Isaías 29:3 - Biblia Enxet

³ Aláphaksek sa' ko'o sẽlpextétamo ahagkok yaqwayam sa' ewakhegwók xép, wahaxtegkesek sa' nepyáwa m'a meteymog élyennaqte, amétegkesek sa' nahan máxek nepyáwa yaqwayam sa' kólchetamagkok.

Isaías 29:3 ပူးပေါင်းရင်းမြစ်များ

2 Reyes 18:17

Tén axta wesse' apwányam Asiria apcháphasa xama sẽlpextétamo ekyawe kéláyo aphakxa m'a wesse' apwányam Ezequías, cham'a apkeláneykha apcháyo axta chá'a, keñe han pók sẽlpextétamo apkemha apmonye', apnaqlo m'a sẽlpextétamo apxámokma, axta apkelmahágkok ma'a Jerusalén, apkeleñama Laquis yaqwayam ektamagkok. Xama axta apkelwokmo m'a Jerusalén, keñe apkelpakxenwokmo m'a nekha yegmen atamnek ekmeyeykekxa nak ma'a néten kélyátamakxa yegmen, cham'a ámay ekmahéyak nak Kélyexwássessamakxa Apáwa.

2 Reyes 19:32

“Axta aptáhak Wesse' egegkok apxéna wesse' apwányam Asiria s'e: ‘Metxehek sa' Jerusalén, memakték sa' xama enxoho yágke, mektamagkek sa' nahan yetlo apcháhakkásamap, melañek sa' han ámay néten nenchántamakxa m'a nepyáwa nak.

Isaías 1:8

Sión aqsa kéméxche', máxa kélpakxanmal'a entemék ekyetnama axakkók ma'a neyseksa nak anmen yámet kélcheneykekxa, máxa tegma kélpakxanmal'a aqsa néten meyke kóneg entemék ekyetnama axakkók ma'a nepyeseksa nak yánsamáne kélcheneykekxa, máxa tegma apwányam apwakhél'a apkelenmexma entemék ekyetnama axakko'.

Ezequiel 21:22

Tekkek axta nahan apkelya'assamakxa kélqahasso éltennasa m'a Jerusalén, cháxa éltennasa axta eyeyméxko kaxwók ektamagkok ma'a, yetlo apkelmeykha m'a apkenchesso nak chá'a apkelnápomap tén han yának kalanaxchek kaxwók nentekyawa, tén han elpáxamha ekyennaqte yempakha', ektamagkok nahan ma'a atña'ák apagkok nak, tén han elanagkok xama nélyetlamakxa néten tén han ewakhekxak ma'a ekyókxoho nepyáwa' nak.

Deuteronomio 20:20

Sa' eyke kélwanchek kólyaqtennagkok ma'a yámet élyawe megkatnaha nak chá'a ekha ekyexna, kélmowána nak chá'a kólmaha kólhaxtegkesek ma'a tegma apwányam kélchetámegkaxa enxoho chá'a, ekwokmoho kélma.