Isaías 32:1 - Biblia Enxet

¹ Etyapok sa' xama wesse' apwányam yaqwayam etneykha yetlo ekpéwomo aptémakxa tén han ma'a kelwesse'e apkeláneykha nak chá'a apkelókxa yaqwayam sa' eltemeykha chá'a apkelókxa yetlo ekpéwomo apkeltémakxa.

Isaías 32:1 ပူးပေါင်းရင်းမြစ်များ

2 Samuel 23:3

Appaqmetchek ma'a Dios apagkok nak Israel; aptáhak seyáneya Apmasma nak chá'a Israel se'e: ‘Énxet apkeláneykha nak chá'a énxet'ák yetlo ekpéwomo aptémakxa', apkeláneykha nak chá'a énxet'ák yetlo apcháyo Dios,

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Isaías 11:5

Exog sa' chá'a yetlo apcháhakkásamap ma'a aptémakxa ekpéwomo tén han ma'a amya'a ekmámnaqsoho nak, ektémól'a m'a nentétamáxchel'a.

Isaías 16:5

xama David aptáwen neptámen sa' etnehek wesse' apwányam, ekyennaqte apteme wesse' apwányam, ektaqmalma apwáxok. Etnehek sa' xama énxet segyekpelchémo meyke aptémakxa, ekha apcháyo, yaqwayam sa' elának ma'a aqsok ekpéwomo, ekmanyehe sa' nahan chá'a elánekxések ektémakxa apheykha m'a énxet'ák.

Isaías 28:6

egkések sa' nahan ekpéwomo apkeláneykegkokxa chá'a amya'a énxet'ák segyekpelchémo m'a kañe' sẽlyekpelchémókxa nak, egkések sa' nahan élyennaqte apkelwáxok ma'a sẽlpextétamo apmasma nak chá'a m'a tegma apwányam.

Isaías 33:5

Méko kayeykhágwomhok ma'a Wesse' egegkok, hakte aphegkek ma'a néten; cha'a apsawheyáseykekxoho ekpéwomo nentémakxa Sión ma'a tén han ektaqmalma nentémakxa,

Isaías 4:6

yaqwayam kaltaqmelchesek tén han kalmeyók; katnehek sa' pessesse apagkok apkenchesso chá'a m'a mayáhat ekmexanma tén han apkelyexanmomakxa chá'a m'a ekmámeka enxoho tén han éxchahakmo enxoho chá'a ekyennaqte.

Jeremías 33:14

Aptáhak Wesse' egegkok se'e: “Kammok sa' ekhem yaqwánxa alának sekpeywa ektaqmela séltennassama axta m'a énxet'ák Israel, tén han ma'a Judá.

Jeremías 33:15

Wokmek sa' agkok xa ekhem nak, wának sa' ko'o exek xama aptáwen neptámen apagko' ma'a David, etnehek sa' ekpéwomo apkelánekxésso apheykha énxet'ák ma'a apchókxa, tén han ekpéwomo aptémakxa.

Ezequiel 37:24

Séláneykha David sa' etnehek wesse' apwányam tén han wánxa xama keláneykha nepkések apagkok ma'a apyókxoho nak, hélyahakxohok sa' nahan chá'a ko'o m'a, elanagkok sa' nahan chá'a m'a segánamakxa ahagkok nak tén han ma'a séltémókxa nak chá'a etnahagkok.

Oseas 3:5

Keñe sa' natámen xa, elchexyók ma'a israelitas, elchetmok sa' Dios Wesse' apagkok, tén han ma'a David apteme nak wesse' apwányam apagkok, elyo'ótak sa' yetlo apkeláyo Wesse' egegkok amonye' ektemegwánxa néxa', tén han etegyagkok aqsok éltaqmela yaqwayam nak elmések.

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.