Isaías 3:18 - Biblia Enxet

¹⁸ Emasseksek sa' Wesse' egegkok ekyókxoho élmeykegkaxa nak chá'a kelán'ák élnáxameykha xa ekhem nak: cham'a élnáxegkáseykha nak chá'a m'a amagkok, tén han ma'a eknaqtete nak chá'a m'a áw'ák, tén han ma'a élnatanma éltaqmalma,

Isaías 3:18 ပူးပေါင်းရင်းမြစ်များ

Isaías 3:17

meyke áw'ák sa' ko'o atnéssesek allegássesagkohok xa, weygké sa' waha', yáxña'akxoho sa' anegkenchásekxak ma'a ekyókxa, meyke apáwa.”

Isaías 3:19

tén han ma'a élchenméhe nak, tén han ma'a eknegkenma nak chá'a amék, tén han ma'a éláhakkasso nak chá'a naqta'a apáwa apkelexyawe,

Ezequiel 23:26

Elhaxyawássesek sa' élnaqta, elmok sa' ma'a aqsok étkók agkok éltaqmalma, élmomnáwa nak.

Ezequiel 23:40

“Keláphássek axta apseykha amya'a éltamho elxegmak énxet'ák apkeleñama m'a makhawo', apkelxegakmek axta nahan. Yaqpásegkek axta yegmen xa ánet nak, kelyápaqmatchásegkokxeyk axta nahan aqta'ák, kelnatmegkokxeyk axta nahan aqsok étkók agkok éltaqmalma élmomnáwa, yaqwayam enxoho kalmok takha';

Jueces 8:21

Keñe axta Zébah tén han Salmuná aptáha apcháneya m'a Gedeón: —¡Hẽlnáhap xép! ¡Ekyennaqte apwáxok chá'a keykpelchexkohok ma'a énxet! Apchampákxeyk axta néten Gedeón keñe apkelnapa, apkelmeyk axta m'a aqsok apkelchexenchesso axta apyespa'ák apkelnáxegkáseykha yányátnáxeg apchánte m'a Zébah tén han Salmuná.

Jueces 8:26

Xegkessek axta katyapok diecinueve kilos ekyókxoho m'a kélatchesso kélaphék sawo ekyátekto élmomnáwa nak, meyke ekyepetche m'a nélmeykha nak chá'a nélnáxameykha, tén han ma'a aqsok élmomnáwa, keñe han ma'a apáwa hómáyok apkelántaxneykekxa axta chá'a m'a apkelwesse'e apkelwányam nak Madián, tén han ma'a kélchexenchessamól'a apyespa'ák ma'a yányátnáxeg.