Isaías 28:18 - Biblia Enxet

¹⁸ Kólmasséssók sa' ma'a kélhéssamo axta mók kélpaqhetchásamáxkoho m'a nétsapma, keñe sa' ma'a kélpaqhetchásamáxkoho axta m'a apkelmaheykegkaxa nak chá'a apkeletsapma, meyke ekyennaqte sa' katnehek. Kawak sa' ma'a aqsok ekmaso agko' nak, keñe sa' kéxegke megkólenmaxaxche'.

Isaías 28:18 ပူးပေါင်းရင်းမြစ်များ

Isaías 2:15

tén han apyókxoho m'a apkene nak exnawok ma'a tegma apwenaqte netno', essenhan ma'a kélhaxta nak nepyáwa tegma ekyennaqte,

Isaías 28:15

Kéltáhak kélpaqmeta kéxegke s'e: “Nenlanak negko'o ekhémo mók nélpaqhetchásamáxkoho m'a nétsapma, nélpaqhetchásexkók negko'o m'a apkelmaheykegkaxa nak chá'a apkeletsapma, yaqwayam sa' mehegwatamók ma'a ekwa'a sa' aqsok ekmaso agko'; nélyexanmomchek negko'o m'a nélmowancha'a amya'a nak, néláhakkásamaxcheyk ma'a nélyexancháseykha nak egmók.”

Isaías 28:3

keñe sa' apmagkok elteyammaha m'a eyaqheykencha'a nak chá'a apkelwáxok tén han aptaqmelchessama nak chá'a m'a Efraín énxet'ák apagkok anmen át'ák nak.

Isaías 5:5

Altennaksek sa' ko'o kéxegke ekxénakxa nak ewáxok atnéssesek ma'a anmen yámet séneykekxa: alhexyawássesek sa' ko'o m'a kélhaxtegkesso nak neyáwa, yaqwayam sa' kólmasséssók; alpáxqatchesek sa' ma'a meteymog kélhaxta nak neyáwa, yaqwayam sa' kalteyammaxche';

Isaías 7:7

Keñe Wesse' egegkok aptáha s'e: ¡Megkatnehek sa' xa!

Isaías 8:10

Kéllánekxeyk sa' agkok chá'a yaqwánxa kóltéhek, kamassegwók sa' aqsa chá'a, kélxénchek sa' aqsok chá'a aqsok kélmámenyého, megkalanaxcheyk sa' chá'a, hakte apheyk negyeseksa negko'o m'a Dios.

Isaías 8:8

kawakxohok sa' ma'a Judá, káhapwók sa' ma'a, kayeykhak sa' yegmen ekyawe m'a, apyespa'ák sa' kaxnagwak yegmen ma'a énxet'ák. Máxa náta élpeykessól'a axempenák sa' etnehek yápok Emanuel ma'a ekyókxoho xapop apagkok nak”.

Jeremías 19:7

Magwohok sa' ko'o katyapok aqsok élxeyenma nak apkelwáxok elanagkok énxet'ák Judá s'e yókxexma nak, tén han ma'a énxet'ák Jerusalén. Wának sa' emenxenek ma'a apkelenmexma apkeltaqnagkamo apagko' nak chá'a, tén han elnápok, máma sa' etawagkok aphopák, tén han aqsok nawha'ák éllo.

Jeremías 2:37

Kóltaqhohok sa' makham kéxegke kéleñama Egipto, yetlo ekyawe agko' kélmegqakto, hakte élyetnakhássek ko'o m'a kélásenneykekxo nak chá'a kéxegke, méko sa' kataksek kéxegke kélteme kélxegexma'a m'a.”

Jeremías 44:28

Apqántawók apagko' sa' eleymakpok apkelegketamap kempakhakma, elwakxak makham ma'a Judá apkelenyeykta m'a Egipto. Apyókxoho apkelheykekxa axta Judá tén han apkelmeyáyam axta apkelhe Egipto, elwetak sa' yaqsa ekpeywa ektéma, ko'o essenhan apkelpeywa nak ma'a.

Jeremías 47:2

“Ektáhak ko'o sekpeywa s'e, sektáha nak Wesse': Nexcheyha keñamak ekwa'a ekho yegmen ekyawe, ektémól'a wátsam katyapok yegmen; sawhékxók eyapma m'a apchókxa, tén han ma'a ekyókxoho aqsok ekhéyak nak kañe', cham'a tegma apkelyawe nak, tén han apheykha nak ma'a kañe'. Apkelwehéseyha m'a apyókxoho énxet'ák apheykha nak kañe', kelpayheyha apatña'ák apkellegágkoho ekmáske.

Lamentaciones 4:17

Kelyampayak egaqta'ák nélhaxanma, nélhaxanmeyk eyke aqsa, chaqhémok nélhaxanma hempasmok. Nélhaxanmeyk eykhe elwak énxet'ák megkalmopwána nak hempasmok.

Ezequiel 13:11

Eltennés sa' peya epallegmak nápakhaw'ék tegma m'a apkelmópeséyak nak chá'a nápakhaw'ék tegma. Kawak sa' mámeye ekyawe agko', katyamok sa' yegmen élyennaqte ekho meteymog, kaxchahák sa' ekyennaqte agko' ekho samaxche',

Ezequiel 17:15

Apkenmexákxeyk axta eyke wesse' apwányam Babilonia xa wesse' apwányam apketche nak tén axta apkeláphasa apkelásenneykha m'a Egipto yaqwayam elmaxnegwók ma'a yátnáxeg tén han apxámokma m'a énxet. ¿Kélaneykeya kéxegke emallánek natámen xa tén han exyenmok yetlo megyetsapma? ¿Apwancheya exyenmok yetlo megyetsapma m'a melane nak chá'a ekhémo mók nélpaqhetchásamáxkoho?

Daniel 11:40

“Wokmek sa' agkok néxa, ektamagkok sa' wesse' apwányam apha nak nepyeyam ma'a wesse' apwányam apha nak nexcheyha; elanyexegmak sa' eyke, máxa éxchahayam ekyennaqte sa' etnehek ektamagkok ma'a apheykha nak nepyeyam, esawheyásekxohok sa' yátnáxeg apkelyenyawasso apkenchesso nak kempakhakma ekyókxoho apchókxa', tén han apxámokma apkelchánte yátnáxeg, keñe han ekxámokma agko' ma'a yántakpayhe.

Nahúm 1:8

Máxa yégayam élsól'a ekyókxoho aqsok akke etnéssesek emasséssók ma'a ektáha nak chá'a apkenmexeykekxa; ekyáqtésso exma chá'a yáhakkasek ma'a apkelenmexma nak.

Zacarías 1:6

Cham'a sekpeywa tén han seyánamakxa axta chá'a etnahagkok, séltémo axta ko'o eltennasagkok ma'a séláneykha apkellegasso axta sekpeywa, apwagkassegkek axta apheykegkaxa m'a kélyapmeyk nano' axta kéxegke. Tén axta sey'eykekto ko'o m'a, apkelya'ásegweykmo m'a sekteméssessamakxa axta chá'a ko'o sektáha nak Wesse' ekha sekyennaqte eñama m'a apkeltémakxa tén han aqsok ekmaso apkeláneyak.’”