Isaías 27:8 - Biblia Enxet

⁸ Apkellegassáseykegkók axta énxet'ák apagkok Dios apkeltémo kólnaqlakxak ma'a megkatnahakxa nak apkelókxa, apwátekhapmeyk axta ekyennaqte agko' apkelántekkessama, ektémól'a kaxchahák ma'a éxchahayam eñama nak teyapmakxa ekhem.

Isaías 27:8 ပူးပေါင်းရင်းမြစ်များ

Job 23:6

Yeyxhok sa' ko'o sektáhakxa sekpeywa m'a, ménnaqtések sa' appeywa hélána', memha sa' ma'a ektémakxa nak ekha apmopwána

Salmos 103:14

hakte apya'ásegkok néñamakxa negko'o senlane m'a: apya'ásegkok nenteme xapop.

Salmos 103:9

Mehenxénchásekxók chá'a nentémakxa yókxoho ekhem, megkawegqók chá'a aplo;

Salmos 38:1

Wesse', ná hepaqhetches aqsa ko'o ekyennaqte eñama setaqnagko, ná heñássesagkoho aqsa ko'o aplawa enxoho.

Salmos 6:1

Wesse', náhetaqnow aqsa ko'o aplawa enxoho, ná heñássesagkoho aqsa ko'o setaqnawaya enxoho.

Salmos 76:10

Yának chá'a exchep elpeykeshok ma'a énxet'ák apkello nak; ¡elsawásseshok chá'a exchep ma'a metekyawa nak kempakhakma!

Salmos 78:38

Apyósekak axta eyke apkelányo m'a Dios, meyaqmagkásekxeyk axta chá'a apkeltémakxa ekmaso, axta han emassésseykmok; megyohók axta chá'a katxek apwáxok aplo.

Isaías 1:5

Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Isaías 54:7

“Yaqwatakxoho axta ekyamasmak xeye', yetlo ekyawe seyásekhayo sa' eyke eypetchekxak makham.

Isaías 57:16

Malxénchásekxók sa' chá'a ko'o kaxwók apkeltémakxa m'a énxet'ák ahagkok maltaqnaweygkek sa' nahan chá'a yókxoho ekhem; hakte elyelqakpok katnehek nahaqtók ko'o m'a énxet'ák ektáha axta sélane.

Isaías 64:5

Emhohok xép takha' m'a énxet apkelane nak chá'a aqsok ektaqmela yetlo ekpayheykekxa apwáxok, megkalwagqayam nak chá'a elának ma'a apmopmenyého nak chá'a exchep. Aplamchek axta exchep, hakte nenláneykegkek axta negko'o mólya'assáxma; nanók agko' axta nenlókáséyak.

Jeremías 10:24

Hẽllegássesagkoho sa' negko'o, yetlo ekpéwomo senteméssesakxa, háwe sa' yetlo aplo, hakte hegmasséssók katnehek.

Jeremías 30:11

Ekxénchek ko'o, sektáha sélxegexma'a kéxegke yaqwayam alwagkasek teyp, ko'o sektáha nak Wesse'. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Jeremías 4:11

Wokmek sa' agkok xa ekhem nak, sa' katnehek amya'a elxénakpok énxet'ák Jerusalén se'e: “Éxchahayam ekmexanma wátekhápak énxet'ák ahagkok eñama nak meykexa énxet. Háwe m'a éxchahayam megkeynnaqtél'a, kélmowánal'a kólchempaksek apyempe'ék apák hótáhap apaktek;

Jeremías 4:27

Aptáhak Wesse' egegkok se'e: “Ekmaso sa' kóltemessásekxak ekyókxoho xapop, mamasséssemek sa' eyke ekyókxoho.

Jeremías 46:28

Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle, hakte ekheyk ko'o xamók kéxegke. Amasséssók sa' ko'o ekyókxoho apkelókxa, cham'a sélya'assamakxa axta chá'a ko'o kéxegke séxpánchessama. Keñe sa' kéxegke mamassésseme'; allegássesagkohok sa' aqsa ekpayhawo nak atnéssesek séllegassáseykegkoho: megkatnehek sa' mallegassáseykegkoho kéxegke.”

Lamentaciones 3:31

Megkawegqók segyamasma m'a Wesse' egegkok.

Lamentaciones 3:32

Henlegássesagkohok eykhe nahan chá'a, yepyósegwók eyke nahan chá'a henlano', hakte awanhók agko' ma'a ektémakxa segásekhayo.

Ezequiel 19:12

Kélpátekkessek axta eyke yetlo ektaqnómaxche, kélpekkenchek axta náxop. Yamássek axta m'a éxchahayam eñama nak teyapmakxa ekhem pallakmek axta m'a ekyexna; Kelyamakak axta m'a aktegák élyennaqte nak kélchexakkek axta nátex.

Oseas 13:15

Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.