Isaías 30:30 - Biblia Enxet

³⁰ Eltamhok sa' kañexchek appeywa eyeymáxkoho nak ma'a Wesse' egegkok, exekmósek sa' nahan apmopwána, cham'a peya nak elának yetlo aplómo apagko', yetlo m'a táxa eyáléwe élwatnamo nak aqsok, tén han takha' aplo yetlo ekmámeye tén han yegmen élyennaqte.

Isaías 30:30 ပူးပေါင်းရင်းမြစ်များ

Job 38:22

¿Apweykmeya han ma'a seknegkenmakxa nak yeyam appok tén han yegmen élyennaqte

Job 38:23

seyáphassamól'a chá'a ko'o ekwa'a enxoho ekhem ekmaso, tén han kempakhakma?

Job 40:9

¿Apmeyhek enxeykel'a exchep, sektéma nak ko'o? ¿Kaxtegyawhoya exchep xa appeywa ektéma nak ko'o?

Salmos 2:5

keñe apkeltaqnaweygko apkelyegwakkasa, aplókók apagko' aptáha apkeláneya s'e:

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Salmos 98:1

¡Kólmeneykmásses Wesse' egegkok, axnagkok negmeneykmasso, hakte apkeláneyak ma'a aqsok sempelakkasso nak agweta'! ¡Apmallanegkek yetlo ekyawe agko' apmopwána, tén han apyennaqte ekteme nak ekpagkanamaxche'!

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Éxodo 9:23

Apya'ássek axta apmek néten Moisés, tén axta Wesse' egegkok apcháphasa takha', yetlo apkelyenma tén han ma'a yegmen élyennaqte neyseksa xa xapop nak. Axta aqsa nahan aptegkásak yegmen élyennaqte m'a ekyókxoho kañe' Egipto.

Éxodo 9:24

Meyke néxa axta nahan entáhak ektéyam ma'a yegmen élyennaqte nak tén han ma'a takha' aplo. Maxta nahan kaxnémok chá'a ektéyam Egipto m'a ekwánxa axta ektéyam yegmen élyennaqte élyawe ekyennaqte agko'.

Isaías 10:16

Cháxa keñamak peya nak etnessásekxak meyke apkelwasqapma Wesse' ekha nak apyennaqte xa énxet'ák élyenneykha agko' nak apyempe'ék, elméxenchessesek sa' apyempe'ék máxa táxa élwatno sa' etnéssesek.

Isaías 10:26

Ellegássesagkohok sa' ma'a Wesse' ekha nak apyennaqte, ekhawo apteméssesakxa axta apmenxena m'a énxet'ák Madián, cham'a Oreb meteymog nak, exekmósek sa' nahan apmopwána yenmexek ma'a énxet'ák Asiria, ekhawo aptémakxa axta apxekmóssama apmopwána apkelenmexma m'a énxet'ák Egipto.

Isaías 10:5

“¡Wesse' apwányam Asiria! Cha'a apteme yámet seklo nak ko'o m'a séllegassáseykegkoho nak chá'a, yámet sekmeykha nak chá'a m'a seklawa enxoho.

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Isaías 30:29

Keñe sa' kéxegke, kólmeneykmaksek, ektémól'a kalanaxchek kélessawássessamo ektaqmalma axta'a; kalpayhekxak sa' kélwáxok, máxa sa' kóltéhek ma'a aptémól'a énxet apkelpáwassól'a yámámok neyseksa apkelxega elmahagkok ma'a Wesse' egegkok egkexe apagkok, apkelyexanmomakxa nak ma'a énxet'ák Israel.

Isaías 30:31

Elyegweyk sa' énxet'ák Asiria apkelleg'a sa' appeywa m'a Wesse' egegkok, tén han apkellegassásegkoho sa',

Isaías 31:4

Aptáhak seyáneya Wesse' egegkok se'e: “Sa' etnehek éxyók Wesse' ekha nak apyennaqte epásegwaták énxet'ák apagkok apheykha nak Sión ma'a ektémól'a xama méwa eyaqhél'a xama nepkések, megkayél'a eyaqmaksek ma'a ektáha nak apkeláneykha, megkahaxanmal'a apxámokma yaqnekxak keláneykha nepkések eltamhok égwakkasek elwónchesek.

Isaías 32:19

kóláxñásekxohok sa' eykhe m'a naxma nak, kóltegkesek sa' eykhe nahan ma'a tegma apwányam nak.

