Isaías 28:7 - Biblia Enxet

⁷ Yetneyk nahan chá'a nápakha apkelyawheykha eñama élnapma vino tén han élpelápagkáseykha chá'a m'a anmen ekyennaqte segaqhamól'a: apkelyawheykha chá'a m'a apkelmaxnéssesso nak Dios énxet'ák apagkok tén han ma'a Dios appeywa apkellegasso nak eñama élnapma m'a anmen ekyennaqte segaqhamól'a, kelyeykessegkexma m'a vino; kelpelápagkáseykha m'a anmen ekyennaqte segaqhamól'a, elyawheykha chá'a m'a apkelwet'a enxoho aqsok kélxekmósso, kalnápok nahan chá'a m'a apkelxéna enxoho yaqwánxa kólteméssesek xama énxet.

Isaías 28:7 ပူးပေါင်းရင်းမြစ်များ

Salmos 107:27

Máxa anmen át'ák axta aptamheykegkok apkelyawheykencha'a; ¡mékoho axta tamheykekxak ma'a ektémakxa axta apkelmopwancha'a aqsok!

Proverbios 20:1

Megkeyxnegwayam appeywa chá'a katnéssesek énxet ma'a vino; kanathéssesha chá'a apwáxok ma'a anmen ekyennaqte nak; megkay'ássesagkehek chá'a aqsok énxet ma'a eyaqha enxoho.

Proverbios 23:30

Neykhe m'a énxet melwátésseyam nak apyá vino, keñe han ma'a apkelyekkóneykha nak chá'a m'a kaxwe élánamáxche nak anmen.

Eclesiastés 10:17

¡Éleñémo apchókxa apteme nak wesse' apwányam apagkok meyke nak aptémakxa, keñe m'a apkeltaqmelchesso nak apchókxa, etawagkok chá'a aptéyak ekwákxo enxoho chá'a apteykegkaxa aptéyak, yaqwayam elmekxak makham apkelyennaqte, háwe eyke yaqwayam kalnápok anmen!

Isaías 19:14

Melya'áseyak aqsok apteméssessók Wesse' egegkok ma'a; cháxa apkelyetnakhássesseykmo nak chá'a ekyókxoho aqsok apkelánéyak ma'a énxet'ák Egipto, ektémól'a m'a anmen áto' apyekxéyak la'a tén han apkelyawheykhal'a.

Isaías 22:13

Xénchek axta eyke aqsa kélwáxok kéxegke kólneywagkok tén han kalpayhekxak kélwáxok, kólnápok ma'a weyke tén han nepkések, kóltawagkok ma'a ápetek, kólyenagkok nahan ma'a vino. “Antawagkok, agyenagkok, hakte saka sa' óletsapok” —axta kéltáhak.

Isaías 24:2

Kaxhok sa' nahan ektáhakxa énxet'ák ma'a apkelmaxnéssesso nak Dios énxet'ák apagkok, cham'a wesse' nak, tén han ma'a kélásenneykha naqsa nak, cham'a wesse' kelwána nak tén han ma'a kélásenneykha naqsa kelwána nak, cham'a apkelmá nak chá'a aqsok tén han ma'a apkexeykekxa nak chá'a aqsok, cham'a apmassáseykha nak chá'a aqsok apagkok tén han ma'a apxawe nak chá'a aqsok kélmassáseykha, cham'a ekha nak chá'a apméyak aqsok tén han ma'a apkeltémo nak chá'a kólyánmagkasek kélméyák.

Isaías 24:20

Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Isaías 28:1

¡Samaria laye, eyaqheykencha'a nak chá'a apwáxok ma'a Efraín, apteméssessama nak chá'a néten agko' ektaqmalma, apheykegkaxa nak ma'a énxet'ák anmen át'ák; élyamaka nak kaxwók kélnáxegkáseykha m'a pánaqte exnók, ekyetnama nak néten egkexe, néten nak ma'a xapop ekyapwate ektaqmalma, tegma apwányam élnápeykegkaxa nak vino m'a énxet!

Isaías 29:11

Ekyókxoho aqsok kélwete nak chá'a kéxegke tamheykekxak kéllányo m'a ektémól'a ektáxésamaxche weykcha'áhak kélyaqsáseykekxa kélyepetchessól'a ekyennaqte. Kélméssek agkok xama énxet apmopwána nak elyetsetek xa, katnehek amya'a yánékpok se'e: “Elyetsek se'e”, keñe etnehek yátegmowagkok: “Mowanche', kayhek kélyepetchesso.”

Isaías 3:12

Sakcha'a m'a apnaqtawáseykegkoho nak énxet'ák ahagkok; kelán'ák kaxwo' tamheykegkok ma'a wesse' apagkok. Énxet'ák ahagkok, apkelyexancháseykha kéxegke m'a apkelámha apmonye'e kélagkok, apkelxegánegkessegkek apkelya'áseykekxo m'a mók ámay.

