Isaías 31:9 - Biblia Enxet

⁹ yenyehek sa' eñama apkeye m'a wesse' apwányam Asiria keñe sa' ma'a sẽlpextétamo kelwesse'e apagkok nak eyenyók sa' aqsa apchókxa. Wesse' egegkok apxeyenma ekyetna táxa eyáléwe ekyawe m'a Jerusalén, yaqwayam kallegássesagkohok ma'a apkelenmexma nak.

Isaías 31:9 ပူးပေါင်းရင်းမြစ်များ

Isaías 10:16

Cháxa keñamak peya nak etnessásekxak meyke apkelwasqapma Wesse' ekha nak apyennaqte xa énxet'ák élyenneykha agko' nak apyempe'ék, elméxenchessesek sa' apyempe'ék máxa táxa élwatno sa' etnéssesek.

Isaías 10:17

Etnekxak sa' táxa eyáléwe m'a Dios aptaqmalma, apkelsássessóxma nak chá'a m'a Israel, xama ekhem agko' sa' nahan elwatnek tén han emasséssók ekyókxoho m'a yámet ekha nak am'ák tén han ma'a ekmompánaqma ekyetnama nak ma'a apchókxa.

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.

Isaías 13:2

“¡Kólchexen néten egkexe eyáxñeyo xama apáwa magkenatchesso peya kólempakha'! ¡Kólána' ektamagkok ma'a sẽlpextétamo! ¡Kólya'ásses néten kélmék yaqwayam sa' elántaxnegwók ma'a kelwesse'e nak atña'ák apagkok!

Isaías 17:13

Xama axta apkelpaqhetchesa ekyennaqte agko' ma'a Dios, makhawók axta apkelmahágkok apkelyexanma, axta aptamhágkok ma'a ektémól'a pa'at kalsók éxchahayam ma'a yókxexma, ektémól'a am'ák kalpexyawasagkok náxop kalsók ma'a éxchahayam ekyennaqte agko'.

Isaías 18:3

Kólwetak sa' kéxegke kélyókxoho kélheykha nak keso nélwanmeygkaxa, kélchexna sa' néten meteymog ekwenaqte étseksek ma'a aqsok magkenatchesso, kóllegak sa' nahan ma'a ekpáwà enxoho kélaqkahasso.

Isaías 26:1

Cháxa ekhem nak, sa' kalmeneykmasaxchek Judá s'e negmeneykmasso nak: “Yetneyk negko'o xama tegma apwányam apyennaqte egagkok; yaqwayam hẽlwagkasek teyp, aphaxtegkek Wesse' egegkok meteymog ma'a nepyáwa tén han ma'a ekyennaqtésso nak.

Isaías 27:7

Megkaxnawok apkellegassáseykegkoho Dios énxet'ák Israel ma'a ekweykenxa axta chá'a apkellegassáseykegkoho m'a apnaqtawáseykegkoho axta chá'a, megkaxnawok nahan chá'a apkelnapma m'a ektémakxa axta chá'a apkelnapma.

Isaías 30:33

Nanók agko' apkelánesso énxet'ák Asiria tén han wesse' apwányam apagkok ma'a ekyetnamakxa nak sẽllegassáseykegkoho ekmáske, ekyawe nak ekpayhakxa tén han ekmattawóneg, eyáléweykegkaxa nak ekyawe m'a táxa yetlo ekxámokma m'a yántapák. Wesse' egegkok apkennama sa' káléwaksek ma'a, máxa sa' katnehek ma'a ényél'a eyáléwe m'a aqsok ánek ekyátekto eyáléwomól'a.

Isaías 37:37

Tén axta Senaquerib, wesse' apwányam nak Asiria apleya appakxanma; aptaqháwók axta makham ma'a Nínive.

Isaías 4:4

Apxénchek sa' agkok yaqwánxa etnéssesek Wesse' egegkok ma'a, peya enxoho ellegássesagkoho', ényeyásekxak sa' éma éltexnémáxche nak ekyegkenamaxche m'a kañe' Jerusalén, elyenyessásekxak sa' nahan élpeysameykha nak élmanyása apyempe'ék ma'a énxet'ák apheykha nak Sión.

Isaías 5:26

Apya'ássek néten bandera m'a Wesse' egegkok, apkelmóhéssek nahan apkelwóneyncha'a m'a énxet'ák apheykha nak makhawo'; apkeltamhók elxegmak ma'a énxet'ák apheykha nak makhawók agko' keso náxop. Kaxwók sa' nahan elwak ma'a, ekmanyehe agko' sa' elwa';

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Levítico 6:13

Káléwha sa' chá'a néten ekwatnamáxchexa aqsok ma'a táxa. Megkaspónhek sa' chá'a.

Zacarías 2:5

Axta eyke aptáhak Wesse' egegkok se'e: Ko'o sa' eyke atnehek meteymog kélhaxta ekho táxa, nepyáwa m'a Jerusalén, keñe sa' ma'a nepyeseksa nak tegma apwányam axekmósek seyeymáxkoho.’”

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Deuteronomio 32:31

“Hakte apkelya'ásegkók ma'a sẽlenmexma nak, cham'a ektáha nak chá'a apkeltaqmelchesso, mogwanchek aghéshok ma'a ektáha nak chá'a negko'o sẽltaqmelchesso.

Deuteronomio 32:37

Tén sa' etnehek elának se'e: ‘¿Háxko élmahágkaxa m'a aqsok kéláyókxa nak chá'a, éltaqmelchessama nak chá'a, kélásenneykekxo nak chá'a,