Isaías 37:12 - Biblia Enxet

¹² ¿Kelwagkassegkeya axta chá'a teyp aqsok kéláyókxa m'a mók apheykegkaxa nak chá'a énxet apmassésseykmo axta m'a elyapmék nano nak ko'o: cham'a Gozán, Harán, Résef tén han ma'a énxet'ák Bet-edén apheykencha'a axta m'a Telasar?

Isaías 37:12 ပူးပေါင်းရင်းမြစ်များ

Génesis 11:31

Apteyepmeyk axta Térah ma'a Ur apchókxa nak caldeos, apmaheykegko m'a yókxexma Canaán yetlo apketche Abram, apyentamomchek axta m'a aptáwen Lot, yetlo m'a aptánegken Sarai. Xama axta apkelweykmo m'a tegma apwányam Harán, apkelheykmek axta m'a.

Génesis 11:32

Doscientos cinco apyeyam apagkok axta weykmok Teráh apketsapma m'a Harán.

Génesis 12:14

Xama axta apwokmo Abram ma'a Egipto, apwet'ak axta énxet Egipto m'a Sarai ekteme ektaqmalma agko'.

Génesis 2:8

Tén axta natámen Dios Wesse' egegkok apkelana yókxexma ektaqmela Edén, ekpayho nak ekteyapmakxa ekhem, keñe aphésa m'a énxet ektáha axta apkelane.

Génesis 28:10

Apteyepmék axta Jacob ma'a Beerseba, appéwomo m'a ámay ekmahéyak nak Harán.

Génesis 29:4

Aptáhak axta Jacob apkelmaxneyáncha'a keláneykha nepkések se'e: —Énámakkok, ¿háxko kéleñamakxa kéxegke? —Harán negko'o néleñamak —axta aptáhak apkelátegmowágko.

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

2 Reyes 18:11

Apkelántekkessek axta wesse' apwányam Asiria apheykegkaxa israelitas apnaqleykekxo m'a Asiria, keñe apkelhésseykmo m'a Halah, yókxexma nak Habor, wátsam nak ma'a Gozán, tén han tegma apkelyawe apagkok axta medos.

2 Reyes 19:12

¿Kelwagkassegkeya axta chá'a teyp aqsok kéláyókxa m'a mók apheykegkaxa nak chá'a énxet, apmassésseykmo axta m'a élyapmeyk nano' nak ko'o: cham'a Gozán, Harán, Résef, tén han ma'a énxet'ák Bet-edén apheykencha'a axta m'a Telasar?

Isaías 36:18

Apkeltennássek sa' agkok Ezequías peya elwagkasek teyp ma'a Wesse' egegkok, nágkólho aqsa elyexanchesha. ¿Yetnéya chá'a xama aqsok kéláyókxa mók apchókxa ekmowána kawagkasek teyp eyókxa neyseksa apma m'a wesse' apwányam Asiria?

Isaías 36:19

¿Háxko élmaheykegkaxa m'a aqsok kéláyókxa axta Hamat tén han ma'a Arpad? ¿Háxko élmaheykegkaxa m'a aqsok kéláyókxa axta Sefarvaim? ¿Awancha'aya kalwagkasek teyp énxet'ák Samaria neyseksa apkelma m'a wesse' apwányam Asiria?

Isaías 36:20

¿Yaqsa axta aqsok kéláyókxa ekmowána kawagkasek teyp eyókxa neyseksa apkelma m'a wesse' apwányam Asiria? ¿Yaqsa eyke ektéma ekxeyenma nak kélwáxok Wesse' egegkok apwanchek ewagkasek teyp ma'a Jerusalén?

Isaías 37:13

¿Háxko apkelmaheykegkaxa m'a kelwesse'e apkelwányam nak tegma apwányam Hamat, Arpad, Sefarvaim, Hená tén han ma'a Ivá?”

Ezequiel 27:23

Axta nahan elyánmagkasakpok chá'a exchep ma'a énxet'ák apheykha nak Harán, Cané, Edén, tén han ma'a énxet'ák ekha axta nahan aqsok apkexeykekxa m'a yókxexma Sabá, tén han ma'a Asiria tén han ma'a ekyókxoho nak kañe' Media;

Ezequiel 28:13

Aphegkek axta m'a Edén, Dios yókxexma éltaqmalma apagkok nak, kélnáxegkáseykha axta m'a mók ektémakxa nak chá'a meteymog éltaqmalma: cham'a meteymog ekyexwasél'a, tén han ma'a yáma ekyátekto ekyepetchél'a yáma hó pa'at, tén han ma'a ekyennaqtél'a hó pa'at, tén han ma'a ekyátektól'a, tén han ma'a ekmopél'a élyenma, tén han ma'a éltaqmalmal'a ektáxama élmakteykha, tén han ma'a ekyápaqmatél'a, tén han ma'a ekyexwase agko' la'a, tén han ma'a hó pa'at la'a; sawo ekyátekto élmomnáwa axta m'a aqsok étkók éltaqmalma apagkok tén han ma'a apkelchenméhe nak, kéllánesso axta m'a sekxók axta apkelánamákpo.

Amós 1:5

Eynnaqtések sa' émpehek almeykesagkok ma'a atña'ák nak tegma apwányam Damasco; amasséssók sa' ma'a wesse' nak yókxexma Bicat-avén tén han apkeláneykha nak ma'a apchókxa Bet-edén, keñe sa' sirios elmakpok, kólnaqlakxak sa' ma'a Quir.” Wesse' egegkok apxeyenma xa.