Isaías 32:10 - Biblia Enxet

¹⁰ Tásek kélheykha kéxegke s'e kaxwo nak, sa' eyke m'a aptáha sa' xama apyeyam kólpexyennók sa' kélaye, hakte kasawhaxchek sa' eknakxamáxche ekyexna m'a aqsok kélcheneykekxa, megkólnakxekxók sa' chá'a kaxwók ma'a anmen yámet ekyexna.

Isaías 32:10 ပူးပေါင်းရင်းမြစ်များ

Isaías 16:10

Kamaskok sa' ekpayheykekxa egwáxok tén han negátseykha m'a yókxexma; kamaskok sa' ma'a negwóncháseykha nak ekpayheykekxa egwáxok, tén han ma'a negmeneykmáseykha nak neyseksa anmen yámet kélcheneykekxa, kamaskok sa' nahan kalyaqhapaxchek ma'a anmen yámet ekyexna yaqwayam kalanaxchek ma'a égmenek. Massegwokmek ma'a nélpáxameykha nak negátseykha.

Isaías 7:23

Cháxa ekhem nak, katnekxak sa' émhakxa yenta'a ekha nak am'ák tén han ekmompánaqma m'a émhakxa axta chá'a ekxámokma agko' ma'a anmen yámet, ekteyapmo axta chá'a ekyánmaga mil sawók selyaqye sawo ekmope élmomnáwa nak.

Jeremías 8:13

Aptáhak Wesse' egegkok se'e: “Alyaqtennek sa' ko'o énxet'ák ahagkok ektémól'a kólyaqtennek hótáhap apyexna. Megkeymaxcheyk sa' xama enxoho ekyexna anmen yámet ma'a kélcheneykekxexa nak, tén han xama ekyexna enxoho higo yámet ma'a kélcheneykekxexa nak. Áwa' élyamaye sa' aqsa kaleymaxche'.”

Oseas 2:12

Amasséssessók sa' ma'a éneykekxa nak anmen yámet, tén han ma'a éneykekxa nak higo, ektéma nak chá'a ekxeyenma s'e: ‘Keso ekyánmaga segkésso nak chá'a ko'o m'a sélpathetéyak nak chá'a.’ Ekmompánaqma sa' atnessásekxak, aqsok nawha'ák éllo sa' katókasek.

Oseas 3:4

Ahóxek sa' katnehek meyke wesse' apwányam apagkok ma'a israelitas, tén han meyke apkemha apmonye' apagkok, keñe han meyke apkelnapma chá'a aqsok apnaqtósso, tén han meteymog élpagkanamaxche', tén han meyke apkelnaqta apkelmeykegko nak chá'a apkelmaxnéssesso Dios énxet'ák apagkok, tén han kéleykmássesso étkók ma'a apxanák nak.

Joel 1:12

Kelyameygkek ma'a anmen yámet kélcheneykekxa, tén han higo yámet. Kelyameygkek nahan ma'a yántakyexna, tén han áxa, tén han manzano awhók, keñe han ma'a ekyókxoho yenta'a nak yókxexma. ¡Massegwokmek élpayheykekxa apkelwáxok ma'a apyókxoho énxet'ák!

Joel 1:5

¡Kéxegke, anmen át'ák nak, kólnaqxétekhák! ¡Kóllekxagwaha, kélyeneykegkoho nak vino, hakte kawomhok sa' apkelyamáséyak ma'a anmen yámet ekyexna égmenek!

Joel 1:7

Aptawáseyha negkeneykekxa anmen yámet, apkelekkexchek higo negkeneykekxa'; apkeláxñásekxók apagko', apkelmópesákxók ma'a axchakkok nak.

Habacuc 3:17

Keñe sa' kapayhekxohok agko' ko'o ewáxok eñama m'a Wesse' sewagkasso nak teyp. Megkalyapwék sa' eykhe higo yámet, alpeykeshok sa' eyke, megkeyxek sa' eykhe han ma'a anmen yámet, tén han ma'a olivo yámet; megkanakxaxcheyk sa' eykhe han aqsok ma'a namyep; esawhakpok sa' eykhe han nepkések méko sa' eykhe han katnehek weyke m'a axanák nak.

Sofonías 1:13

Cháxa keñamak peya nak kalmaxchek ma'a aqsok élmomnáwa apagkok nak, tén han kólmasséssessók ma'a apxanák nak, elanagkok sa' eykhe apxanák, mexnakha sa' eyke m'a; eknagkok sa' eykhe anmen yámet, ménagkehek sa' eyke m'a égmenek nak.”