Isaías 28:6 - Biblia Enxet

⁶ egkések sa' nahan ekpéwomo apkeláneykegkokxa chá'a amya'a énxet'ák segyekpelchémo m'a kañe' sẽlyekpelchémókxa nak, egkések sa' nahan élyennaqte apkelwáxok ma'a sẽlpextétamo apmasma nak chá'a m'a tegma apwányam.

Isaías 28:6 ပူးပေါင်းရင်းမြစ်များ

1 Reyes 3:28

Apyókxoho énxet'ák Israel axta apkellegeyk ektémakxa apyekpelchémo wesse' apwányam, apkeltémókxa kólteméssesek, keñe axta aptéma apcháyo, hakte apkelweteyak axta ektémakxa Dios apméssama apya'áseykegkoho aqsok yaqwayam elánekxések amya'a énxet'ák.

2 Crónicas 32:6

Tén axta apnegkena chá'a sẽlpextétamo apkemha apmonye' apagkok ma'a énxet'ák, apchánchesákxeyk axta m'a ekyawakxa nak exma, átog nak ma'a tegma apwányam, apkelwasqakkásekxók axta aptáha apkeláneya s'e:

2 Crónicas 32:8

Énxet apkelyennaqte apchásenneykekxak ma'a, keñe negko'o apheyk Dios Wesse' egegkok yaqwayam hempasmok némpakhe.” Xama axta eklegáxko appeywa m'a wesse' apwányam Ezequías, apkelyennákxók axta m'a énxet'ák.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Proverbios 20:8

Aphakmek agkok wesse' apwányam ma'a aptaháno segyekpelchémókxa nak, xama apkelányo aqsa etnehek ékpelkohok ma'a aqsok ekmaso nak.

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Isaías 33:5

Méko kayeykhágwomhok ma'a Wesse' egegkok, hakte aphegkek ma'a néten; cha'a apsawheyáseykekxoho ekpéwomo nentémakxa Sión ma'a tén han ektaqmalma nentémakxa,

Isaías 4:4

Apxénchek sa' agkok yaqwánxa etnéssesek Wesse' egegkok ma'a, peya enxoho ellegássesagkoho', ényeyásekxak sa' éma éltexnémáxche nak ekyegkenamaxche m'a kañe' Jerusalén, elyenyessásekxak sa' nahan élpeysameykha nak élmanyása apyempe'ék ma'a énxet'ák apheykha nak Sión.

Zacarías 12:5

Apkelwet'ak sa' agkok apkelámha apmonye'e nak Judá xa, sa' katnehek chá'a apkelwáxok se'e: ‘Wesse' egegkok ekha nak apyennaqte, cham'a Dios apagkok nak ma'a apheykha nak Jerusalén, cha'a apkelmésso chá'a apkelyennaqte m'a.’

Deuteronomio 20:4

hakte apheyk kélnepyeseksa kéxegke m'a Dios Wesse' kélagkok; sa' elnapakpok kélenmexma nak kéxegke m'a, sa' elmallahanchesek nahan ma'a.’

Josué 1:9

Ko'o neykhe sektáha sekmésso yaqwayam ewasqápekxoho tén han énnaqtéshok apwáxok. Nágye aqsa hakte ko'o sektáha xeyep Wesse' apagkok, keñe han Dios apagkok. Atnehek sa' sekxegexma apmakókxa enxoho chá'a emhagkok.”