Isaías 34:7 - Biblia Enxet

⁷ Máxa yágweyke sa' etnahagkok eletsapok tén han weyke étkók tén han weyke kelennay'a; kayássesek sa' éma m'a xapop apagkok, kamlaksek sa' nahan yagkamex ma'a pexmok apagkok.

Isaías 34:7 ပူးပေါင်းရင်းမြစ်များ

Salmos 22:21

hewagkas teyp ketók setamakxa xa méwa nak, ¡hemyow ketók sélyetxaqxamakxa xa weyke kelennay'awo nak!

Salmos 68:30

epaqhetches sa' Egipto, cham'a aqsok nawhak ekleykha nak neyseksa ekho', cham'a weyke kelennay'a ekxámokma éllo nak, tén han weyke étkók élmámenyého nak ma'a aqsok ekxámokma, eknaqtawáseykegkoho nak chá'a énxet'ák; ¡yexpánches sa' ma'a énxet'ák ekmátsa nak chá'a elanagkok kempakhakma!

Salmos 92:10

Eyánchessáseykegkók ko'o exchep sekyennaqte, ekweykenxal'a ekyennaqte m'a weyke kennawo', éxpaqhássessegkek nahan épátek ma'a sokmátsa nak.

Isaías 63:6

Élteyammeyha axta ko'o yetlo seklómo ahagko' ma'a pók aptémakxa nak chá'a énxet'ák, ekmasséssekmek axta yetlo seklo, ekyegkenchessek axta éma apagkok náxop.

Jeremías 25:34

¡Kólwehesha, keláneykha nepkések, kólwehesha eñama kéllegeykegkoho ekmáske! ¡Kéxegke, kélnaqleykha nak chá'a nepkések, kólpexyawha náxop! Hakte wokmek ekhem nentekyómakxa', kóltekyók sa' kéxegke, aptémól'a etekyók ma'a nepkések apkelennay'a apnaqmele.

Jeremías 46:21

Aphawók weyke étkók eknaqmelel'a m'a sẽlpextétamo apagkok kélyánmagkasso nak chá'a apkelempakhe, yenyahagkok sa' eyke han ma'a, mopwancha'ak sa' elenmexekxa', hakte kawak sa' ekhem ekmaso agko', yaqwayam kóllegássesagkoho'.

Jeremías 50:11

“Kéxegke caldeos, kélyementaméyak axta aqsok apagkok énxet'ák ahagkok, ¡kalpayhekxa kélwáxok, kólnéwha! ¡Kólnextegmakha néten, ektémól'a weyke étkok ma'a neyseksa pa'at! ¡Kólwehesha aptémól'a elpáwha yátnáxeg!

Jeremías 50:27

¡Kólnáhap apyókxoho m'a sẽlpextétamo apagkok nak, kólnaqlakxa yaqwánxa nak etekyók! ¡Apyósekak eyke eykhel'a! ¡Wokmek ekhem yaqwánxa kóllegássesagkoho'!

Ezequiel 32:6

Ayássesek sa' xapop ma'a éma apagkok nak, kawakxohok sa' ma'a meteymog élekhahéyak nak, kallanagkok sa' ma'a yegmen atamnek élmeyeykekxa nak chá'a m'a wátsam.

Ezequiel 39:17

Aptáhak axta seyáneya Wesse' egegkok se'e: “Yána sa' kaqnekxak ekyókxoho náta tén han aqsok nawha'ák éllo m'a neyáwa nak, yána sa' kalmeyenták ma'a meteymog élekhahéyak nak Israel, cham'a yaqwánxa sa' ko'o alanaksek ma'a aqsok ektekyawa. Katawagkok sa' ma'a ápetek, keynagkok sa' nahan ma'a éma;

Ezequiel 39:18

katawagkok sa' ma'a sẽlpextétamo aphápetek, keynagkok sa' nahan ma'a kelwesse'e apkeltaqmelchesso nak chá'a apkelókxa éma apagkok, máxa sa' katnéssesek ma'a ektémól'a nepkések apkelennay'a, tén han apketkók la'a, tén han ma'a yát'ay apketkók la'a essenhan ma'a weyke étkók kélennay'a eknaqmelel'a m'a yókxexma Basán.

Números 23:22

Aphéssamók nahan weyke kennawók kepet'ák ma'a Dios, apkelántekkesso axta m'a Egipto.

Números 24:8

Máxa weyke kennawók kepet'ák apteméssessók ma'a Dios apkelántekkesso axta m'a Egipto. Esáwak sa' énxet'ák Israel ma'a apkelenmexma nak, elekkexchesek sa' apexchakkok, elmallahanchessamhok sa' elyátak yágke.

Deuteronomio 33:17

Aptásek ma'a, máxa m'a émha amonye' étkok la'a m'a weyke kennawo' apmeyhek nahan, máxa m'a yágweykel'a. Elyetxeygkok sa' nahan ma'a apyókxoho énxet'ák ekweykmoho m'a néxa xapop nak. Aphawók ma'a Efraín énxet'ák apagkok apxámokma nak; tén han ma'a Manasés énxet'ák apagkok nak.”