Isaías 3:23 - Biblia Enxet

²³ tén han ma'a nélanyantáxama agkok, tén han ma'a apáwa apkeláxñe apkelexyawe agkok nak, tén han ma'a élatchesso akqatkok, tén han ma'a apáwa élpextete nak chá'a akqatkok.

Isaías 3:23 ပူးပေါင်းရင်းမြစ်များ

Génesis 24:65

axta entáhak elmaxneyeyncha'a kélásenneykha s'e: —¿Yaqsa énxet apxegakmo nak yókxexma apmeyókmo nak se'e negchaqnágkaxa? —Ko'o wesse' ahagkok xa —axta aptáhak apchátegmowágko kélásenneykha. Yetlókok axta han eyáhakkáseykekxa nát apáwa.

Génesis 41:42

Aplekkek axta apketchesso apophék faraón apmeykha axta chá'a apkelqahasso, apketchessessek axta apophék ma'a José. Keñe axta apkeltamho kólántaxneyásekxak apáwa apkelexyawe apkeltaqmalma, tén han kólnatmeyásekxak ma'a apnatanma sawo ekyátekto ekmomnáwa.

1 Crónicas 15:27

Xama apáwa apkeláxñe axta aptaxneykxak ma'a David, ekhawo han ma'a apyókxoho levitas ektáha axta apseykenta m'a yántéseksek nak, tén han ma'a apkelmeneykmasso, keñe han ma'a Quenanías, ektáha axta apxegkesso kélmeneykmasso; apáwa apyaqwate apkelyenma apkexyawe efod axta han aptaxnékxak ma'a David.

Éxodo 38:8

Apkelanak axta nahan sokpayhe ekwányam sawo ekyexwase Besalel ma'a nélanyantáxama agkok axta m'a kelán'ák éltamheykha axta chá'a m'a átog nentaxnamakxa nak kélpakxanma apchaqneykekxexa nak chá'a énxet'ák, yetlo m'a awhak ekyennaqtéssamakxa nak ekhawo nahan ma'a ektéma nak sawo ekyexwase.

Cantares 5:7

Éltahanya'awók axta m'a apkeltaqmelchesso axta m'a tegma apwányam apkelhaxnenchámeykha axta chá'a m'a nepyáwa'; etekpagáha axta, eyensássek axta nahan; ¡apkelyennaqtéssek axta apyempe'ék sémentama seyaqlamaxche m'a apchaqneykha axta chá'a m'a nentaxnamakxa nak tegma apwányam!

Isaías 3:22

tén han ma'a élántaxno apkeltaqmalma apagko' nak, tén han ma'a élaqlamaxche', tén han ma'a apho nak tetéyespok élaqlamaxche', tén han ma'a nahápa agkok nak chá'a,

Isaías 3:24

Kampak sa' ekpaqneyam ekmanyása ekyaqmageykekxa m'a sokmátsa; keñe sa' éltétamáxche katnehek ekyaqmageykekxa m'a táma'; keñe sa' ma'a éltaqmalma nak chá'a áwa', kayaqmagkasek ma'a meyke áwa' akqatkok; keñe sa' élántaxno apkelexyawáyól'a, etnehek apyaqmageykekxa m'a apáwa sẽlwáxaqxamól'a; keñe sa' ma'a éltaqmalma nak, kayaqmagkasek kélqaháseyak.

Isaías 47:2

Kama meteymog ektekxekxo nak chá'a aqsok aktek katekxek hótáhap apaktek, kalek eyapma nak nát apáwa apkexyawe, kayaqsásekxa ekyekma kanegken yáxña'akxoho ayay'ák, kayeykhekxa náxop ma'a neyseksa wátsam;

Ezequiel 16:10

ektaxneyásekxeyk axta m'a apáwa apkeltaqmalma apagko' nak aptáxama, élatchessáseykxeyk axta nahan amagkok ma'a éltéto amagkok élexyawáyo nak aqsok émpehek; ekméssek axta nahan xama ektétamáxche m'a apáwa apkelaxñeyól'a tén han xama ektaxno éxyawél'a kélótma;

Zacarías 3:5

Yetlókok axta nahan apkeltémo yetchessesek apketchesso apqátek ekmópeyo Josué m'a appasmeykha axta chá'a aptamheykha. Apketchessessek axta nahan ma'a, tén axta apkelántaxneyáseykxo nahan ma'a apáwa apkeltaqmalma apagko' nak. Apkenmáha axta aqsa makham Dios apchásenneykha m'a.

Rut 3:15

Tén axta aptáha apcháneya s'e: —Kasanta hana sekxók xa eyaqlamaxche nak, kapeykes, keynnaqtes sa' ekméyak nápakha'. Peykessek axta Rut ma'a eyaqlamaxche nak, tén axta Booz appalchessesa xama yágkentamáhak ekláneyo m'a hótáhap apaktek. Appasmeyk axta anhan Booz apya'ássesa néten éxna akpok ma'a ekseykha, tén axta ekmeyákxo makham ma'a apyawakxa tegma.