Isaías 28:5 - Biblia Enxet

⁵ Etnehek sa' ekho kélháxaqxo élyenma ektaqmalma Wesse' ekha nak apyennaqte xa ekhem nak, ekho kélnatanma ektaqmalma apagkok ma'a énxet'ák apagkok apkeleymomap nak,

Isaías 28:5 ပူးပေါင်းရင်းမြစ်များ

Job 29:14

Ektaxneykekxeyk axta ko'o m'a ekpéwomo nak nentémakxa, eyáhakkásamaxcheyk axta: máxa sétchesso épátek axta ektemék ma'a meyke nak sektémakxa'.

Isaías 11:16

Apkelchexyekmek sa' agkok makham apkelenyékta' Asiria xa apkeleymomap nak Wesse' egegkok énxet'ák apagkok, elwetak sa' ekyawe agko' ámay, ektéma axta m'a énxet'ák Israel apkelánteyapma axta m'a Egipto.

Isaías 24:16

Nenleg'awók nahan aptáha apkelmeneykmasa énxet'ák apheykha nak ektemegwánxa néxa xóp se'e: “¡Apcheymákpoho ektáha nak appéwomo!” Tén axta ko'o sektáha s'e: ¡Ko'o laye, asagke nak la'a setnamakxa! ¡Yeykhágwokmók agko' nak la'a ekmaso aptamhágkaxa chá'a appelakkassesso apsexnenagko pók ma'a énxet'ák appelakkassesso nak chá'a esexnenak pók!

Isaías 4:3

Eltamhakpok sa' “apkelpagkanchásamap Wesse' egegkok ma'a” énxet'ák apkeleymomap nak meletsapma m'a Sión, cham'a apkelwayam nak teyp ma'a Jerusalén apkelxawéyak nak yaqwayam exmakha m'a.

Isaías 41:16

Yempaksek sa' tén sa' kalsók éxchahayam; segyettekhane ekyennaqte sa' kaxpánchesha. Keñe sa' xép kapayhekxak apwáxok xamók ma'a Wesse' egegkok, kaqheykha sa' apwáxok ma'a Dios Aptaqmalma nak Israel.

Isaías 45:25

Ko'o sa' kañék elmallánek apyókxoho m'a énxet'ák Israel, kaqheykha sa' apkelwáxok hélanok ko'o.”

Isaías 60:19

“Kamaskok sa' kólámenyéhok ekhem yaqwayam kalsássesexma m'a ekhem, kamaskok sa' nahan kólámenyéhok pelten yaqwayam elsássesexma m'a axta'a, hakte ko'o sa' atnehek, cháléwasso kélagkok meyke néxa, sektáha nak Wesse'; ko'o sa' atnehek élseyéxma kélagkok sektáha nak Dios kélagkok.

Isaías 62:3

Kólxohok sa' kéxegke wesse' apwányam apkelháxaqxo ektaqmalma apmeykha m'a Dios Wesse' kélagkok.

Ezequiel 16:12

étchessessek axta nahan élyenma étkok ma'a awéhek, keñe sélatchessesa nahan aheyk'ák ma'a élchenméhe, keñe xama élháxaqxo ektaqmalma agko' ma'a akqátek nak.

Zacarías 12:5

Apkelwet'ak sa' agkok apkelámha apmonye'e nak Judá xa, sa' katnehek chá'a apkelwáxok se'e: ‘Wesse' egegkok ekha nak apyennaqte, cham'a Dios apagkok nak ma'a apheykha nak Jerusalén, cha'a apkelmésso chá'a apkelyennaqte m'a.’