Isaías 36:7 - Biblia Enxet

⁷ Aptemék sa' agkok heyának se'e: Akke negko'o negáyók ma'a Dios Wesse' egegkok, ¿háweya Ezequías apmassésseykmo nak ma'a kélpeykessamókxa nak chá'a Dios tén han ma'a kélwatnéssamakxa nak chá'a aqsok? ¿háweya apkeltémo elpeykeshok wánxa xama ekwatnamáxchexa aqsok ma'a énxet'ák Judá tén han ma'a Jerusalén?

Isaías 36:7 ပူးပေါင်းရင်းမြစ်များ

2 Reyes 18:22

Kéltemék agkok séláneya kéxegke s'e: Akke negko'o negáyók ma'a Dios Wesse' egegkok, ¿háweya Ezequías apmassésseykmo nak ma'a kélpeykessamókxa nak chá'a Dios tén han ma'a kélwatnéssamakxa nak chá'a aqsok? ¿háweya apkeltémo elpeykeshok wánxa xama ekwatnamáxchexa aqsok ma'a énxet'ák Judá tén han ma'a Jerusalén, cham'a ekwatnamáxchexa nak aqsok ma'a Jerusalén?

1 Crónicas 5:20

appasmomchek axta eyke m'a Dios, apkelmomakpek axta m'a agarenos yetlo m'a apkelxegexma'a axta, hakte apkelmaxneyeykegkek axta apkeltémo epasmok Dios neyseksa apkelnápomap. Appasmomchek axta han ma'a Dios, hakte axta elya'ásseykmok.

2 Crónicas 30:14

Amonye' axta apkelhaxyawásegkok ekyókxoho nak élwatnamáxchexa aqsok, tén han ma'a élwatnamáxche axta chá'a aqsok ekmátsa nak ekpaqneyam éten agkok, ekhéyak axta m'a Jerusalén, apkexakhagwokmek axta m'a alwáta nak Cedrón.

2 Crónicas 31:1

Xama axta ekwokmo néxa ekyókxoho xa kélessawássessamo nak, apkelmeyákxeyk axta tegma apkelyawe Judá apyókxoho israelitas apkelwayam axta m'a, apkelpáxqátekxeyk axta m'a meteymog kéleykmássesso aqsok kéláyókxa, apkelekkexákxeyk axta han ma'a kéleykmássesso nak Aserá, apkelyaqnegkásegkek axta m'a kélpeykessamókxa nak chá'a néten egkexe, ekwokmoho apsawhawo ekyókxoho xa aqsok nak, kañe' Judá, tén han Benjamín, Efraín keñe han Manasés. Tén axta apkeltaqháwo apyókxoho israelitas apkelmeyákxo m'a tegma apkelyawe apagkok, ektáhakxa nak chá'a xapop apagkok.

2 Crónicas 32:12

¿Háwe enxeykel'a Ezequías apmasséseykmo nak ma'a kélpeykessamókxa nak chá'a Dios tén han ma'a kélwatnéssamakxa nak chá'a aqsok? ¿Háweya apkeltémo elpeykeshok tén han elmések aqsok ekmátsa nak ekpaqneyam wánxa xama ekwatnamáxchexa aqsok ma'a énxet'ák Judá tén han Jerusalén?

Salmos 42:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Isaías 36:8

Elpaqhetchesakpoho wesse' ahagkok, wesse' apwányam nak Asiria: almések sa' ko'o exchep dos mil yátnáxeg, apwet'a enxoho m'a yaqwayam elchántek.