Isaías 3:12 - Biblia Enxet

¹² Sakcha'a m'a apnaqtawáseykegkoho nak énxet'ák ahagkok; kelán'ák kaxwo' tamheykegkok ma'a wesse' apagkok. Énxet'ák ahagkok, apkelyexancháseykha kéxegke m'a apkelámha apmonye'e kélagkok, apkelxegánegkessegkek apkelya'áseykekxo m'a mók ámay.

Isaías 3:12 ပူးပေါင်းရင်းမြစ်များ

2 Reyes 11:1

Xama axta ekleg'a amya'a apketsapa étche m'a Atalía, egken nak Ocozías, xegkek axta keñe éltamho kólnápok apyókxoho wesse' apwányam apnámakkok.

Job 30:13

Eyáhakkáseykekxeyk ámay ahagkok yaqwayam enxoho hemasséssók, méko han élnókáseykencha'a.

Proverbios 28:16

Éntaxnéssesagkok chá'a ektémakxa ekmaso apheykha énxet'ák ma'a apkemha apmonye' mey'áseyak nak aqsok; ahóxek eyke katnehek apweynchámeykha m'a énxet megkaleklo nak apwáxok eyeykhasakpohok apwete aqsok apagkok.

Eclesiastés 10:16

¡Apchókxa sa' laye, apteme nak wesse' apwányam apagkok sakcha'a, elessaksohok chá'a apkelánegkaxa ektámáxche ekyawe ma'a kelwesse'e apagkok nak!

Isaías 19:14

Melya'áseyak aqsok apteméssessók Wesse' egegkok ma'a; cháxa apkelyetnakhássesseykmo nak chá'a ekyókxoho aqsok apkelánéyak ma'a énxet'ák Egipto, ektémól'a m'a anmen áto' apyekxéyak la'a tén han apkelyawheykhal'a.

Isaías 3:4

wokma'ák apketkók sa' etnéssesek ma'a kelwesse'e apkelwányam apagkok, sakcha'a sa' etnehek apkeláneykha.

Isaías 51:22

Aptáhak Dios Wesse' kélagkok se'e ektáha axta apkelmasma m'a énxet'ák apagkok: “Eymentemekxak sa' ko'o kéxegke s'e egheykok élnápeykencha'a nak chá'a kélyeta m'a kañe'; megkólyenekxók sa' chá'a kaxwók ma'a egheykok kélyeta nak seklo.

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Miqueas 3:5

Megkataqmelweykmok apkelxega m'a énxet'ák ahagkok eñama apkelyexancháseykha chá'a m'a apkellegasso nak sekpeywa apkelmopwancha'a amya'a, apkeltennasso nak chá'a katnehek meyke ektáhakxa apheykha m'a apkelmésso nak chá'a aptéyak, keñe eltennaksek chá'a yempakhak ma'a meléyak nak chá'a aptéyak. Aptáhak apkelxéna Wesse' egegkok, cháxa apkellegasso nak appeywa apkelmopwancha'a amya'a:

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.