Isaías 30:2 - Biblia Enxet

² Apkelmeyákxeyk ekpekhe agko' ma'a Egipto, keñe ko'o méko sélpaqhetchásamákpoho; apkelya'aweykxeyk apkeltamho elmeyók ma'a faraón, apkelhákxeyk ma'a kañe' Egipto apkeltamho elmeyawakpok.

Isaías 30:2 ပူးပေါင်းရင်းမြစ်များ

1 Reyes 22:7

Apkelmaxneyáha axta han ma'a Josafat: —¿Mékoya han pók Dios appeywa aplegasso s'e yaqwayam enxoho han ólmaxneyha?

2 Reyes 17:4

Apyekpelchágwokmek axta eyke Salmanasar apyexamakpoho apmáheyókxa etnéssesek Oseas apmáheyo yenmexek, keñe han apkeláphassama apkelxegexma'a aphakxa m'a So, wesse' apwányam nak Egipto, tén han apweteya ekmassama apyánmagkasso chá'a aqsok yókxoho apyeyam. Tén axta Salmanasar apkeltémo emakpok Oseas tén han kólaqxegkesek kañe' negmomaxchexa';

2 Reyes 18:21

Ekweteyak ko'o exchep apchásenneykekxo m'a Egipto. Máxa eyke yámámok énté m'a Egipto, aptasqapáha agkok xama énxet, kalyetxa', kamallahanwomhok nahan apmek. Cháxa apteméssessamakxa apyókxoho ektáha nak chá'a apyepetchegwayam ma'a faraón, wesse' apwányam nak ma'a Egipto.

Isaías 16:3

Aptáhak apkeláneya apheykha nak Sión se'e: “Kóllánekxa yaqwánxa kóltéhek yaqwayam hẽlmeyók negko'o, kólteme segmasma negko'o. Hegáhakkas pessesse kélagkok ektáhakxoho yetseksók ekhem, ektémól'a m'a axta'al'a; elmés apkelyexanmomakxa m'a énxet'ák kélnaqleykekxa nak megkatnahakxa apkelókxa. Nágkólpelakkasses aqsa kólának elmakpok ma'a énxet'ák apkelxegányam nak.

Isaías 18:1

¡Apchókxa laye, élpáweykegkaxa nak axempenák askok, apchókxa ekyetnama nak ma'a teyp agko' nak wátsam Etiopía,

Isaías 36:6

Ekweteyak ko'o exchep apchásenneykekxo m'a Egipto. Máxa eyke yámámok énté m'a Egipto, aptasqapáha agkok xama énxet, kalyetxa', kamallahanwomhok nahan apmek. Cháxa apteméssessamakxa apyókxoho ektáha nak chá'a apyepetchegwayam ma'a faraón, wesse' apwányam nak ma'a Egipto.

Isaías 36:9

Mopwanchek xép emenxenek sẽlpextétamo asirios mékcha'awo apagko' nak, ¿apkelhaxneyk enxeykel'a exchep elxawak yátnáxeg tén han yaqwayam nak elchántek apkeleñama m'a Egipto?

Isaías 8:19

Megkatnehek sa' metne elának kéxegke énxet'ák se'e: “Kólpaqhetchesaxkoho m'a apkelhagák axta énxet'ák apkeletsapma tén han apkelyohóxma apkelyexchásamákpoho nak chá'a elpaqmétek, melyennaqtésso nak chá'a apkelpeywa. ¡Apyókxoho énxet chá'a elpaqhetchesakpohok ma'a aqsok apcháyókxa tén han elmaxnéssesek chá'a eyeyméxchexa etnahagkok énxet'ák apkeletsapma m'a énxet'ák meletsapma nak

Jeremías 2:18

¿Yaqsa kagkések kéxegke kólmeyekxak Egipto kólyahagwakxak yegmen ma'a wátsam Nilo? ¿Yaqsa kagkések kéxegke kólmeyekxak Asiria kólyahagwakxak yegmen ma'a wátsam Éufrates?

Jeremías 37:5

Apkelántekkek axta apkelxegakmo faraón sẽlpextétamo apagkok apkeleñama m'a Egipto. Xama axta apkelleg'a amya'a m'a caldeos apketámeyak axta Jerusalén, apkelántekkek axta apkeltaqháwo.