Isaías 43:27

Apkeláneykegkek axta melya'assáxma m'a apmonye'e axta apyapmeyk nano', énmexeykekxeyk axta m'a apkelxekmósso axta exchep,

Isaías 5:11

¡Kéxegke laye, kélnaqxétekheykegkoho nak axto'ók agko' kólyenagkok anmen yaqwayam kalnápok, kélwagkassamo nak axta'a megkallágwayam ma'a vino!

Isaías 5:22

¡Kéxegke laye, meyke nak kaxhok kólyenagkok ma'a vino, meyke nak kayeykhássamhok kélmowancha'a kélencheheykekxa mók ma'a anmen segaqhamo nak!

Isaías 5:23

Kéxegke, kélmà nak selyaqye kólánéxchek kólxének meyke aptémakxa m'a énxet apsexnánémap nak, keñe megkóllanók ma'a énxet meyke nak aptémakxa.

Jeremías 14:14

Tén axta Wesse' egegkok aptáha seyátegmowágkokxo s'e: “Aptemék agkok chá'a apkelxeyenma sekpeywa apkellegasso nak chá'a sekpeywa xa ektáha nak, apkelmopwancha'a amya'a. Malapháseykha ko'o m'a, magkéssók nahan sekpeywa xama enxoho, malpaqhetchessók nahan. Háwe naqsók ma'a aqsok apkelwete, mékoho agko' ma'a apkelya'áseykegkoho nak ektémakxa aqsok ekpowásamaxche', élchetámeykha agko' apkelwáxok keñamak. Cháxa apkeltémakxa nak chá'a apkellegassama kéxegke xa énxet'ák nak.

Jeremías 23:13

“Ekweteyak axta ko'o apkeláneykegko aqsok sektaqnagkamo nak ko'o m'a apkellegasso axta sekpeywa apheykha axta m'a Samaria: apkelxeyenmeyk axta chá'a m'a amya'a ekxeyenma nak ekwesey Baal, apkelyetnakhásseykmek axta m'a énxet'ák ahagkok Israel.

Jeremías 23:16

Aptáhak Wesse' ekha apyennaqte s'e: “Israelitas, nágkóleyxho aqsa chá'a aptáhakxa enxoho apkeláneya m'a apkelxeyenma nak chá'a apkellegasso sekpeywa. Wanchek amya'a m'a apkeltémakxa nak chá'a apkelanagkama, élchetámeykha agko' apkelwáxok chá'a apkelxeyenmak, megkatnaha nak chá'a ko'o séltennasso.

Lamentaciones 2:4

Máxa nénmexma aptáhak Wesse' egegkok apkeykesa axát'ák yágke, apyennaqtéssek apaktog apkeykesa; apmasséssekmek ma'a ekleklamo axta chá'a egwáxok anlano', máxa m'a nénmexmal'a; máxa táxa entáhak apyenyeynto aplo m'a neyseksa nak Sión ektaqmalma.

Ezequiel 13:7

¡Háwe naqsók kéxegke m'a ektémakxa nak aqsok kélwete! ¡Wanchek amya'a m'a kélxeyenma nak chá'a yaqwánxa katnehek egmonye'! Kélxeyenmeyk chá'a kéllegassama sekpeywa, makke ko'o alpaqhetchessók chá'a xama enxoho.

Ezequiel 44:21

Méko sa' xama appasmo apkelmaxnéssesso Dios énxet'ák apagkok ének chá'a anmen yámet égmenek aptaxnegwákxo enxoho chá'a m'a kañe' étkok apwáxok tegma nak.

Oseas 7:5

Apchaqhássessek axta vino apkelámha apmonye'e kélteméssesa axta wesse' apwányam ma'a wesse' apwányam egagkok. ¡Tén axta apya'ássesa apmek ma'a ektáha axta apkesmésso!

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

Habacuc 2:15

¡Kéxegke la'aye, kélnáhakkasso nak chá'a anmen apheykha nak ketók kélxanák, kéleykegko nak chá'a vino kélenchehe m'a pánaqte segyeykessamo nak exma, yaqwayam enxoho kólesmaksek chá'a kóllanok meyke apáwa!

Habacuc 2:16

Kólmegqáwhok kélagko' sa' yaqwayam eykhe kóltéhek ekha kéláyo, hakte Wesse' egegkok sa' yagkok xama egheykok ma'a senlegassáseykegkoho nak, yaqwayam sa' kataxchek kélyókxa meyke apáwa, aqsok segmegqasso sa' katnekxak ma'a kéleymáxkoho.