Isaías 3:7 - Biblia Enxet

⁷ Keñe sa' ma'a pók etnehek yátegmowagkokxak se'e: “Mowanchek ko'o alánekxak xa aqsok ekmaso nak, méko ko'o sekto m'a exagkok, méko nahan ma'a sélnaqta yaqwayam enxoho alántaxnekxa'. Náhéltemésses wesse' nepyeseksa xa énxet'ák nak.”

Isaías 3:7 ပူးပေါင်းရင်းမြစ်များ

Génesis 14:22

Aptáhak axta apchátegmowágkokxo Abram se'e: —Naqsók ko'o ektemessásak Wesse' egegkok, Dios meyke nak ekhémo, ektáha nak apkelane néten tén han keso náxop,

Isaías 58:12

Énxet'ák apagkok sa' elánekxak makham ma'a tegma aphopák appalleyam nak, exegkásekxak sa' makham ma'a tegma apowhók nanók kéllane axta. Eltamhakpok sa' énxet'ák apagkok: ‘apkeláneykegkokxa meteymog kélhaxta nepyáwa tegma élyaqnenéyak’, ‘apkeláneykegkokxa tegma appalleyam’.

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Lamentaciones 2:13

¿Yaqsa ko'o ewanchek axnésho essenhan eytchásekxohok xeye' Jerusalén ektaqmalma? ¿Yaqsa ewanchek eytchásekxohok yaqwayam ataqmelchessásekxak awáxok xeye' Sión ektaqmalma meyke nak kélteméssesseykmoho exma'? Awanhók agko' ektémakxa kélmassésseyam, máxa m'a wátsam ekwányam; ¿yaqsa awanchek kataqmelchessók?

Ezequiel 34:4

Megkólpasmók chá'a kéxegke m'a nepkések apkelyelqamákpoho nak, megkóltaqmelcháseykekxak chá'a m'a apkelháxamap nak, megkólpextehetcháseykegkok nahan chá'a m'a ekhakxa nak chá'a énté apyók, megkólnaqlósaweykekxak chá'a m'a apkelyetnakhágwayam nak chá'a, megkólchetamsók chá'a m'a apkelxegányam nak chá'a, kélnápeykha aqsa chá'a yetlo meyke apkelmopyósa kéllányo.

Oseas 5:13

“Apwet'ak sa' agkok Efraín apháxekpo, apwet'ak sa' agkok apkelyense m'a Judá, emhagkok sa' Efraín ma'a Asiria etegyaha yaqwayam epasmok ma'a wesse' apwányam ekyawe nak kéláyo, mopwanchek sa' eyke eltaqmelchessók, mopwanchek sa' han eltaqmelchessessók ma'a apkelyense nak.

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Joel 1:16

Negaqta'awók negko'o ẽlyementamágkok nentéyak, massegwokmek élpayheykekxa egwáxok ma'a Dios egagkok nak tegma appagkanamap apagkok.

Deuteronomio 32:40

Ekya'ássek sa' agkok ko'o néten émek, ekxénchek sa' agkok ekmámnaqsoho agko' sektáha mamassegwayam,