Isaías 33:14

Apkelpexyennegkek éltamheykha apkelwáxok énxet melya'assáxma m'a Sión, apkelyegwakkók apagkók ma'a énxet'ák élmasagcha'a nak apkeltémakxa, aptáhak apkelpaqmeta s'e: “¿Yaqsa enxama negko'o apwanchek exek neyseksa m'a táxa ekmassesseykmoho nak aqsok, cham'a eyáléwe ekyawe meyke néxa nak?”

Isaías 4:6

yaqwayam kaltaqmelchesek tén han kalmeyók; katnehek sa' pessesse apagkok apkenchesso chá'a m'a mayáhat ekmexanma tén han apkelyexanmomakxa chá'a m'a ekmámeka enxoho tén han éxchahakmo enxoho chá'a ekyennaqte.

Isaías 51:9

Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Isaías 66:16

Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Jeremías 25:32

Aptáhak Wesse' ekha apyennaqte s'e: “Katekxeyagkohok sa' mók kawak aqsok ekmaso m'a xama apkelókxa, tekkek éxchahayam ekyennaqte agko' eñama m'a néxa xóp nak.”

Ezequiel 10:5

Wokmók axta nahan eklegamaxkoho apkelpáwasso apxempenák apho nak énxet ekha apxempenák ma'a yókxexma, ekyawakxa nak apwáxok ma'a tegma. Máxa axta entáhak ma'a ektémól'a elpaqmétek ma'a Dios ekha nak apyennaqte.

Ezequiel 13:13

Cháxa keñamak sektáha nak ko'o sekpeywa s'e, sektáha nak Wesse': Neyseksa seklo sa' ko'o wának katyapok éxchahayam ekyennaqte agko' ekho samaxche'; neyseksa seklo sa' nahan wának kammék ekyawe agko' tén han katyamok yegmen élyennaqte ekho meteymog, yaqwayam sa' amasséssók apyókxoho yetlo seklo.

Joel 2:5

máxa axta han yátnáxeg apkelyenyawasso éxtegyawasso kélanchessól'a kempakhakma apkextegyawasso apkelnextega enxoho m'a néten nak egkexe, máxa axta m'a yámet áwa' apák élenmagéyak la'a kalwatnek táxa. Máxa axta m'a sẽlpextétamo apkelyennaqte apkeleyweykekxal'a apkelxega kempakhakma.

Amós 1:14

Cháxa keñamak peya nak ko'o awatnek ma'a kélhaxtegkesso nak tegma apwányam Rabá, kamasséssessók sa' tegma apkelyawe apagkok xa táxa nak, neyseksa élpayheykha apatña'ák énxet'ák kempakhakma, tén han éxtegyawà ektémól'a éxchahayam ekyennaqte.

Miqueas 1:4

Kalpayhekxak sa' chá'a egkexe apkelteyagwánxa enxoho ektémól'a pápa' kólpekkenek ma'a nátex, kalmayhekxak sa' chá'a neyseksa m'a élyapwátegweykenxa nak xapop, ektémól'a yegmen ényé ekyennaqte élpexyaweykental'a.

Josué 10:10

Wesse' egegkok axta apmeyásak ekyawe agko' apkelyegwakto amorreos apkelwet'a m'a énxet'ák nak Israel. Axta keñamak apkelnapa apxámokma apagko' énxet'ák Josué m'a Gabaón nak. Keñe axta apmenxena han ma'a ámay ekmahéyak nak Bet-horón. Apkelnápegkek axta amorreos ma'a ekweykmoho yókxexma nak Azecá tén han ma'a Maquedá.

Josué 10:11

Apkelántepók axta aqsa amorreos ma'a ekweyweykentamxa nak ma'a Bet-horón, neyseksa apmenxenma m'a énxet'ák Israel, keñe axta Wesse' egegkok apkexénto nepyeseksa yegmen élyennaqte élyawe agko', apxámok axta élnapa m'a amorreos, axta kaxnawok ekwánxa axta élnapma sókwenaqte apagkok ma'a énxet'ák nak Israel.

1 Samuel 7:10

Axta han epenchásawok apkelane Samuel ma'a aqsok apwatno, apchágketchessa'a filisteos yaqwayam ektámegmak ma'a israelitas; keñe axta Wesse' egegkok apyenyénto éxtegyawà ekyennaqte agko' nepyeseksa, kelyegwakkassek axta, keñe axta apkenyahágko m'a filisteos.