Isaías 27:12 - Biblia Enxet

¹² Elának sa' aqsok Wesse' egegkok xa ekhem nak eyeynamo ma'a Éufrates ekweykekxoho m'a wátsam Egipto, máxa sa' etnehek ma'a aptémól'a énxet apkempassól'a apyempe'ék apák ma'a hótáhap apaktek; keñe sa' kéxegke israelitas, kélxama kélxama sa' chá'a kólmaxchek kólánchásekxa'.

Isaías 27:12 ပူးပေါင်းရင်းမြစ်များ

Génesis 15:18

Cháxa ekhem apkelanakxa axta han ekhémo mók apkelpaqhetchásamákpoho Wesse' egegkok ma'a Abram. Aptáhak axta apcháneya s'e: —Agkések sa' ko'o aptawán'ák neptámen se'e xapop nak, eyeynamo m'a wátsam nak Egipto, ekweykekxoho m'a wátsam ekyawe nak Éufrates,

1 Reyes 8:65

Apkelanak axta Salomón apkelsawássessamo kélpakxeneykegkaxa nak yenta'a aktegák étkók, tén han ma'a apyókxoho énxet'ák Israel, apxámok apagko' axta apkelwe apkeleñama m'a nentaxnamakxa nak Hamat, ekweykmoho m'a alwáta étkok nak Egipto, apkelánésa m'a Dios Wesse' egegkok, tén han mók apkelsawássessamo ekweykmoho siete ekhem; catorce ekhem axta ekyókxoho apkelsawássessamo.

Nehemías 1:9

keñe apxeyenma negya'aweykto enxoho exchep, tén han nenlánegko enxoho m'a apkeltémókxa nak antéhek, nélyahákxoho enxoho, apxeyenma hennaqlosawakxak neyseksa néxpaqneykha ekweykmoho m'a ektemegwánxa nak néxa keso náxop, hennaqlakxak makham ma'a yókxexma ekpagkanamaxche apkelyéseykegkaxa axta ekyetnamakxa apwesey.

Salmos 68:22

Aptáhak Wesse' egegkok se'e: “Anaqlósawakxak sa' ko'o makham kélenmexma apkeleñama m'a Basán nak; anaqlósawakxak sa' makham apkeleñama m'a wátsam ekwányam ekmattawóneg nak,

Salmos 72:8

¡Kawomhok sa' apkeláneykha m'a halep wátsam ekwányam ekweykekxoho m'a teyp nak wátsam ekwányam, eyeynamo m'a wátsam Éufrates, ekweykmoho m'a ektemegwánxa nak néxa xapop, keso nélwanmeygkaxa'!

Isaías 17:6

apkeleymomap la'a aqsa wánxa m'a kéláyam nak; essenhan ma'a ektémól'a kólyeykesek aktegák ma'a olivo yámet éleymomáxchel'a aqsa wánxa ánet essenhan ántánxo ekyexna m'a naw'ék nak, essenhan cuatro tén han cinco ekyexna chá'a m'a ekyókxoho awhók nak. Wesse' egegkok apxeyenma xa, Israel Dios apagkok nak.

Isaías 49:5

Ekxawáyak ko'o ekha séláyo nápaqtók Dios Wesse' ahagkok, hakte cha'a apteme sénnaqtésso m'a. Aptáhak Wesse' egegkok se'e, ektáha axta sélane sekyetnamakxa kañe' méme awáxok yaqwayam atnehek apkeláneykha, yaqwayam enxoho wának elchexyók makham ma'a énxet'ák Israel, cham'a Jacob énxet'ák apagkok nak, yaqwayam enxoho elyepetchegwaták makham:

Isaías 56:8

Wának sa' ko'o elchexyók ma'a apheykha nak makham megkatnahakxa apkelókxa, wának sa' yaqnekxak makham.” Wesse' egegkok apxeyenma xa, apkeltémo axta elchexyók makham elyepetchegwaták israelitas ma'a apkexpaqneykha nak mók nekha.

Jeremías 3:14

Aptáhak Wesse' egegkok se'e: “Kólchexyem makham, énxet'ák sénmexeykekxa nak ko'o, ko'o sekteme Wesse' kélagkok. Amok sa' chá'a ko'o kélxama xama tegma apwányam, keñe sa' apqánet chá'a m'a ektáha nak chá'a apnámakkok apagko', anaqlakxak sa' ma'a Sión.

Jeremías 44:28

Apqántawók apagko' sa' eleymakpok apkelegketamap kempakhakma, elwakxak makham ma'a Judá apkelenyeykta m'a Egipto. Apyókxoho apkelheykekxa axta Judá tén han apkelmeyáyam axta apkelhe Egipto, elwetak sa' yaqsa ekpeywa ektéma, ko'o essenhan apkelpeywa nak ma'a.

Ezequiel 20:34

Wánchásekxak sa' ko'o kéxegke, anaqlósawakxak sa' nepyeseksa m'a énxet'ák tén han ma'a pók aptémakxa nak chá'a énxet'ák kélmeheykegkaxa axta chá'a kélexpánma, yetlo ekyawe sekmowána sa' eyke chá'a atnehek, tén han sellegassáseykegkoho yetlo seklo.

Ezequiel 20:41

Eyanchesákxeyk sa' agkok ko'o kéxegke kélheykegkaxa nak chá'a apkelókxa tén han nepyeseksa m'a pók aptémakxa chá'a énxet'ák, cham'a kélmeheykegkaxa nak kélexpánma s'e kaxwo nak, tén han sekxekmósa sa' ektémakxa sekpagkanamaxche ahagko' ko'o kélnepyeseksa kéxegke nápaqta'awók ma'a apyókxoho énxet'ák, amok sa' takha' m'a aqsok sélmésso naqsa ekmátsa nak ekpaqneyam.

Ezequiel 39:25

“Ekeso éñamakxa sektáha nak ko'o sekpeywa s'e sektáha nak Wesse': Kalepyóshok sa' ko'o kaxwók alanok apyókxoho m'a énxet'ák Israel, Jacob aptawán'ák neptámen nak. Wának sa' kayaqmagkasek mók ma'a ektémakxa nak chá'a, yaqwayam sa' wának ko'o etaqmelchesek ma'a sekwesey ektaqmalma nak.

Ezequiel 47:19

“Keñe sa' ma'a néxa xapop nepyeyam nak, sa' kañék kaxog ma'a tegma apwányam Tamar nak, kayeykhak sa' ma'a ekyetnamakxa nak yegmen ma'a Meribá-cadés tén han ma'a ényahamakxa nak yegmen ma'a Egipto, ekwokmoho ekwákxo m'a Mediterráneo.

Amós 9:9

Wának sa' ko'o kólektegaxnek ma'a énxet'ák Israel ektémól'a kólektegaxnek hótáhap apaktek ma'a xama hópenyántétkók élyagqáxeykha, meykel'a aptéyam xama enxoho m'a apaqtek.

Zacarías 8:7

Alwagkasek sa' ko'o teyp énxet'ák ahagkok apkelmoma nak ma'a énxet'ák apheykha nak apkelókxa teyapmakxa ekhem tén han ma'a apheykha nak apkelókxa taxnegwánxa ekhem,

Josué 15:4

tén axta ekyeykheykekxo makham ekweykekxoho Asmón, yephagweykekxeyk axta m'a alwáta' nak Egipto, tén axta ektemegweykekxo néxa m'a wátsam ekwányam Mediterráneo. Cháxa ektemegwánxa néxa xapop ekpayho nak nepyeyam.