Isaías 28:11 - Biblia Enxet

¹¹ Sa' agkok elyahakxohok xa, elpaqhetchesek sa' Dios ma'a nempeywa magya'áseyak nak ektémakxa, nempeywa manlegaya nak.

Isaías 28:11 ပူးပေါင်းရင်းမြစ်များ

Isaías 33:19

Kamaskok sa' exek nepyeseksa m'a énxet'ák megkalyexnegwayam nak chá'a apkelpeywa elának apnámakkok, ekmáske nak agya'asagkohok ma'a ektémakxa apkelpeywa, manlege nak ektáhakxa m'a apkelpeywa, mey'áseyák nak xama énxet.

Jeremías 5:15

Aptáhak Wesse' egegkok se'e: “Israel, anaqlókásegmak sa' ko'o exchep énxet'ák, apkeleñama nak makhawók agko', cham'a énxet'ák apkelyennaqte nak tén han nanók agko' énxet'ák nak. Mopwanchek xép apkelpeywa m'a, mey'asagkek han ma'a aptáhakxa enxoho apkelpeywa.

Ezequiel 3:5

Magwaphásak ko'o exchep yaqwayam emhagkok ma'a xama apchókxa apheykegkaxa nak énxet magya'áseyak ektémakxa apkelpeywa essenhan ma'a ekmáske nak agya'asagkohok ektémakxa, akke eyáphásak ko'o exchep ma'a énxet'ák Israel apchókxa nak.

Deuteronomio 28:49

Ektágkásegmak sa' kéxegke Wesse' egegkok ma'a énxet'ák apkeleñama nak apchókxa makhawók agko' keso náxop, cham'a énxet'ák megkólmowána nak kéxegke m'a apkelpeywa. Máxa sa' etnahagkok ma'a ektémól'a náta meyke ahekhek ekyennaqtél'a kampa';