Isaías 27:4 - Biblia Enxet

⁴ Massék ko'o séltaqnaweygko xa. Tekkek sa' agkok am'ák tén han ekmompánaqma m'a neyseksa, wampakhak sa' ko'o, asawhohok sa' alwatnek ekyókxoho.

Isaías 27:4 ပူးပေါင်းရင်းမြစ်များ

2 Samuel 23:6

Keñe sa' ma'a apyókxoho élmasagcha'a nak apkeltémakxa, máxa am'ák kélchexakha sa' kólteméssesek magmowánal'a ampaknegwomho'.

2 Samuel 23:7

Sawo ekyentaxno essenhan sawhéwa chá'a kóltéhek ma'a peya enxoho kólpaknegwomho', kólchexák chá'a nátex, yaqwayam enxoho kólwatnek ekyókxoho.”

Salmos 103:9

Mehenxénchásekxók chá'a nentémakxa yókxoho ekhem, megkawegqók chá'a aplo;

Salmos 85:3

Apkelwátessamók agko' aplo, tén han apkeltaqnawéyak énxet'ák apagkok.

Isaías 10:17

Etnekxak sa' táxa eyáléwe m'a Dios aptaqmalma, apkelsássessóxma nak chá'a m'a Israel, xama ekhem agko' sa' nahan elwatnek tén han emasséssók ekyókxoho m'a yámet ekha nak am'ák tén han ma'a ekmompánaqma ekyetnama nak ma'a apchókxa.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 33:12

Táhap sa' etnekxak ma'a énxet'ák; máxa yámet ekha nak am'ák kélyaqténma sa' etnahagkok eláléwha elmétek ma'a neyseksa táxa.

Isaías 9:18

Tawáseyha aqsok ma'a nentémakxa ekmaso, máxa táhak ma'a ektémól'a táxa eyáléwe kalwatnek ma'a yámet ekha nak am'ák tén han ma'a ekmompánaqma nak, ekweykmohol'a élwatno m'a yenta'a élaqnéyak nak naxma, keñe kay'aksek néten ma'a éten nak.

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Ezequiel 16:63

Kaxénwakxohok sa' xeye' awáxok mayaqmagkásekxo sa' ko'o ekyókxoho m'a aqsok élane, kamegqáwhok agko' sa' nahan, megkapaqmétek sa' xama enxoho. Ko'o sekxeyenma xa sektáha nak Wesse'.’”

Malaquías 4:3

Cháxa ekhem sekpagkanma nak ko'o, máxa yagkamex sa' kólteméssesek kéxegke kólteyammaha m'a élmasagcha'a nak apkeltémakxa'.