Jeremías 42:14

kéltáha enxoho kélpeywa s'e: ‘Negmakók eyke negko'o ólmeyekxak ma'a Egipto, peyakxa sa' magwetyek kempakhakma, tén han manlegyek élpáwá m'a kélaqkahasso, tén han móletsepek meyk sẽlnapma,’

Jeremías 42:2

ma'a Dios appeywa aplegasso Jeremías, axta aptáhak apcháneya s'e: —Peyk negko'o exchep ólmaxnak xama aqsok; hẽlyahakxoho sa': Hẽlmaxnésses negko'o Dios Wesse' apagkok, néleymomáxche nak egqántawo'. Nenxámók axta eykhe negko'o, egqántawók eyke kaxwók néleymomáxche', ekhawo ektémakxa nak xép apwet'a.

Jeremías 42:20

Awanhók agko' kéxegke megkólaqhémo kéltáhakxa peya nak kalsexnena', hakte kéxegke kélagkók axta kéltémo ay'ókxések ma'a Dios Wesse' kélagkok, axta kéltáhak séláneya s'e: ‘Hẽlmaxnésses negko'o Dios Wesse' egagkok, hegya'ássesagkoho sa' nahan ekyókxoho m'a aptáhakxa enxoho apcháneya, yaqwayam enxoho negko'o anlána'.’

Jeremías 43:7

Apyókxoho axta apkelmaheykegkok ma'a Egipto, meyke apkelyaheykekxoho m'a Wesse' egegkok, apkelweykmók axta m'a tegma apwányam Tafnes.

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Oseas 7:13

“¡Asagkek sa' katnehek ektáhakxa eñama seyamasma! Káhapwak sa' kélmassésseyam, hakte élenmexeykekxeyk ko'o. Émenyeyk eykhe ko'o alwagkasek teyp ma'a, apkelmopwancha'a amya'a eyke chá'a aptamheykegkok sénmexma ko'o.

Oseas 8:10

Elmések sa' eykhe aqsok apkelmésso naqsa nepyeseksa m'a pók énxet'ák nak, waxpánchesek sa' eyke ko'o, kanéwhok sa' han metépeykekxa apkelwesse'e apkelwányam, tén han apkelámha apmonye'e apagkok.

Oseas 8:9

eñama apkelye'eykekxa m'a Asiria, máxa m'a yámelyeheykok ekmeymente ekyennaqtél'a ayespok. ¡Apkelméssegkek aqsok apkelmésso naqsa Efraín yaqwayam elmok ma'a apkelásekhayókxa nak!

Números 27:21

Ey'ókxak sa' nahan Josué m'a apkelmaxnéssesso Dios énxet'ák apagkok Eleazar, keñe sa' Eleazar hélmaxneyha ko'o emha apwesey, emha m'a Urim. Josué sa' eyke eltennaksek chá'a apkeltamhókxa etnahagkok israelitas ekyókxoho aqsok apkelánegkaxa enxoho chá'a.

Deuteronomio 28:68

Apkeltennassegkek axta eykhe Wesse' egegkok meltémo kólmeyekxak makham ma'a ámay ekmahéyak nak Egipto, yántakpayhe sa' eyke yának kólchántek kólmeyekxak makham ma'a, keñe sa' eltennaksek elmeyásekxak ekha ekyánmaga m'a kélenmexma nak yaqwayam etnehek apkelásenneykha naqsa; méko sa' eyke xama énxet enxoho yepmenyéhok elmekxa'.”

Josué 9:14

Aptókagkek axta énxet'ák Israel aptéyak axta m'a énxet'ák nak Gabaón, axta eyke elmaxneyáha m'a Wesse' egegkok.

Jueces 9:15

Tén axta yámet ekha nak am'ák ektáha éláneya, kélmenyeyk sa' agkok atnehek wesse' apwányam kélagkok, kélyókxoho sa' kólhakha chá'a kóneg pessesse ahagkok; megkólmenyeyk sa' agkok atnehek wesse' apwányam kélagkok, atekkesek sa' táxa yaqwayam kalwatnek ma'a ekyókxoho cedro yámet élaqnéyak nak Líbano.