Isaías 31:5 - Biblia Enxet

⁵ Sa' etnehek emyók Wesse' ekha nak apyennaqte Jerusalén ma'a ektémól'a náta, ekmasmal'a axagkok, émpeykhal'a m'a néten ekpayhókxa ekyetnakxa. Etaqmelchesek sa', ewagkasek sa' teyp, epasmok sa', emallahanchesek sa' aqsok ekmaso.”

Isaías 31:5 ပူးပေါင်းရင်းမြစ်များ

Génesis 1:2

Méko axta han ektémakxa enxoho sekxók ma'a xapop; wátsam ekwányam ekmattawóneg agko' axta aqsa, sawheykekxók axta ekyáqtessóxma, keñe axta Dios espíritu apagkok apkelteykencha'a néten yegmen.

2 Reyes 19:34

Amyók sa' ko'o s'e tegma apwányam nak, awagkasek sa' han teyp, eñama seyásekhayo m'a séláneykha David tén han seyásekhamaxchekxoho ahagko' ko'óxa.’”

2 Crónicas 32:22

Cháxa ektáhakxa axta apkelwagkasa teyp Wesse' egegkok ma'a Ezequías tén han ma'a apheykha nak Jerusalén, neyseksa apmáheyo elmok ma'a Senaquerib, wesse' apwányam axta m'a Asiria, keñe han neyseksa apmáheyo elmok ma'a apyókxoho pók apkelenmexma nak, meyke ektáhakxa apheykha axta aptemessásak ma'a apyókxoho apheykha nak nepyáwa'.

Salmos 37:40

Epasmok chá'a Wesse' egegkok elmallahanchesek. Elegketchesek chá'a m'a élmasagcha'a nak apkeltémakxa, tén han elwagkasek chá'a teyp, hakte apkelye'eykekxeyk chá'a aptegyeykencha'a élmasma m'a.

Salmos 46:5

Aphegkek Dios xa kañe' nak, megyohók sa' katnégwomhok exma; Dios sa' nahan chá'a epasmok ma'a élsaka enxoho.

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Salmos 91:4

eláhakkasek sa' chá'a m'a apxempenák, méko sa' katnehek apha m'a kóneg. ¡Máxa negáhakkásamaxche sa' katnehek kamyók ma'a ektémakxa nak mehenyenyaweykha!

Éxodo 12:27

Sa' kóltéhek kólátegmowagkokxak kéxegke s'e: ‘Keso aqsok kéltósso ekmatñà ekhem mólwagqayam Pascua, eñama m'a Wesse' egegkok. Hakte cham'a apkelnapa axta egipcios, apkelyeykhágkek axta aqsa chá'a apxanák ma'a israelitas apheykha axta m'a kañe' Egipto, keñe axta apkelweykmo negko'o teyp ma'a neghawóxama.’” Tén axta apkelháxahánto m'a israelitas apkelpeykásawo.

Éxodo 19:4

‘Kélweteyak kéxegke sekteméssessamakxa axta ko'o m'a egipcios, tén han ma'a ektémakxa axta seknaqleykento ko'o kéxegke m'a sekhakxa nak, máxa axta kéltemék kélxegeykmo m'a ektémól'a náta ekyawe kaxnésha néten axempenák ma'a étkók.

Isaías 10:14

Élmeyk ko'o aqsok apagkok ekxámokma nak ma'a énxet'ák, ahagkok ektáhak ma'a ekyókxoho xapop, máxa m'a énxet apkellexchágwayam la'a náta axagkok elmok ma'a appok neyseksa megkótéyák, méko axta xama enxoho élyeykáseykha axempenák, méko axta xama enxoho ekmayheykha tén han ekpayheykha átog.”

Isaías 26:1

Cháxa ekhem nak, sa' kalmeneykmasaxchek Judá s'e negmeneykmasso nak: “Yetneyk negko'o xama tegma apwányam apyennaqte egagkok; yaqwayam hẽlwagkasek teyp, aphaxtegkek Wesse' egegkok meteymog ma'a nepyáwa tén han ma'a ekyennaqtésso nak.

Isaías 27:3

Ko'o chá'a séláneykha xa, sektáha nak Wesse', yókxoho ekhem chá'a sekyásseséyak. Yókxoho ekhem chá'a sektaqmelchesso tén han yókxoho axta'a, yaqwayam enxoho megkóltawasha.

Isaías 35:4

kólteme kólának énxet'ák eyeye nak chá'a apkelwáxok se'e: “¡Kólwasqápekxoho, nágkólé'! ¡Keso Dios kélagkok se'e yaqwayam elwagkasek teyp, ellegássesagkohok sa' ma'a kélenmexma ekpayhawo nak yaqwayam ellegássesagkoho'!”

Isaías 37:35

Amyók sa' ko'o s'e tegma apwányam nak, awagkasek sa' nahan teyp, eñama seyásekhayo m'a séláneykha David tén han seyásekhamaxchekxoho ahagko' ko'óxa.’”

Isaías 38:6

Awagkasek sa' ko'o exchep teyp tén han Jerusalén neyseksa apmáheyo emok ma'a wesse' apwányam Asiria. Amyók sa' ko'o s'e tegma apwányam nak.’”

Zacarías 9:14

Exekmósakpohok sa' Wesse' egegkok nepyeseksa m'a énxet'ák apagkok; máxa takha' apkelyenma sa' etnéssesek yágke aktek apagkok elyáta'. Epáwaksek sa' apchaqkahasso m'a Dios Wesse' egegkok, keñe sa' exog neyseksa éxchahayam ekyennaqte agko' eñama nak nepyeyam.

Zacarías 9:8

Alanha sa' eyke chá'a ko'o yaqwayam almeyók ma'a ektáha nak chá'a ahagkok, waksek ma'a apyókxoho ektáha nak chá'a apkelyeykhágwe s'e. Kamaskok sa' enaqtawasagkohok kaxwók ma'a ektáha nak chá'a apnaqtawáseykegkoho, hakte ko'o ahagko' kaxwók séláneykha m'a.”

Deuteronomio 32:11

Axta aptemék Wesse' egegkok apkelpeykessama apmék tén han apkelmoma tén han apkelpatmeykekxo m'a ektémól'a náta ekyawe kampaha m'a ekpayhókxa ekyetnakxa axagkok tén han kalxekmósek élchampe m'a étkók.