Isaías 32:13 - Biblia Enxet

¹³ Katyapok sa' yámet ekha nak am'ák tén han ekmompánaqma m'a seyókxa, cham'a apyókxoho tegma nak ma'a tegma apwányam élpayheykekxexa nak chá'a apkelwáxok ma'a énxet, ekyetnamakxa nak chá'a m'a apkelátseykha.

Isaías 32:13 ပူးပေါင်းရင်းမြစ်များ

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Isaías 22:2

Tegma apwányam eksawheykekxoho nak kañe' ekyennamáxma tén han kélwehéseykha, ekyepetche nak ma'a ekneywomáxche', háwe sókwenaqte élnapma m'a apkeletsapma nak apheykha kañe', háwe nahan aptekyawa m'a neyseksa kempakhakma;

Isaías 23:7

¿Keyaxa tegma apwányam nanók apyetnamakxal'a xa ekyetnamakxa axta chá'a ekneywomáxche'? ¿Keyaxa énxet'ák apkelxegama axta chá'a yaqwayam elhók ma'a makhawók agko' nak apchókxa?

Isaías 23:9

Wesse' egegkok ekha nak apyennaqte apkeltémo katnehek xa, yaqwayam enxoho etnessásekxak mékoho apyókxoho m'a apkeleymákpoho nak, tén han yaqwayam etnessásekxak kónegók agko' ma'a kelwesse'e apagko' nak keso náxop.

Isaías 24:11

Apkelpáxamáha ekyennaqte énxet'ák ámay awáxok aptegyágko eykhe vino; massegwokmek ekyókxoho m'a ektémakxa axta chá'a élpayheykekxa apkelwáxok, kélmasséssek kañe' apchókxa m'a ekpayheykekxa egwáxok nak.

Isaías 27:10

Apmopso aptáhak ma'a tegma apwányam apyennaqte nak, máxa m'a tegma aptaqmópéyak la'a, máxa m'a ekyamayél'a exma yókxexma meykel'a énxet. Weyke ekteykegkaxa pa'at ma'a, ekteykegkaxa m'a yámet áwa' tén han ekheykegkaxa chá'a kallókasek élyampé.

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Isaías 5:10

Xama mahamo étkok sa' kaxwók katyapok anmen yámet égmenek ma'a trescientos metros nak ekwenaqte kélcheneykekxa m'a anmen yámet. Keñe sa' xama yágkentamáhak ekláneyo hótáhap ma'a diez yágkentamáhak élláneykegkoho nak kélyemlasso m'a hótáhap apaktek.”

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Isaías 55:13

Yámet pinos sa' katyapok keñe sa' megkatyepek ma'a yámet ekha nak am'ák, yámet élmope exnók arrayán sa' katyapok keñe sa' yátape' metyepe'; sa' katnéssesek eyeymáxkoho apwesey Wesse' egegkok xa; katnehek sa' xama aqsok magkenatchesso meyke néxa, megkólmowána kólmasséssók.”

Isaías 6:11

Ektáhak axta ko'o sélmaxneyeyncha'a s'e: Wesse', “¿Háxko sa' ekwánxa ekhem kawomhok xa?” Aptáhak axta seyátegmowágkokxo s'e: “Sa' kawomhok ma'a kélmasséssekmo tegma apkelyawe, aptáha sa' meyke apagko' énxet apheykha m'a kañe'; tén han ekwokmoho sa' aptamhákxo meyke apagko' énxet ma'a tegma, tén han ektamhákxo meyke xama aqsok ma'a yókxexma,

Isaías 7:23

Cháxa ekhem nak, katnekxak sa' émhakxa yenta'a ekha nak am'ák tén han ekmompánaqma m'a émhakxa axta chá'a ekxámokma agko' ma'a anmen yámet, ekteyapmo axta chá'a ekyánmaga mil sawók selyaqye sawo ekmope élmomnáwa nak.

Jeremías 33:4

Yetneyk ko'o xama amya'a, ko'o sektáha nak Wesse', Israel Dios apagkok, ekxeyenma nak ma'a tegma Jerusalén, tén han ma'a kelwesse'e apkelwányam nak apxanák ma'a Judá, peya nak kólyaqnegkesagkok. Kelántépexcheyk sa' agkok kólnapaxchek yetlo sókwenaqte m'a caldeos, cham'a apkelánegko nak apkelchántamakxa néten yaqwayam ektámegmak ma'a tegma apwányam, kélhapák sa' aqsa esawheyásekxohok ma'a kañe' nak. Seklo ekmaso sa' kalnápok, hakte massék ko'o sélano xa tegma apwányam nak, eñama ekxámokma agko' aqsok ekmaso élánamáxche'.

Jeremías 39:8

Apwatnékxeyk axta caldeos ma'a wesse' apwányam apxagkok, tén han ma'a tegma nak tegma apwányam, apkelyaqnegkásegkek axta han kélhaxtegkesso nak Jerusalén.

Oseas 10:8

Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.