Isaías 3:2 - Biblia Enxet

² Elántekkesek sa' ma'a énxet'ák apkelyennaqte nak, tén han ma'a kempakhakma yapmeyk nak, tén han ma'a énxet'ák segyekpelchémo nak, tén han ma'a apkellegasso nak amya'a, tén han ma'a apkelya'áseykegkoho nak aqsok ekpowásamáxche', tén han ma'a apkelámha apmonye'e nak,

Isaías 3:2 ပူးပေါင်းရင်းမြစ်များ

1 Crónicas 9:1

Cháxa ektémakxa axta eknaqtáxésamaxko apkelwesey apyókxoho énxet'ák Israel ma'a weykcha'áhak apagkok axta m'a apkelwesse'e apkelwányam axta m'a Israel. Apkeltémakxa élmasagcha'a axta keñamak kélántekkessama apkelókxa énxet'ák Judá kélya'assama m'a Babilonia.

Salmos 74:9

Massék kaxwók nélwet'a m'a aqsok élpagkanamaxche' nélmeykegkaxa nak chá'a ólpeykesho'; méko kaxwók xama enxoho m'a aplegasso nak appeywa, magya'ásegkok han yaqwánxa katnégwók néxa xa.

Isaías 3:3

tén han ma'a sẽlpextétamo apkelámha apmonye'e nak, tén han ma'a kelwesse'e ekha nak kéláyo, tén han ma'a appékessáseyak nak chá'a apnámakkok, tén han ma'a ekha apmopwancha'a nak, tén han ma'a apkelyohóxma nak,

Ezequiel 17:12

“Elmaxneyha hana sa' énxet'ák élyennaqte nak apkelwáxok apkelya'ásegkók kexaha ekyetchesamaxkoho s'e aqsok kélyetcháseykekxoho nak. Etne sa' elának se'e: ‘Apmeyáyekmek axta Jerusalén ma'a wesse' apwányam Babilonia tén axta apmoma m'a wesse' apwányam nak Judá, yetlo m'a apkeláneykha, apnaqleykekxeyk axta m'a Babilonia.

Ezequiel 17:13

Tén axta apma xama wesse' apwányam apketche, apkelanak axta nahan ekhémo mók apkelpaqhetchásamákpoho m'a, apkeltamhók axta nahan etnehek ekmámnaqsoho agko' appeywa yaqwayam meyenyawha chá'a, apyentegkáseykxeyk axta m'a énxet'ák ekha kéláyo axta m'a apkelókxa

Ezequiel 8:12

Aptáhak axta seyáneya s'e: “¿Apwet'aya apkelyexamakpoho nak chá'a apkeláneykegko m'a apkelámha apmonye'e nak Israel, apnegkenma nak chá'a xama xama aqsok apcháyókxa m'a nápakha apxanák kañe'? Apkenagkamchek ko'o malweteyk xa, sekyamasma m'a apkelókxa nak.”

Ezequiel 9:5

Tén axta sekleg'a nahan aptáha apkeláneya m'a nápakha énxet'ák nak: “Kólxeg kéxegkáxa neptámen, kólweynchamha m'a kañe' tegma apwányam, sa' kóleynhok apmonye' m'a tegma appagkanamap ahagkok nak, kólnáhap sa' meyke apkelmopyósa kóllanok xama enxoho m'a apkelwányamo nak, wokma'ák, kelán'a étkók, sakcha'áletkók tén han ma'a kelán'ák nak. Eyke nágkóllano m'a ekha nak kélqahasso.” Apcheynawók axta nahan sekxók apkelnapa m'a apkelwányamo nak, apheykha axta m'a apmonye' nak tegma appagkanamap.

Amós 2:3

¡Amasséssók sa' ko'o wesse' apwányam nepyeseksa énxet'ák apagkok; waqhek sa' yetlo énxet'ák apagkok ekha nak kéláyo!” Wesse' egegkok apxeyenma xa.