Isaías 32:17 - Biblia Enxet

¹⁷ Katekkesek sa' meyke ektáhakxa egwáxok tén han ektaqmalma negha tén han meyke ektamheykha egwáxok meyke néxa m'a ektaqmalma nak nentémakxa.

Isaías 32:17 ပူးပေါင်းရင်းမြစ်များ

Ester 9:30

tén axta éláphássesa chá'a apyókxoho judíos apheykha axta m'a ciento veintisiete apchókxa aptémakxa axta wesse' apwányam ma'a Asuero, yetlo ekmésso ekxeyenma awáxok tén han ekteméssesso naqsók ekpeywa,

Salmos 119:165

Awanhek chá'a katnehek meyke ektáhakxa apheykha m'a apchásekhayo nak chá'a nélxekmowásamáxche apagkok, méko han awanchek katlápagkasek.

Salmos 85:10

Keypetchekxak sa' segásekhayo m'a ektémakxa nak mehegyenyaweykha, kapathétekxak sa' mók ma'a meyke ektáhakxa nak negha, tén han ekpéwomo nentémakxa,

Salmos 85:8

Weyxhok sa' ko'o peya nak exének Wesse' egegkok; hakte exének sa' egkések meyke ektáhakxa apheykha m'a énxet'ák apagkok, cham'a ektáha nak chá'a melyenseyam apkelyetleykha, melánegkokxo enxoho makham apkeltémakxa élyeyháxma.

Proverbios 1:33

wánxa agkok ma'a énxet ektáha nak aptaqmelchessamo apháxenmo sekpeywa, tásek sa' katnehek apha, meyke apkeye xama aqsok ekmaso enxoho.”

Proverbios 14:26

Nenteme negáyo Wesse' egegkok, cháxa nenteme ekyennaqte magya'ásseyam xa, apkelmasma nak chá'a m'a kélketchek.

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.

Isaías 11:13

Kamaskok sa' ektémakxa nak apkelyásekkesso m'a Efraín énxet'ák, kamaskok sa' nahan apkello m'a énxet'ák Judá, melyásekkesek sa' chá'a kaxwók Efraín énxet'ák ma'a Judá énxet'ák nak, megkaxének sa' nahan kaxwók apwáxok eltaqnawák Judá énxet'ák ma'a Efraín énxet'ák apagkok nak.

Isaías 26:3

Wesse', eltaqmelcheshok chá'a exchep yetlo meyke ektáhakxa apwáxok ma'a melyenseyam nak chá'a apteme melya'ásseyam, hakte apcháyók chá'a exchep ma'a.

Isaías 28:12

Hakte aptemegkek axta apkelanagkama nanók axta s'e: “Keso élwóneykegkaxaxma s'e, keso néllókassamakxa nélyampe s'e; ellókasek sa' apkelyampé m'a apkelyampayo nak.” Axta eyke elyeheykekxoho'.

Isaías 30:15

Aptáhak Wesse' egegkok se'e, cham'a Dios Aptaqmalma nak Israel: “Kólchexyem, kóllánekxa kélheykha keñe sa' kólwagkasaxchek teyp. Sa' kañék kélyennaqte kéxegke m'a ektaqmalma nak kélheykha tén han megkólya'ásseyam.” Makke kólmakók kéxegke,

Isaías 33:6

egkések sa' chá'a ektaqmalma apheykha énxet'ák ma'a. Aqsok ekmomnáwa segwagkassamo teyp ma'a ekha nak negya'áséyak tén han negyekpelchémo; ekxámokma aqsok egagkok akke m'a negaye nak Wesse' egegkok.

Isaías 48:18

¡Kaxtemék axta apkelyeheykekxoho m'a séltémókxa nak chá'a etnehek! Kayágkok axta ektaqmalma apha kaxhok axta m'a ektémól'a kayágkok yegmen ma'a wátsam, kaxhok axta ektaqmeleykekxa apha m'a ekweykenxal'a élyaqyahayam élyawe m'a wátsam ekwányam,

Isaías 55:12

“Kólántépok sa' kéxegke yetlo ekpayheykekxa kélwáxok ma'a, kólmeyekxak sa' makham kélókxa yetlo meyke ektáhakxa kélwáxok. Kelwet'ak sa' agkok ma'a meteymog élekhahéyak nak tén han ma'a egkexe nak, megkaleysagkók sa' kalmeneykmaksek kalpayhekxak awáxok, kaltekpagmakha sa' amék ekyókxoho m'a yenta'a élyawe élaqnéyak nak yókxexma.

Isaías 57:19

Sa' atnehek alának apyókxoho s'e: ‘¡Tásek sa' katnehek kélheykha kélheykha nak makhawo', tásek sa' katnehek kélheykha kélheykha nak keto'! ¡Altaqmelchásekxak sa' ko'o m'a énxet'ák ahagkok!’

Isaías 66:12

Hakte ektáhak ko'o sekpeywa s'e sektáha nak Wesse': Wának sa' ko'o káhapwak meyke ektáhakxa egwáxok ma'a ektémól'a kaxegmak ma'a yegmen ényé, tén han ma'a aqsok ekxámokma apagkok nak ma'a pók aptémakxa énxet'ák ektémól'a m'a yegmen ekyawél'a, ekteyapmal'a m'a neyáwa'. Sa' kalagkok kéltéyak kéxegke m'a, kalqeynmakha sa' nahan, kaláhapmakha sa' kaxnésha awáxok.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Ezequiel 37:25

Exnakha sa' ma'a apkelókxa sekméssamakxa axta m'a séláneykha Jacob, cham'a apheykegkaxa axta nahan ma'a apyapmeyk nano'. Sa' aqsa nahan chá'a exnakha m'a, yetlo apketchek tén han ma'a apyókxoho aptawán'ák neptámen; séláneykha David sa' aqsa nahan chá'a etnehek wánxa apkemha apmonye' apagkok.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”