

Apkeláphássek axta han nápakha sẽlpextétamo israelitas ma'a Siló, apsánteyk axta Wesse' egegkok ekha nak apyennaqte yántéseksek apagkok, ekyetnama nak aptaháno neyseksa m'a apkeláneykha ekha nak apxempenák. Apkelyetlántamok axta han Dios yántéseksek apagkok ma'a apqánet apketchek axta Elí, cham'a Hofní tén han Finees.