Isaías 3:26 - Biblia Enxet

²⁶ Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Isaías 3:26 ပူးပေါင်းရင်းမြစ်များ

Job 2:13

Tén axta apháncha'a náxop xamo' ma'a Job, siete ekhem axta han apheykha m'a, tén han siete axta'a, meyke apkelpaqmeyesma xama enxoho, hakte apkelwet'ak axta ekyentaxno agko' aplegeykegkoho m'a Job.

Job 2:8

Tén axta apxega Job aphakmo m'a nekha nak kélchexakhamakxa aqsok apák, apmeyk axta xama weygke appaqxo yaqwayam elyensekkesek chá'a apyempehek.

Isaías 14:31

¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.

Isaías 29:2

wának sa' eyke ko'o ewakhakpok ma'a Ariel, keñe sa' katyapok nenlekxagweykha tén han negápentega nenlegeykegkoho ekmáske m'a kañe'. Naqsók sa' ko'o atnéssesek aphawo tegma apwányam ma'a kélwatnamakxa nak chá'a aqsok ekwesey nak Ariel.

Isaías 32:14

Etaqmopagkok sa' ma'a tegma apyawe aptaqmalma nak; meyke xama aqsok sa' katnekxak ma'a tegma apwányam, apheykegkaxa nak apxámokma énxet; kataqmopagkohok agko' sa' ma'a kélhaxtegkesso ekyennaqte nak nepyáwa; kalkohok sa' awáxok kallawha yámelyeheykok nawha'ák ma'a, katawagkok sa' nahan pa'at kélnaqtósso m'a.

Isaías 33:9

Kesagkék ma'a xapop yaqhapchek nahan exma, kelyameygkek aqsok naxma m'a Líbano, kelyetcheyk áwa' yenta'a, yókxexma ekyamayéxma tamhákxak ma'a ekyapwátegweykenxa nak xapop Sarón, meyke xama aqsok entamhákxak ma'a yókxexma Basán tén han ma'a egkexe Carmelo.

Isaías 47:1

“Kelán'a étkok Babilonia meyke nak makham atáwa', katyep, kaxa néten yagkamex; katyep néten ektaháno ekyawe, kelán'a étkok Caldea, kaxa náxop, hakte kamaskok sa' kaltamhaxchek kaxwók xeye' ektaqmalma tén han ektaqmalma émpehek.

Isaías 6:11

Ektáhak axta ko'o sélmaxneyeyncha'a s'e: Wesse', “¿Háxko sa' ekwánxa ekhem kawomhok xa?” Aptáhak axta seyátegmowágkokxo s'e: “Sa' kawomhok ma'a kélmasséssekmo tegma apkelyawe, aptáha sa' meyke apagko' énxet apheykha m'a kañe'; tén han ekwokmoho sa' aptamhákxo meyke apagko' énxet ma'a tegma, tén han ektamhákxo meyke xama aqsok ma'a yókxexma,

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 15:8

Ekxámásekxeyk nahan nepyeseksa m'a kelán'a tampe, yeykhásseykmók ma'a ekweykenxa nak ekxámokma yagkamex ekhéyak neyáwa wátsam ekwányam. Yetseksók ekhem agko' axta ko'o élnápak ma'a chána yetlo étchek wokma'ák nak makham; ekpelakkassessek axta seyhe éltamheykha awáxok, tén han élaye.

Lamentaciones 1:1

¡Apxakkók apagko' aptamhákxak ma'a tegma apyawe apláneyo axta chá'a énxet'ák! ¡Aphágwakxók kelán'a tampe' m'a tegma apyawe apagkok nak énxet'ák! ¡Kélméssegkek ekyentaxno ektamheykha m'a apchókxa ektaqmalma nak!

Lamentaciones 1:4

¡Yaqhapmók exma m'a ámay nak Sión! ¡Méko xama énxet apye'eykekta kélessawássessamo! Meyke énxet aptáhak ma'a atña'ák nak tegma apyawe, apkellekxagweykha m'a apkelmaxnéssesso nak Dios énxet'ák apagkok, kelyaqhápeyha awáxok ma'a kelán'a étkók, legágkók ekmáske m'a Jerusalén.

Lamentaciones 2:10

Apkelwanmeyágkek aqsa apheyncha'a náxop ma'a apkelámha apmonye'e nak Sión, apkelexpaqha'ak chá'a apqatkok xapop, apkelántaxneykxeyk han apáwa sẽlwáxaqxamo nak. Kelháxahágkek ekwokmoho éltekxeya naqta'a xapop ma'a kelán'a étkók nak Jerusalén.

Lamentaciones 2:8

Apxeyenmeyk axta Wesse' egegkok elyaqnegkesek ma'a kélhaxtegkesso nak Sión. Apkelyetsátegkek axta yaqwánxa emasséssók, apkelanak axta han meyke apkelwátesseyam. Apkelyaqnegkásegkek axta m'a nápakhaw'ék tegma tén han ma'a kélhaxtegkesso, apkellapwagkásegko axta aptémól'a énxet, apheyásawók axta mók apkelyaqnegkesso.

Ezequiel 12:20

Kólmasséssók sa' apyókxoho tegma apkelyawe apheykegkaxa nak chá'a énxet; meyke xama aqsok sa' katnekxak ma'a apchókxa. Keñe sa' kólya'ásegwók kéxegke sektáha ko'o Wesse'.’”

Ezequiel 26:16

Elántépok sa' néten apkeltaháno élyawe apheykegkaxa nak chá'a m'a apyókxoho kelwesse'e apkelwányam apheykha nak neyáwa wátsam ekwányam, elhaxyawasagkok sa' ma'a apkelaqlamap nak chá'a tén han ma'a apkelántaxno apkeltaqmalma nak chá'a kélótma; exnakha sa' náxop yetlo ekyawe agko' apkelyegwakto, yókxoho ekhem sa' katnehek apkelpexyennama tén han apkelyegwakto apkelwet'a enxoho chá'a.

Miqueas 1:9

Hakte megkataqmelwomek ma'a ekyense nak Samaria: wákxók han ma'a Judá tén han ma'a Jerusalén, tegma apwányam apheykegkaxa nak énxet'ák ahagkok.