Isaías 33:3 - Biblia Enxet

³ Legáxcheyk agkok chá'a exchep appeywa ekyennaqte, elyexanmok chá'a énxet'ák, apkempákxeyk agkok chá'a néten yexpaqnek chá'a m'a apyókxoho énxet'ák apheykha nak keso náxop;

Isaías 33:3 ပူးပေါင်းရင်းမြစ်များ

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Salmos 59:11

Nágkalapyósho elano', yaqwayam sa' kalxénwakxohok chá'a apkelwáxok ma'a énxet'ák ahagkok nak; yexpánches yetlo apmopwána, etnessásekxa kóneg agko'. ¡Wesse' egegkok apteme sentaqmelchesso!

Salmos 68:2

elmassegwók aqsa chá'a ektémól'a éten kamassegwók, elpayhekxak chá'a, ektémól'a pápa' kólpekkenek nátex; ¡emassegwók chá'a nápaqtók Dios ma'a élmasagcha'a nak apkeltémakxa!

Isaías 21:15

Hakte apkenyahágkek apmonye'e m'a apkelmeykha nak sókwenaqte, sókwenaqte élmahamta nak, tén han ma'a yágke ketók kélyáteykxa nak tén han ma'a kempakhakma ekmaso agko' nak.

Isaías 33:4

máxa sawa' apxámokmal'a apkelenmexma xa énxet'ák nak, apcháhapwokmek agkok chá'a ektamagkok, elyementamagkok chá'a m'a aqsok apagkok ekyetnakxa nak.

Jeremías 25:30

“Jeremías, eñes sa' sektáhakxa ko'o sekpeywa s'e ekyókxoho aqsok nak. Sa' etnehek elának se'e: “Kextegyókek appeywa Wesse' egegkok ma'a netnók agko' nak, cham'a kañe' ekpagkanamaxchexa aphamakxa nak. Apkelpáxegkáseyha apkeltaqnaweygko m'a nepkések apnaqtósso, máxa aptáhak ma'a apkelteyáyam la'a anmen yámet ekyexna, apkeltaqnaweygkek ma'a apyókxoho énxet'ák apheykha nak keso náxop.

Jeremías 25:31

Wokmók éxtegyawà m'a néxa nak xapop, hakte peyk elyekpelchásseshok pók aptémakxa énxet'ák ma'a Wesse' egegkok, elwónmakha sa' yaqwayam elyekpelkohok ma'a apyókxoho énxet'ák apkeletsapmo nak, yaqwayam yának kólnápekxak ma'a élmasagcha'a nak apkeltémakxa. Wesse' egegkok apxeyenma xa.’”